Bl 20:9 - Sơ̆p Hlabơar Nơ̆r 'Bok Kei-Dei

⁹ Đơ̆ng noh pơtao Abimêlek krao Abraham păng khan: “Ih pơm kiơ kơ inh thoi noh? Inh hăm đei pơm kiơ kơ ih ưh kơ hiôk mă ih đei pơm kơ inh păng đĭ lăm char inh đei yoch tih thoi noh? Ih pơm kơ inh mă đe ưh kơ biơh ôh kơ pơm.”

Bl 20:9 Referans Kwoze

Bl 12:18

Pharaôn năm krao Abram na apinh Abram thoi âu: “Ih pơm kiơ kơ inh thoi noh? Liơ ih ưh kơ roi kơ inh bơngai drŏ-kăn noh akăn ih?

Bl 39:9

Lăm hnam 'nâu ưh kơ đei bu tih hloh kơ inh păng kư̆m ưh kơ pơkơ̆m inh tơdrong kiơ, mă-lei gah ih, ưh kơ gơh ôh, yua kơ ih akăn yŏng tơ'ngla inh. Thoi yơ inh gơh pơm tơdrong kơnê̆ 'mê̆-'mach dêh thoi noh, na kư̆m pơm yoch păng Kră Yang 'Bok Kei-Dei mơ̆n.

Bl 26:10

Abimêlek apinh: “Ih pơm kiơ kơ lu nhôn thoi noh? Dah đei minh 'nu bu năm 'bĭch hơdai hăm akăn ih, noh ih wă pơm ăn kơ nhôn pơm yoch!”

Hêbrơ 13:4

Bơ̆n athei pơyom kơ tơdrong ŭnh om, 'nĕ kơ pơ'brơh pơm kư̆ kă, yua kơ 'Bok Kei-Dei wă phak tơpă dôm lu bơngai mă pơm kư̆ kă thoi noh. Mă bơngai oei adruh tơdăm kư̆m lei-lăi.

Tit 1:11

Ih athei khă lu sư 'nĕ pă pơm thoi noh dơ̆ng. Đei hnam dơnŏ mơ'nah mơ̆ng sư bơtho na đĭ kơ hnam dơnŏ sư jing hơwơ̆l kơ tơdrong 'Bok Kei-Dei na achăng lê̆ tơdrong lui sư. Lu đe ei sư bơtho tơdrong ưh kơ trŏ kơ tơdrong bơtho. Lu sư bơtho thoi noh, lu sư wă kơ gơh iŏk jên đe đĕch.

Rom 2:11

Tơdrong 'Bok Kei-Dei 'mêm kơ kon bơngai lei-lăi đĕch, ưh kơ phara ôh.

Tơdrông Pơđơk 28:10

Bơngai bu ba lu bơngai tơpăt kiơ̆ trong kơnê̆. Gô huŏng lăm sơlŭng đêl lu sư sir; Mă-lei đei tơdrong pŭn hiôk kơ lu bơngai 'lơ̆ng tơpăt.

II Sam 13:12

Mă-lei Tamar pơjăng: “Ưh kơ gơh 'nhŏng; 'nĕ kơ pơm pơ'brơh pơgŏ inh, yua kơ lăm char Isơrael ưh kơ đei bu pơm thoi noh. 'Nĕ kơ pơm tơdrong kơnê̆ 'nâu!

II Sam 12:5

Đawit blĕk dêh kơ bơngai mơdrŏng noh, păng khan kơ Nathan: “Inh pơkă 'bơ̆t anăp Kră Yang arih ling-lang, bơngai pơm kơnê̆ dêh thoi noh trŏ kơ lôch!

Jôsuê 7:25

Jôsuê khan: Yua kơ kiơ ih pơm tơdrong răm kơ lu bơ̆n? Kră Yang kư̆m pơrăm ih thoi noh mơ̆n năr 'nâu, đĭ-đăng kon pơlei Isơrael, klơ̆m tơmo tơ Akan. Đơ̆ng rŏng kơ klơ̆m tơmo đĭ-đăng hnam dơnŏ sư, đe iŏk ŭnh soh pơlôch đĭ lu sư.

Lêwi 20:10

Tơdah bơngai bu pơm kư̆ kă hưch kơ akăn đe dah pơm kư̆ kă hưch kơ akăn rông 'bôt, bre sư noh đe gô pơlôch sư.

Le 32:35

Kră Yang phak kon pơlei pơla hăm tơdrong jĭ apoh, yua kơ lu sư yoch pơm rup kon rơmo maih mă Arôn tuh hling.

Le 32:21

Môis khan kơ Arôn: Kon pơlei đei pơm kiơ kơ ih na dĭng ih mah pơm ăn kơ kon pơlei pơla pơm yoch tih krưp thoi noh.

Bl 38:24

Dang pêng khei đơ̆ng rŏng, đe đei roi dơ̆ng kơ Juđa thoi âu: Tamar, mŏ mai ih pơm adruh đi păng yua kơ thoi noh na sư đei anăp. Juđa khan rôp tơlĕch soh lê̆ sư bĕ.

Bl 34:7

Lu kon drŏ-nglo Jakôp brŏk đơ̆ng bri, lu sư 'nao băt tơdrong noh, na lu sư hil hơwĕng dêh; yua kơ tơdrong pơ'brơh pơm kơnê̆ kơ adrĕch adrung Isơrael, 'bĭch hơdai hăm kon adruh Jakôp, noh jơ̆ tơdrong lu sư ưh kơ wă kơ đei thoi noh.

Bl 20:8

Pơtao Abimêlek iung đơ̆ng hrôih, krao lu đam sư, roi kơ lu sư dôm tơdrong noh, na lu sư mơ̆ng hlĭch dêh.

Bl 20:10

Pơtao Abimêlek khan dơ̆ng kơ Abraham: “Thoi yơ ih pơm thoi âu?”

Bl 29:25

Truh pơgê, na băt kơ Lêa, Jakôp jet La'ban dơ̆ng: Lơliơ mih hơlĕnh kơ inh?