Bl 23:2 - Sơ̆p Hlabơar Nơ̆r 'Bok Kei-Dei

² Sara lôch tơ Kêriat Arba, noh krao Hêbrôn, lăm tơring Kanaan. Abraham grong nhơ̆m hmoi kơ Sara.

Bl 23:2 Referans Kwoze

Bl 23:19

Đơ̆ng rŏng kơ dôm tơdrong noh, Abraham 'bŭ Sara, akăn sư, lăm gơp tơmo lăm mir Makbêla hơlĕch kơ pơlei Mamrê wă khan Hêbrôn, lăm char Kanaan.

Bl 13:18

Na Abram yuih bơsŭn sư năm oei ala tơm 'long kôih tơ Mamrê, gah Hêbrôn păng sư kư̆m đei pơm tơ noh minh pôm chơnang soi kơ Kră Yang.

I Ho 6:57

Na kon sâu Arôn đei ăn lu pơlei anih ôn kơ'nơp, 'noh pơlei Hêbrôn, Lipna, Jatir Êthemôa;

Lu 1:10

Đơ̆ng noh lu sư blah kon pơlei Kanaan oei tơ Hêbrôna păng blah Sêsai, Ahiman, hăm Tanmai.

Jang 8:2

Đei lu bơngai lui kơjăp năm 'bŭ atâu Êtien. Lu sư nhơ̆m hmoi ơh kơ Êtien lôch.

Yo 11:35

Na Yêsu kư̆m nhơ̆m hmoi mơ̆n.

Yo 11:31

Lu bơngai Juđê mă năm hơpong kơ bre Mathê, lu sư oei lăm hnam ei mơ̆n. Lăp lu sư 'bôh Mari iung năm tơkan tơ Yêsu, lu sư iung kiơ̆ hloi. Lu sư ngêh kơ Mari năm nhơ̆m tơ bơsat.

Je 22:18

Thoi noh, 'nâu Kră Yang khan gah Jêhôiakim, kon drŏ-nglo Jôsia pơtao đe Juđa: Ưh kơ đei bu nhơ̆m hmoi kơ sư khan: Hô̆ lah 'nhŏng inh! Hô̆ lah mŏ inh! Ưh kơ đei bu nhơ̆m hmoi kơ sư khan: Hô̆ lah yŏng inh kah, hô̆ lah pơtao 'lơ̆ng rŏ inh kah!

Je 22:10

'Nĕ hmoi kơ pơtao lôch păng kư̆m 'nĕ pă nhơ̆m hmach kơ sư, jah nhơ̆m hmoi bĕ kơ pơtao mă đe rôp pơm bơnă đơ̆ng iĕm, yua kơ sư ưh pă wih brŏk tơ iĕm dơ̆ng. Ưh pă wă 'bôh dêh char sư âu dơ̆ng.

II Ho 35:25

Jêrêmi pơm 'bai hơri nhơ̆m hmoi kơ Jôsia; kư̆m đei lu bơngai drŏ-nglo, drŏ-kăn oei hơri pôk kơ pơtao Jôsia dĭng truh dang ei; tơdrong hơri nhơ̆m hmoi jing juăt tơ lăm lu bơngai Isơrael; 'nâu tơdrong hơri noh đe chih răk tơ lăm sơ̆p hla bơar nhơ̆m hmoi.

II Sam 5:5

Tơ Hêbrôn, Đawit pơgơ̆r lu bơngai Juđa tơpơh sơnăm tơdrâu khei, păng tơ Jêrusalem, sư pơm pơtao pơgơ̆r đĭ-đăng Isơrael păng Juđa pêng-jĭt pêng sơnăm.

II Sam 5:3

Đĭ-đăng lu kră bơngai Isơrael năm tơ pơtao Đawit tơ Hêbrôn; pơtao Đawit đei pơm tơdrong pơgơ̆p hăm lu sư tơ Hêbrôn 'bơ̆t anăp Kră Yang, na lu sư tuh đak rơmă pôk Đawit pơm pơtao Isơrael.

II Sam 2:11

Đawit oei tơ pơlei Hêbrôn pơgơ̆r lu adrĕch Juđa đei tơpơh sơnăm tơdrâu khei.

II Sam 1:17

Đawit pơm 'bai hơri nhơ̆m hmoi ơh sơ'ngon kơ Sôl păng kon tơdăm sư Jônathan.

II Sam 1:12

Lu sư tŭr kơtơh, nhơ̆m hmoi, hăm ơ̆t kơ sŏng sa truh tơ kơsơ̆, wă wang ơh sơ'ngon kơ Sôl hăm kon sư Jônathan, hăm yua kơ kon pơlei Kră Yang păng adrĕch Isơrael, yua kơ lu bơngai 'nâu pơ̆k lôch lăm anih tơblah.

I Sam 28:3

Kơplah noh, Samuel lôch boih đĭ lu bơngai Isơrael nhơ̆m hmoi kơ sư păng 'bŭ sư tơ Rama, pơlei sư kơdih. Sôl puh tơweh đĭ lu bơngai pơm pơjâu.

I Sam 20:31

Dah kon drŏ-nglo Jese arih sot lăm kơpal teh âu dĭng truh dang yơ, na e păng teh đak e kư̆m ưh kơ đei dang noh mơ̆n; dang ei hloi, chông ba sư tơ inh âu; sư trŏ kơ lôch.

