Bl 17:16 - Sơ̆p Hlabơar Nơ̆r 'Bok Kei-Dei

¹⁶ Inh gô ăn pŭn hiôk kơ sư, đơ̆ng sư Inh gô ăn kơ ih minh 'nu kon drŏ-nglo. Inh ăn kơ sư đei pŭn hiôk, sư gô pơm mĕ kơ lơ adrĕch adrung; wă kơ đơ̆ng sư jing đei lơ dêh char păng dôm lu pơtao gô lĕch đơ̆ng sư.”

Bl 17:16 Referans Kwoze

Bl 35:11

Kră Yang 'Bok Kei-Dei khan dơ̆ng thoi âu: Inh boih Kră Yang 'Bok Kei-Dei mơsêh mơyang, ih athei pơjing kon hơ'lơ̆p mă rai lơ; jing minh adrĕch adrung kơdrâ̆m păng lơ adrĕch adrung gô đơ̆ng ih, kư̆m đơ̆ng adrĕch adrung ih gô đei lu pơtao.

Êsai 49:23

Lu pơtao gô pơm 'bă wei rong iĕm, lu akăn pơtao gô pơm bơngai wei rong tơmŏm iĕm. Lu sư gô kŭp drap tơ teh chu kơ iĕm; liah 'mui teh tơ jơ̆ng iĕm; kơplah noh iĕm gô băt kơ Inh bơih Kră Yang, păng lu bơngai gơnang kơ Inh gô ưh kơ đei mơlâu.”

Bl 17:6

Inh gô pơm ăn kơ ih pơjing hơ'lơ̆p rai lơ; wă kơ đơ̆ng ih jing đei lơ dêh char păng lu pơtao gô lĕch đơ̆ng ih mơ̆n.

I Pet 3:6

Yă Sara sơ̆ kư̆m thoi noh, sư chu yom kơ klo sư Abraham păng anăn Abraham yŏng tơ'ngla sư. Dah iĕm pơm 'lơ̆ng thoi sư, iĕm huay kơ hli kơ đe jô̆ kơ iĕm bơngai kơnê̆ ôh păng iĕm kư̆m dang kon sâu yă Sara mơ̆n.

Rom 9:9

'Bok Kei-Dei khan kơ Abraham sơ̆ thoi âu: “Gô pă minh sơnăm đơ̆ng âu dơ̆ng inh wă ăn kơ biĕm Sara tơpŭ minh 'nu kon drŏ-nglo.”

Bl 24:60

Lu sư sơkat pŭn hiôk kơ Rê'bêkad thoi âu: “Oh drŏ-kăn inh, hơpơi kơ oh jing Mĕ kơ rơbâu hơngan 'nu bơngai păng ăn kơ lu adrĕch adrung oh gô jing pran blah iŏk lu pơlei tih đơ̆ng lu ayăt.”

Bl 12:2

Inh gô ăn kơ ih jing minh adrĕch adrung tih, Inh gô ăn kơ ih pŭn hiôk, đe kư̆m gô ư-ang kơ ih, păng ih gô jing tơm kơ tơdrong pŭn hiôk,

Bl 1:28

Kră Yang 'Bok Kei-Dei ăn pŭn hiôk kơ kon bơngai păng khan thoi âu: “Athei pơjing chek lar rai lơ, wă kơ 'bĕnh jơ̆p kơ teh; athei pơm ăn kơ teh đak chu yom, athei pơgơ̆r lu ka lăm đak dơsĭ, khŭl sem păr kơpal plĕnh păng đĭ-đăng kon sem brem adrŏ kơpal teh.”

Galati 4:23

Kon sư mă tơpŭ đơ̆ng sư iŏk kơdih đĭch sư noh, sư tơpŭ rok thoi bôl buăl hmă. Mă-lei kon đơ̆ng akăn tơm sư noh, sư tơpŭ kiơ̆ thoi 'Bok Kei-Dei mơnat kơ Abraham khan wă gô ăn kơ sư kon.

Bl 17:15

Kră Yang 'Bok Kei-Dei khan dơ̆ng kơ Abraham thoi âu: “Gah Sarai akăn ih, lê̆ pă krao Sarai dơ̆ng; mă-lei krao sư Sara.b

Bl 17:19

Kră Yang 'Bok Kei-Dei khan dơ̆ng thoi âu: “Sĭt tơpă, Sara, akăn ih, gô pơjing kơ minh 'nu hơ'lơ̆p drŏ-nglo, na ih gô krao anăn sư Isăkc Inh gô pơgơ̆p pơkă hăm sư, wă pơgơ̆p pơkă ling-lang hăm adrĕch adrung sư.

Bl 21:1

Kră Yang năm tơgŭm yă Sara, kiơ̆ thoi nơ̆r sư đei pơma pơkă, pơm 'blep thoi Sư đei khan kơ Sara.

Bl 25:23

Kră Yang khan thoi âu: “'Bar tŏ dêh char oei lăm klak ih, păng đei 'bar adrĕch kon pơlei gô đei đơ̆ng lăm klak; kon pơlei âu gô pran hloh kơ kon pơlei noh, păng bơngai 'lŏ gô yom kơ bơngai 'lơ̆p.”

Bl 36:31

Adrol kơ kon pơlei Isơrael tam mă đei pơtao pơgơ̆r, na 'nâu boih lu pơtao mă pơgơ̆r char Eđôm:

Bl 15:4

Kră Yang khan dơ̆ng kơ Abram thoi âu: “Bơngai noh ưh kơ trŏ wă pơtrơp tơdrong jang ih ôh, mă-lei bơngai đơ̆ng blu pôih ih pơjing, bơngai mă gô pơtrơp tơdrong jang adrĕch ioi ih.”