Bl 23:20 - Sơ̆p Hlabơar Nơ̆r 'Bok Kei-Dei

²⁰ Mir păng gơp tơmo đơ̆ng lu bơngai Hêtit pơjao, noh wă khan Abraham yua teh noh pơm bơsat.

Bl 23:20 Referans Kwoze

II Pot 21:18

Manase lôch thoi tep hiôk hăm lu 'bok kơdră sư, đe 'bŭ sư tơ lăm pơgar pơkao Usa. Pơgar pơkao lăm anih pơtao. Ammôn kon drŏ-nglo sư pơgơ̆r pơtrơp sư.

II Sam 24:24

Mă-lei pơtao tơl khan: “Ưh kơ gơh. Inh wă răt păng ăn kơ ih jên tôm, inh ưh kơ wă pơyơ̆r ăn kơ Kră Yang 'Bok Kei-Dei inh lu tơmam soi 'buh, mă inh ưh kơ đei hiong jên răt.” Na pơtao Đawit răt dơnih noh păng rơmo noh dang tơdrâu tơpei hu.

Bl 50:13

Chơ ba atâu 'bă lu sư wih brŏk tơ Kanaan 'bŭ lăm hơgơp tơmo tơ bri Makbêla jê̆ Mamrê mă đêl Abraham răt hloi hăm mir chŭn Êphrôn, đơ̆ng bơngai Hêtit, wă pơm bơsat.

Bl 50:5

'Bă inh pơkă kơ inh thoi âu: 'Nâu 'bă wă jê̆ lôch, kon athei 'bŭ 'bă tơ bơsat mă đei răt lê̆ boih lăm char Kanaan. Thoi noh dang ei inh athei tŏk tơ noh 'bŭ 'bă inh na inh gô jur dơ̆ng tơ âu.

Bl 25:9

'Bar 'nu bre kon drŏ-nglo sư, Isăk păng Ismael, 'bŭ 'bă bre sư lăm gơp tơmo Makbêla tơ anih bri Êphrôn kon drŏ-nglo Sôhak, bơngai Hêtit, jê̆ Mamrê.

Bl 10:15

Kanaan pơjing Siđôn, kon drŏ-nglo kơdră sư păng Hêt.

Bl 23:4

“Inh jơ̆ bơngai tơmoi oei pơdơh tơ âu hơdai iĕm. Apinh asong inh teh wă pơm bơsat lăm tơring iĕm wă 'bŭ bơngai mă inh jô̆ akâu akar inh.”

Bl 23:19

Đơ̆ng rŏng kơ dôm tơdrong noh, Abraham 'bŭ Sara, akăn sư, lăm gơp tơmo lăm mir Makbêla hơlĕch kơ pơlei Mamrê wă khan Hêbrôn, lăm char Kanaan.

Bl 25:10

Noh mă bri đêl Abraham răt đơ̆ng bơngai Hêtit. Tơ anih noh bre sư 'bŭ Abraham hơdai hăm Sara akăn sư.

Bl 49:29

Đơ̆ng noh, sư đei pơma pơkă kơ lu kon drŏ-nglo sư thoi âu: 'Bă gô brŏk kiơ̆ 'bok yă, lu đe kon gô 'bŭ 'bă hơdai 'bok yă, tơ anih trôm tơmo lăm mir Êphrôn, bơngai Hêtit.