Bl 18:30 - Sơ̆p Hlabơar Nơ̆r 'Bok Kei-Dei

³⁰ Abraham hơnơ̆ng kơ apinh: “Inh apinh Kră Yang 'nĕ hil, na inh khan: Dah lăm pơlei noh đei lăp pêng-jĭt 'nu đĕch, lei lơliơ?” Kră Yang khan: “Dah Inh chă đei 'bôh pêng-jĭt 'nu bơngai tơpăt lăm noh, Inh ưh kơ pơlôch ôh.”

Bl 18:30 Referans Kwoze

Êsai 6:5

Inh ôr khan: “Răm-'băm dêh kơ inh! Inh đĭ răm bơih! Yua kơ inh jơ̆ minh 'nu bơngai đei 'bơ̆r kơnê̆ 'mê̆-'mach, oei hơdai hăm kon pơlei đei 'bơ̆r kơnê̆ 'mê̆ mach, yua kơ măt inh lăng 'bôh bơih pơtao, noh bơih Kră Yang Tih Hloh!”

Horiso 89:7

Kră Yang 'Bok Kei-Dei trŏ kơ hli yom tơpă lăm khŭl Yang 'lơ̆ng rơgoh. Sư Kră Yang Tih Hloh. Trŏ kơ hli krưp hloh kơ lu Yang tăp dăr kơ Sư.

Horiso 10:17

Ơ Kră Yang, Ih mơ̆ng boih nơ̆r lu bơngai 'lơ̆ng tơpăt 'maih wă. Ih pơm ăn kơ jơhngơ̆m lu sư kơjăp, Ih pơgling đon mơ̆ng lu sư,

Horiso 9:12

Yua kơ Tơ'ngla iung kơting pham 'blŏk kơ lu bơngai mă pơmat-tat. Sư ưh kơ đei hiơt ôh tơdrong lu sư nhơ̆m ôr.

Jop 40:4

Inh bơngai ưh kơ yua kiơ liơ inh gơh tơl Kră Yang? Inh iŏk ti đơ̆p 'bơ̆r ưh kơ pơ̆n pơma.

Lu 6:39

Giđêôn pơma dơnuh dơ̆ng hăm Kră Yang 'Bok Kei-Dei: Apinh ih 'nĕ kơ hil mĭl kơ inh; ăn kơ inh pơma hăm Ih hơya pă minh wơ̆t đơ̆ng; ăn kơ inh pơlong lăng hăm akar sŏk triu pă minh wơ̆t đơ̆ng. Apinh Ih ăn kơ akar sŏk triu hrĕng kro, mă-lei lê̆ tŭk ngom jur gom jơ̆p kơ teh.

Bl 44:18

Juđa năm jê̆ tơ Jôsep păng lung apinh thoi âu: Yua kơ ih pơm tih hơtŏ kơ hơngiĕng Pharaôn, apinh ih mơnat, 'nĕ kơ hil blĕk kơ đĭch đam ih, asong inh pơma minh nơ̆r kơ ih mơ̆ng yŏng tơ'ngla.

Bl 18:29

Abraham kư̆ hrăn apinh: “Dah lăm pơlei đei lăp 'blep puăn-jĭt 'nu tơpăt đĕch, lei lơliơ?” Kră Yang tơl: “Inh ưh kơ pơlôch ôh, yua kơ mơnat kơ puăn-jĭt 'nu 'nâu.”

Bl 18:31

Abraham apinh dơ̆ng: “Inh âu kư̆m nuih pơ̆n apinh Kră Yang: Dah đei lăp 'bar-jĭt 'nu, mưh lei lơliơ?” Kră Yang khan: “Yua kơ 'mêm mơnat kơ 'bar-jĭt 'nu noh, Inh huay pơlôch pơlei noh ôh.”