Jôsuê 20:7

Thoi noh kon pơlei Isơrael, rơih iŏk pơlei Kades lăm char Galilê, tơ kơpal kông char Naptali; Pơlei Sichem tơ kơpal kông Êphraim păng pơlei Kiriat Arba, noh đe krao pơlei Hêbrôn, oei tơ kơpal kông lăm char Juđa.

Jôsuê 10:39

Lu sư blah iŏk pơlei noh păng lu pơlei jê̆, kư̆m rôp pơtao pơlôch hăm đao gưm păng pơlôch đĭ-đăng lu bơngai oei lăm pơlei noh ưh kơ đei lê̆ bu oei arih, sư pơm kơ kon pơlei Đêbir păng pơtao lu sư, kư̆m nhen thoi sư pơm kơ pơlei Hêbrôn pơlei Lipna hăm pơtao sư.

Both 34:8

Kon pơlei pơla bơngai Isơrael nhơ̆m hmoi pơdong Môis lăm pêng-jĭt năr tơ anih tơmăn glă char Môap; dôm lu năr nhơ̆m hmoi păng năr pơdong Môis hlôi keh đang bơih.

Jo 20:29

Đĭ-đăng kon pơlei Isơrael akŭm 'bôh Arôn kơtĕch jơhngơ̆m boih, na nhơ̆m hmoi grong pơdong sư lăm pêng-jĭt năr.

Jo 13:22

Lu sư yak năm đơ̆ng gah gơal tŏk truh tơ pơlei tih Hêbrôn, tơ noh đei Ahiman, Sêsai păng Tanmai, lu kon sâu Anak oei tơ noh. Đe pơjing pơlei tih Hêbrôn tơpơh sơnăm adrol kơ pơlei Sôan lăm char Êyiptơ,

Bl 50:10

Kơplah truh tơ anih juă 'ba Atat, pah to đak Krong Jôrđăn, na lu sư akŭm hmoi sơ'ngon tih dêh tơ noh. Tơ noh Jôsep pơdong 'bă sư lăm tơpơh năr.

Bl 27:41

Êsâu đei jơhngơ̆m blĕk kơ Jakôp yua kơ 'bă sư sơkat ăn pŭn hiôk kơ Jakôp, sư tơchĕng lăm jơhngơ̆m đon sư khan: Năr 'bă inh lôch wă jê̆ boih, thoi noh, na inh gô pơlôch Jakôp, oh inh.

Bl 23:1

Sara sư arih đei minh-hrĕng 'bar-jĭt tơpơh sơnăm. Dôm noh chăl arih Sara.

Bl 24:67

Isăk chông hloi Rê'bêka mơ̆t tơ lăm bơsŭn Sara, mĕ sư. Iŏk pơm akăn păng 'mêm kơeng kơ sư. Thoi noh Isăk klaih kơ sơ'ngon đơ̆ng rŏng kơ mĕ sư lôch.

Bl 35:27

Jakôp truh tơ Isăk, 'bă sư, tơ Mamrê jê̆ pơlei Kiriat, wă khan Hêbrôn, anih pơlei mă bre Abraham păng Isăk oei.

Bl 37:14

Isơrael khan: E năm lăng lu 'nhŏng e thoi yơ păng lu khŭl triu hai liơ? Na brŏk roi kơ inh băt. Thoi noh na đơ̆ng lăm thŭng Hêbrôn, sư athei Jôsep năm tơ Sichem, Jôsep truh tơ Sichem.

Jôsuê 15:13

Jôsuê ăn kơ Kalep, kon drŏ-nglo Jêphunê, minh pah teh đơ̆ng lăm lu bơngai Juđa, kiơ̆ thoi Kră Yang khan kơ Jôsuê; Kiriat Arba. Arba noh 'bă kơ Anak, noh đe krao pơlei Hêbrôn.

Jôsuê 15:54

Humta, Kiriat Arba, noh đe anăn Hêbrôn păng Siôr: Đĭ-đăng tơsĭn tŏ pơlei hăm pơlei iĕ lu sư.

Jôsuê 21:11

Đơ̆ng adrĕch Juđa đei ăn kơ lu sư pơlei Kiriat Arba, đe kư̆m krao pơlei Hêbrôn (Arba 'bă Anak), oei tơ tơring groi kông lăm char Juđa păng teh Jum dăr kơ pơlei, đei tơmăn 'nhĕt.

Ne 11:25

Gah lu pơlei păng chŭn mir lu sư, đei lu mơ'nah bơngai Juđa oei tơ Kiriat Arba păng lu pơlei jê̆ sư, lăm pơlei Đibôn păng lu pơlei jê̆ sư, lăm pơlei Jêkapsêl păng lu pơlei jê̆ sư.

Bl 50:1

Jôsep kŭp kơ̆l 'bơ̆t muh măt 'bă sư, chŭm 'bă sư păng hmoi.

I Sam 25:1

Samuel lôch; đĭ-đăng lu bơngai Isơrael akŭm băl nhơ̆m hmoi kơ sư, đơ̆ng noh 'bŭ sư tơ lăm pơlei Rama. Đawit iung jur năm tơ char glă Pharan.