Bl 20:11 - Sơ̆p Hlabơar Nơ̆r 'Bok Kei-Dei

¹¹ Abraham tơl: “Inh tơchĕng lăm dêh char âu ưh kơ đei bu băt hli yom kơ Kră Yang 'Bok Kei-Dei; na lu sư gô pơlôch inh, yua kơ 'ngeng kơ akăn inh.

Bl 20:11 Referans Kwoze

Tơdrông Pơđơk 16:6

Đơ̆ng 'mêm băt sĭt tơdrong yoch gơh klaih; Đơ̆ng hli yom kơ Kră Yang na gơh weh đơ̆ng tơdrong kơnê̆.

Tơdrông Pơđơk 2:5

Kơplah noh ih gô băt hlôh kơ tơdrong hli yom kơ Kră Yang; Păng 'bôh tơdrong hlôh wao Kră Yang 'Bok Kei-Dei,

Ne 5:15

Mă-lei lu kră wei-lăng adrol kơ inh pơgŏ kon pơlei tơgŭm tơmam sa păng sik, 'nguaih kơ puăn-jĭt sêikơl jên hu; lu bơngai đĭch đam kiơ̆ wei-lăng sư kư̆m wang chă apinh đơ̆ng kon pơlei đơ̆ng, mă-lei gah inh ưh kơ pơm thoi noh ôh; yua kơ hli yom kơ Kră Yang 'Bok Kei-Dei.

Bl 26:7

Yua kơ Rê'bêka bơngai 'lơ̆ng hơbŏ rơhau, na mưh kon pơlei apinh gah akăn sư, na sư khan, “Noh oh drŏ-kăn inh;” Hli kơ mưh khan, “Noh akăn inh,” sư tơchĕng kơnh hơmơt kơ lu sư pơlôch inh.

Bl 12:12

Mưh ba tơ'bơ̆p kon pơlei Êyiptơ, sư 'bôh ih, lu sư gô khan, ‘noh jơ̆ akăn sư’; kơnh hli kơ lu sư pơlôch inh, na gô lê̆ ih arih.

Jop 28:28

Kră Yang khan kơ kon bơngai “Hli yom kơ Kră Yang, noh bơih tơdrong gơh hơgei; Weh ataih đơ̆ng tơdrong kơnê̆, 'noh bơih tơdrong hlôh wao.”

Bl 42:18

Truh năr mă pêng; Jôsep khan kơ lu sư thoi âu: Inh hli kơ Kră Yang 'Bok Kei-Dei; athei pơm thoi âu, na gơh arih.

Bl 22:12

Linh jang 'lơ̆ng khan thoi âu: “Lê̆ kơ hơ-ô ti ih tơ akâu kon hơ'lơ̆p âu păng kư̆m 'nĕ kơ pơrăm sư yua kơ dang ei Inh băt boih ih hli yom kơ Inh, na huay mah kơeng kơ kon ih wă pơyơ̆r kơ Inh.”

Rom 3:18

Lu sư ưh kơ băt hli kơ 'Bok Kei-Dei.”

Tơdrông Pơđơk 8:13

Băt hli yom kơ Kră Yang jing areh kơ tơdrong kơnê̆, Inh areh kơ tơdrong pơrŏ, pơang tơdrong pơma kơnê̆, ưh kơ tơpăt.

Tơdrông Pơđơk 1:7

Hli yom kơ Kră Yang jing tơm tơdrong hlôh wao. Lu bơngai kơtul areh kơ tơdrong gơh hơgei păng nơ̆r bơtho pơhrăm.

Horiso 14:4

Hăm trŏ kơ đĭ-đăng lu bơngai pơm kơnê̆, ưh kơ đei đon băt? Na lu sư luăn sa kon pơlei Inh nhen thoi sa 'bĕng. Păng kư̆m ưh kơ đei apinh Kră Yang ôh.

Jop 1:1

Tơ lăm dêh char Usa đei minh 'nu bơngai drŏ-nglo anăn sư Jop, sư đei đon 'lơ̆ng tơpăt, băt hli yom kơ Kră Yang 'Bok Kei-Dei păng weh ataih đơ̆ng tơdrong kơnê̆.

Bl 20:10

Pơtao Abimêlek khan dơ̆ng kơ Abraham: “Thoi yơ ih pơm thoi âu?”

Bl 20:12

Mă-lei tơpă sư noh kư̆m oh drŏ-kăn inh, nhi minh pôm 'bă, mĕ phara păng inh iŏk sư pơm akăn.