Bl 2:22 - Sơ̆p Hlabơar Nơ̆r 'Bok Kei-Dei

²² Kră Yang 'Bok Kei-Dei yua kơting jơmir mă Sư 'nao iŏk đơ̆ng Ađam na man pơjing minh 'nu drŏ-kăn, na năm ba tơ Ađam.

Bl 2:22 Referans Kwoze

I Tim 2:13

Kơlih kơ 'Bok Kei-Dei pơjing 'bok Ađam hơdrol, klaih kơ noh pơjing yă Ewơ.

Hêbrơ 13:4

Bơ̆n athei pơyom kơ tơdrong ŭnh om, 'nĕ kơ pơ'brơh pơm kư̆ kă, yua kơ 'Bok Kei-Dei wă phak tơpă dôm lu bơngai mă pơm kư̆ kă thoi noh. Mă bơngai oei adruh tơdăm kư̆m lei-lăi.

Tơdrông Pơđơk 19:14

Mŭk tơmam hnam oei noh đei đơ̆ng kră pơsư̆ ăn. Akăn gơh hơgei đei đơ̆ng Kră Yang asong.

Tơdrông Pơđơk 18:22

Bơngai bu chă đei akăn chă đei boih pŭn hiôk; Păng đei mơnat tih đơ̆ng Kră Yang.

Bl 2:19

Kră Yang 'Bok Kei-Dei iŏk 'mui teh man pơjing lu kon sem brem, lu sem păr, na năm ba 'bơ̆t anăp Ađam wă kơ sư chă anăn lu sư thoi yơ, wă kơ kon sem kiơ mă Ađam đei anăn ăn đei anăn ei hloi kiơ̆ kơ adrĕch sư.

Horiso 127:1

Tơdah Kră Yang ưh kơ đei pơm hnam, Lei lu thơ̆ jang man hnam ưh kơ đei kơ yua. Tơdah Kră Yang ưh kơ wei pơlei. Lu bơngai gak kral kơmăng kư̆m tơdrong kơ đei.