Bl 22:13 - Sơ̆p Hlabơar Nơ̆r 'Bok Kei-Dei

¹³ Abraham ngơk hue 'bôh đei minh pôm kon triu tơno tơ rŏng sư oei đom kơ hơmŭl 'long, na sư rôp iŏk triu 'noh 'buh pơm tơmam pơyơ̆r tơplih kơ kon sư.

Bl 22:13 Referans Kwoze

I Kor 10:13

Gah tơdrong đe pơhlŭ wă kơ iĕm kiơ̆ sư pơm yoch, lu 'nhŏng oh bơ̆n nai đe kư̆m pơhlŭ mơ̆n. Mă-lei 'Bok Kei-Dei wei-lăng bơ̆n, Sư ưh kơ ăn đe pơhlŭ bơ̆n truh tơ bơ̆n pơm tơdrong yoch ôh, Sư gô tơgŭm bơ̆n tơpă wă kơ bơ̆n huay kơ lui kơ đe pơhlŭ.

Êsai 30:21

Mă lu iĕm weh gah 'ma dah gah 'ngiĕo, đon lu iĕm gô kơtơ̆ng nơ̆r pơma đơ̆ng rŏng lu iĕm khan: “Âu jơ̆ trong mă lu iĕm athei rok kiơ̆!”

Bl 22:8

Abraham tơl: “Ơ dăm, tơ'ngla Kră Yang 'Bok Kei-Dei gô ăn kon triu mă wă 'buh soi noh.” Na bre sư kư̆ kơ yak năm.

Bl 22:12

Linh jang 'lơ̆ng khan thoi âu: “Lê̆ kơ hơ-ô ti ih tơ akâu kon hơ'lơ̆p âu păng kư̆m 'nĕ kơ pơrăm sư yua kơ dang ei Inh băt boih ih hli yom kơ Inh, na huay mah kơeng kơ kon ih wă pơyơ̆r kơ Inh.”

Bl 22:14

Abraham krao anih noh Kră Yang Jirêa đơ̆ng noh, na dang ei đei nơ̆r khan: “Tơ kơpal kông Kră Yang gô đei hơmet ăn.”