Bl 21:14 - Sơ̆p Hlabơar Nơ̆r 'Bok Kei-Dei

¹⁴ Abraham iung đơ̆ng hrôih, iŏk 'bĕng păng minh pôm get đak ăn kơ Hagar; tơ'băk lu tơmam noh 'bơ̆t hơngiĕng sư păng jao ăn kơ sư kon drŏ-nglo sư noh, na puh tơweh. Hơgar sư weh, yak trong ataih wih rok thŭng Bêrsêba.

Bl 21:14 Referans Kwoze

Yo 8:35

Bơngai đĭch đe sư ưh kơ atŏ yŏng sư ôh; pôm kon yŏng sư atŏ 'bă sư.

Bôk Bơthô 9:10

Mă dôm kiơ ih gơh pơm jang bĕ đĭ jơhngơ̆m tôch kơ ih kĕ; yua kơ tơ anih lôch mă ih wă năm, tơ noh ưh pă đei minh tơdrong jang, kiơ mă ih gơh pơm, mă chă đon mă gơh hơgei, mă kơ̆l 'ngok, hlôh băt.

Tơdrông Pơđơk 27:14

Bu iung đơ̆ng hrôih drôih sơkat pŭn hiôk kơ rông 'bôt sư hăm nơ̆r re ôr. Nơ̆r noh đe jô̆ nơ̆r hiap pơtê̆.

Horiso 119:60

Inh hăt hot hloi ưh kơ gô ôh. Wă wei răk dôm nơ̆r Ih tơtă.

Horiso 107:4

Lu sư oei chă yak tơ lăm char 'blach. Yak trong bri brah chă trong wă mơ̆t oei tơ pơlei ưh kơ 'bôh,

I Pot 19:3

Thoi noh Êli hli, sư iung kơdâu weh wă pơklaih tơdrong arih sư. Sư năm truh tơ Pơlei Bêrsêba lăm char Juđa, lê̆ lu đam sư oei tơ noh.

Bl 26:31

Truh năr đơ̆ng rŏng lu sư iung đơ̆ng hrôih, pơma pơkă pơkăm băl. Đơ̆ng noh Isăk ba lu đe noh wih brŏk hiôk-hian.

Bl 25:6

Gah kon đơ̆ng bre akăn sư Hơgar păng Kêtura tơpŭ ăn noh sư asong ăn jên tơmam kơplah sư oei arih păng athei oei tơ dêh char gah hơlĕch, ataih đơ̆ng kon tơnơm sư Isăk.

Bl 21:31

Yua đơ̆ng noh, na đe krao anăn anih âu Bêrsêbaa yua kơ tơ anih noh đei bre sư pơkă pơkăm băl.

Bl 16:7

Mă-lei linh Jang 'lơ̆ng Kră Yang 'bôh Hagar tơ lăm char glă tu đak 'bơ̆t cheng trong năm tơ char Sur.

Êsai 16:8

Chŭn Hesbôn păng 'long hơmu pơlei Sipma đĭ jô kro. Đơ̆ng hơdrol sơ̆ sư chă kơjung mah truh tơ pơlei Jaser, păng truh tơ char glă; tơ'biĕng sư chăt sôr tơ 'nguaih, lĕch truh tơ đak dơsĭ. Na dang ei pơtao lu teh đak choh chre lê̆ boih lu dơng 'lơ̆ng.

Bl 46:1

Isơrael yak năm, chĕp ba dôm tơmam sư đei truh tơ Bêrsêba, sư pơyơ̆r tơmam soi kơ Kră Yang 'Bok Kei-Dei 'bă sư Isăk.

Bl 37:15

Đei minh 'nu tơ'bơ̆p sư wơ̆l lăm mir păng jet sư thoi âu: Ih chă kiơ?

Bl 26:33

Na anăn sơlŭng đak noh Sêba,d Yua kơ thoi noh truh dang ei đe krao anăn pơlei jê̆ sơlŭng noh Bêrsêbae

Bl 24:54

Đang kơ noh đam ei păng lu bơngai kiơ̆ sư sŏng sa păng tep hloi tơ noh. Năr đơ̆ng rŏng lu sư iung đơ̆ng tep boih, bơngai đam noh sư khan: “Apinh iĕm asong inh brŏk wih tơ yŏng tơ'ngla inh.”

Bl 22:19

Đang kơ noh Abraham hăm Isăk wih brŏk tơ bre 'bar 'nu đam sư; lu sư iung brŏk hơdai tơ gah Bêrsêba, Abraham kư̆m oei hloi tơ Bêrsêba.

Bl 22:3

Abraham iung đơ̆ng hrôih, hrơ̆t aseh. Sư chông ba 'bar 'nu đĭch đam sư păng kon sư Isăk kư̆m năm hơdai. Sư chăl 'long ŭnh chĕp ba wă 'buh tơmam soi na năm tơ anih mă Kră Yang 'Bok Kei-Dei đei tơ'bôh ăn.

Bl 21:33

Abraham đei pơtăm minh tơnơm 'long plei me tơ Bêrsêba păng tơ anih noh sư krao khan kơ Kră Yang, Kră Yang 'Bok Kei-Dei mă arih ling-lang.

Bl 19:27

Abraham iung đơ̆ng hrôih, năm truh tơ anih mă đêl sư krao apinh Kră Yang.

Bl 21:13

Inh kư̆m pơm ăn kơ kon drŏ-nglo ih mă đơ̆ng đĭch ih noh jing minh pôm adrĕch, yua kơ sư kư̆m kon ih pơjing.”

Bl 21:15

Kơplah đak lăm get đĭ, sư ming lê̆ kon sư 'bơ̆t minh tơnơm 'long iĕ ei,

Tơdrông Pơđơk 27:8

Bơngai thông mang huang ataih đơ̆ng hnam sư, Thoi sem păr ataih đơ̆ng tơpu sư.

Bl 28:18

Sư iung đơ̆ng hrôih iŏk tơmo mă đơ̆ng sư hơgơn tơiung păng pơdơ̆ng pơm jrăng wă tơdra păng tuh hloi đak rơmă tơ kơ̆l jrăng noh,

Jôsuê 3:1

'Brưch pơgê oei hrôih, Jôsuê drôih chông ba kon pơlei Isơrael, đơ̆ng Sitim, lu sư năm truh tơ jih đak Krong Jôrđăn, 'bĭch gô tơ noh adrol kơ tŏk găn đak Krong.

I Sam 15:12

Pơgê năr đơ̆ng rŏng, sư năm tơ'bơ̆p Sôl, đei bơngai năm roi kơ Samuel: Sôl hlôi năm tơ Karmel boih, pơdơ̆ng tơmo wă tơ'blŏk kơ sư; đơ̆ng noh na wih jur tơ Gilgal.

II Ho 29:20

Pơtao Hesekia iung đơ̆ng hrôih krao akŭm lu yŏng pơgơ̆r lăm pơlei, năm tŏk tơ hnam Kră Yang;