Bl 20:6 - Sơ̆p Hlabơar Nơ̆r 'Bok Kei-Dei

⁶ Lăm sư apo 'bôh, Kră Yang 'Bok Kei-Dei khan dơ̆ng thoi âu: “Inh kư̆m băt kơ ih yua kơ jơhngơ̆m tơpăt na pơm tơdrong noh; yua kơ thoi ei, na Inh găn ih hli kơ ih pơm yoch păng Inh; Inh ưh kơ wă kơ ih hơtŭt 'bơm bơngai noh.

Bl 20:6 Referans Kwoze

I Sam 25:34

Tơpă Kră Yang 'Bok Kei-Dei mă arih ling-lang lu bơngai Isơrael, jơ̆ Kră Yang găn inh ưh ăn kơ inh pơrăm ih, tơdah ih ưh kơ hăt hot tơ'bơ̆p inh, na truh pơgê dơning ưh kơ đei minh 'nu bơngai drŏ-nglo ayơ mă oei arih lăm hnam Nabal.

I Sam 25:26

Kră Yang găn ih wă pơm tuh pham wă pơm 'mong inh pao anăn Kră Yang mă arih ling-lang păng tơdrong arih ih kơdih na pơkă; hơpơi kơ lu ayăt kơ ih păng lu bơngai chă wă pơrăm ih kư̆m pŭ nhen thoi Nabal!

Tơdrông Pơđơk 21:1

Jơhngơ̆m pơtao lăm ti Kră Yang thoi đak glung ro; Sư ăn ro tơ yơ mơ̆ng kơ Sư wă.

Bl 35:5

Đơ̆ng noh lu sư pơtơm yak, Kră Yang 'Bok Kei-Dei pơm ăn kơ rim pơlei tăp dăr kơ noh đei tơdrong hli krưp, na lu đe huay kơ druh lu đe Jakôp.

Bl 31:7

Gah 'bă măr iĕm ưh kơ lăp, na pơdê inh păng tơplih đei hloh kơ mơjĭt wơ̆t gah mă apah inh jang; mă-lei Kră Yang 'Bok Kei-Dei ưh kơ ăn sư pơrăm inh tŏ sĕt.

II Tes 2:7

'Bok Kei-Dei ăn kơ bơ̆n băt gah tơdrong bơngai kơnê̆ ayăt kơ Sư ning-mônh ei. Dang ei kư̆m đei lu bơngai wă pơm kơnê̆ thoi bơngai mă kơnê̆ ei ning-mônh mơ̆n. Na 'bok yŏng lu sư, wă khan 'bok mă pơm kơnê̆ tam mă truh ei, gô đe achăng tơdrong pơgăn sư 'mơ̆i na sư truh.

Horiso 84:11

Kră Yang 'Bok Kei-Dei jơ̆ măt 'năr păng khêl; Kră Yang ăn tơdrong mơnat păng ư-ang, Sư ưh kơ đei sơngah ôh ăn tơdrong 'lơ̆ng rŏ. Kơ bu mă oei arih sa tơpăt.

Le 34:24

Inh gô puh tơweh lê̆ lu adrĕch adrung nai đơ̆ng anăp ih, Inh gô pơih dêh char ih rai să, ưh kơ đei bơngai bu tơgar dêh char iĕm mơ̆n kơplah ih năm dơ̆ng tơ'bôh 'bơ̆t anăp Kră Yang 'Bok Kei-Dei ih, pêng wơ̆t lăm rim sơnăm.a

II Kor 6:17

“Thoi noh yua kơ Inh Kră Yang iĕm na Inh athei iĕm lĕch jăk đơ̆ng lu bơngai ưh kơ lui. Tơklah đơ̆ng lu sư, 'nĕ pă pel 'bơm dôm tơdrong kơnê̆ 'mê̆-'mach lu sư, na Inh gô sơng iŏk iĕm.

Horiso 81:12

Thoi noh, Inh achăng lê̆ lu sư pơm kiơ̆ kơ jơhngơ̆m arăng kơ chu lu sư. Kiơ̆ kơ tơdrong lu sư chă đon kơdih.

Horiso 51:4

Inh pơm yoch boih hăm Ih. Lăp minh 'nu Ih đĕch, păng pơm kơnê̆ boih 'bơ̆t anăp Ih. Ih tơpăt, mưh Ih sek tơdrong păng trŏ 'lơ̆ng dah Ih sek tơlang.

Bl 39:9

Lăm hnam 'nâu ưh kơ đei bu tih hloh kơ inh păng kư̆m ưh kơ pơkơ̆m inh tơdrong kiơ, mă-lei gah ih, ưh kơ gơh ôh, yua kơ ih akăn yŏng tơ'ngla inh. Thoi yơ inh gơh pơm tơdrong kơnê̆ 'mê̆-'mach dêh thoi noh, na kư̆m pơm yoch păng Kră Yang 'Bok Kei-Dei mơ̆n.

Bl 20:18

Adrol kơ noh ki, yua kơ tơdrong Sara, akăn Abraham, Kră Yang pơm ăn kơ hnam dơnŏ Abimêlek tă kơ hơwŏng ngăl.

II Tes 2:11

Kơlih kơ thoi noh 'Bok Kei-Dei ăn kơ lu sư lui kơ đe hơlĕnh kơ lu sư.

I Kor 7:1

Gah kơthơ dôm tơdrong iĕm jet inh 'noh, inh wă tơl iĕm dang ei. Bơngai drŏ-nglo ưh kơ iŏk akăn kư̆m 'lơ̆ng mơ̆n.

Lêwi 6:2

Tơdah bu đei pơm yoch hăm Kră Yang, đơ̆ng sư pơma hơlĕnh hăm lu bơngai rông 'bôt sư gah tơmam sư pơjao, dah wei-lăng ăn; dah tơtông iŏk, dah pơgŏ sa đơ̆ng rông 'bôt sư kơdih.

Bl 26:11

Abimêlek hloi tơbăt ăn kơ đĭ-đăng kon tơring thoi âu: “Dah bu đei hơtŭt 'bơm bơngai âu, dah akăn sư, gô rôp pơlôch.”

Bl 3:3

Mă-lei gah plei 'long tơnơm mă chăt tŏk-bŏk pơgar, Kră Yang 'Bok Kei-Dei pơkă khan: Măr iĕm 'nĕ kơ sa păng kư̆m 'nĕ kơ hơtŭt 'bơm, kơnh măr iĕm lôch.”

Mathiơ 27:19

Kơplah Pilat oei tơ hnam sek tơlang, na akăn sư athei đe khan kơ klo sư thoi âu: “E 'nĕ pơm kơnê̆ kơ Yêsu hŏ, Sư ưh kơ đei yoch ôh. Inh sơ'ngon dêh yua kơ inh apo 'bôh tơdrong Sư măng hei hlĭch tơpă.”

Bl 31:24

Mă-lei lăm măng sư tep apo, Kră Yang 'Bok Kei-Dei khan kơ La'ban bơngai Aram thoi âu: Mă 'lơ̆ng dah kơnê̆ ih wei akâu ih 'nĕ pơma kơ Jakôp hŏ?

Tơdrông Pơđơk 6:29

Bơngai mă ngôi pơyô hăm akăn đe sư kư̆m thoi noh; Bơngai bu hơtŭt 'bơm kơ drŏ-kăn noh ưh kơ klaih ôh kơ phak.