Bl 22:7 - Sơ̆p Hlabơar Nơ̆r 'Bok Kei-Dei

⁷ Isăk pơma hăm Abraham, 'bă sư, thoi âu: “Ơ 'bă!” 'Bă sư tơl: “Kiơ kon! ‘'Bă tơ âu.’ ” Isăk khan: “'Long ŭnh đei boih, ŭnh đei boih, mă-lei tơ yơ kon triu wă 'buh soi?”

Bl 22:7 Referans Kwoze

Rom 8:15

Ưh kơ sĭ 'Bok Kei-Dei ăn Yang Bơhngol 'Lơ̆ng wă kơ bơ̆n jing bơngai đĭch, dah wă kơ bơ̆n oei hli ôh. Sư ăn kơ bơ̆n Yang Bơhngol 'Lơ̆ng wă kơ bơ̆n jing kon Sư. Thoi noh na bơ̆n gơh krao kơ 'Bok Kei-Dei Aba, 'Bă bơ̆n.

Yo 18:11

Na Yêsu khan kơ Pêtrôs: “Tah lê̆ dao ih tơ anglop bĕ. 'Bă Inh ăn tơdrong anat anot âu truh kơ Inh, trŏ kơ Inh iŏk boih.”

Mathiơ 26:42

Yêsu năm krao khan mă 'bar Sư khan thoi âu: “Ơ 'Bă, dah Ih wă kơ Inh chu iŏk tơdrong gleh âu tơpă, kư̆m bưh, gô mơ̆ng kơ Ih wă.”

Mathiơ 26:39

Yêsu năm ataih 'biơ̆ đơ̆ng lu pêng 'nu noh na Sư 'nap kŭp kơ̆l krao khan kơ 'Bă Sư thoi âu: “Ơ 'Bă, dah gơh, ăn kơ Inh klaih đơ̆ng tơdrong gleh âu. Mă-lei Ih 'nĕ pơm kiơ̆ kơ Inh, pơm kiơ̆ kơ Ih đĕch.”

Le 12:3

Athei roi ăn kơ đĭ-đăng kơ lu bơngai Isơrael thoi âu: Truh năr mơjĭt khei 'nâu, rim 'nu bơngai drŏ-nglo lăm hnam dơnŏ athei rôp minh pôm triu kon. Rim hnam dơnŏ minh pôm kon triu kon.

Bl 8:20

Nôê pơm minh pôm chơnang soi kơ Kră Yang 'Bok Kei-Dei. Sư rôp lu kon sem 'lơ̆ng rơgoh, hăm lu sem păr 'lơ̆ng rơgoh pơm tơmam soi 'buh pơyơ̆r tơ chơnang soi.

Yo 1:29

Năr đơ̆ng rŏng dơning dơ̆ng, Yôhan 'bôh Yêsu thar năm tơ sư, na Yôhan khan kơ đe: “Iĕm lăng bĕ, 'Bok to 'noh boih Kon Triu 'Bok Kei-Dei, 'Bok 'noh boih pơklaih yoch bơngai jơ̆p-jang kơ teh đak.

Yo 1:36

Na lu sư 'bôh Yêsu yak brih lu sư. Na Yôhan khan: “Sư 'noh boih Kon Triu 'Bok Kei-Dei”

Tơdrông Tơ'bôh 13:8

Đĭ-đăng bơngai jơ̆p kơ teh đak gô kơkuh kơ sem ei. Pôm lu bơngai mă Kon Triu 'Bok Kei-Dei chih anăn lu sư tơ hla bơar Sư đĕch, ưh kơ chu kơkuh kơ sem ei. Kon Triu noh boih lôch tang kon bơngai. Na tơdrong Sư chih anăn lu bơngai mă Sư ăn arih, Sư chih adrol kơ 'Bok Kei-Dei pơjing plĕnh teh sơ̆ hloi boih.

Bl 22:8

Abraham tơl: “Ơ dăm, tơ'ngla Kră Yang 'Bok Kei-Dei gô ăn kon triu mă wă 'buh soi noh.” Na bre sư kư̆ kơ yak năm.

Le 29:38

'Nâu dôm tơmam ih athei pơyơ̆r tơ chơnang soi; 'bar tŏ kon triu 'nao minh sơnăm, pơm rim năr ling-lang thoi noh.