Bl 17:14 - Sơ̆p Hlabơar Nơ̆r 'Bok Kei-Dei

¹⁴ Rim 'nu drŏ-nglo mă ưh kơ chu kăt tơdra sĕch akar sư kơdih, gô tơlĕch lê̆ sư đơ̆ng khŭl adrĕch sư; bơngai noh sư sơngah kơ nơ̆r Inh pơgơ̆p pơkă.”

Bl 17:14 Referans Kwoze

Le 12:19

Lăm tơpơh năr 'nĕ ăn đei 'buih pông tơ hnam lu iĕm; yua kơ bơngai bu, bơngai dêh iĕm, tơdah bơngai tơmoi bu sa 'bĕng đei 'buih pông gô puh tơweh sư đơ̆ng bơngai Isơrael.

I Kor 11:29

Dah bơngai bu huch sa kư̆ kă ưh kơ tơchĕng kơ đak păng 'bĕng noh wă khan akâu Yêsu, bơngai 'noh 'Bok Kei-Dei gô ăn kơ sư đei tơdrong chhŭr nuih.

I Kor 11:27

Kơlih kơ thoi noh na bơngai bu huch sa đak păng 'bĕng âu kư̆ kă, bơngai 'noh sư dang wă pơjăm akâu păng pham Yêsu.

Je 31:32

Nơ̆r pơgơ̆p 'nâu ưh kơ trŏ thoi nơ̆r pơgơ̆p Inh hăm lu 'bok yă lu sư lăm năr mă Inh rôp ti dui tơlĕch lu sư đơ̆ng char Êyiptơ sơ̆, yua kơ lu sư pơrăm lê̆ boih tơdrong pơgơ̆p Inh, mă Inh thoi klo lu sư ră.” Noh Kră Yang khan.

Je 11:10

Lu sư wơ̆t kiơ̆ pơm tơdrong kơnê̆ thoi lu 'bok yă lu sư sơ̆, lu bơngai mă sơngah kuă kơ kiơ̆ nơ̆r Inh tơtă. Lu sư kiơ̆ păng kơkuh kơ yang nai. Adrĕch Isơrael păng adrĕch Juđa pơm glăi boih kơ nơ̆r Inh pơgơ̆p hăm 'bok yă lu sư sơ̆.

Êsai 33:8

Trong glung kơkot rơhiăng, ưh pă đei bơngai bu brŏk năm dơ̆ng. Tơdrong pơgơ̆p đĭ pă đei, pơlei tih đe pơjăm pơjuă bơih, kon bơngai đe ưh pơyom kơ bu bơih.

Êsai 24:5

Teh đak âu jing kơnê̆ 'mê̆ mach, đơ̆ng kon pơlei pơm yoch. Ưh kơ kiơ̆ khôi juăt, pơm yoch hăm nơ̆r tơtă, pơm glăi hăm tơdrong pơgơ̆p ling-lang.

Horiso 55:20

Lu bơngai noh hiŏng ti pơrăm lu bơngai oei 'lơ̆ng hăm lu sư. Păng plơ̆ plĕch nơ̆r lu sư pơkă.

Lêwi 19:8

Bu sa tơmam soi thoi noh gô pŭ iŏk tơdrong yoch sư kơdih, yua kơ sư pơm 'mê̆-'mach kơ tơmam rơgoh 'lơ̆ng Kră Yang bơngai noh; đe gô puh tơlĕch đơ̆ng kon pơlei pơla sư.

Lêwi 18:29

Yua kơ adrĕch bu pơm minh lăm dôm lu tơdrong kơnê̆ mă Inh areh noh, đe gô puh tơweh sư lĕch đơ̆ng kon pơlei lu sư.

Lêwi 7:27

Bu mă sa lu pham noh đe gô puh tơlĕch sư đơ̆ng lăm kon pơlei sư kơdih.

Lêwi 7:25

bơngai bu sa rơmă lu kon sem brem yua 'buh hăm ŭnh sa pơyơ̆r kơ Kră Yang, đe gô puh tơlĕch sư đơ̆ng lăm kon pơlei sư kơdih.

Le 30:38

Tơdah bơngai bu pơm nhen thoi noh wă yua kơdih akâu 'bâu phu, đe gô puh tơweh lê̆ sư đơ̆ng kon pơlei Isơrael.

Le 30:33

Tơdah bơngai bu pơm rok pơgang 'bâu phu nhen thoi noh na tuh hling tơ minh bơngai nai, đe gô puh jăk đơ̆ng kon pơlei pơla sư.

Le 12:15

Lăm tơpơh năr athei sa 'bĕng ưh kơ đei 'buih pông Lăm năr blŭng-a, athei iŏk hŭt lê̆ 'buih đơ̆ng lăm hnam lu iĕm; tơdah bơngai bu sa 'bĕng đei păng 'buih pông đơ̆ng năr blŭng-a mă truh tơ năr tơpơh, lei đe gô puh tơweh bơngai 'noh đơ̆ng lu bơngai Isơrael.

Bl 17:15

Kră Yang 'Bok Kei-Dei khan dơ̆ng kơ Abraham thoi âu: “Gah Sarai akăn ih, lê̆ pă krao Sarai dơ̆ng; mă-lei krao sư Sara.b

Bl 34:14

Lu sư khan thoi âu: Lu nhôn ưh kơ gơh ôh chă ăn klo kơ oh lu nhôn bơngai mă ưh kơ kăt tơdra akar, yua kơ gô pơm ăn kơ lu nhôn mơlâu pă băt.

Lêwi 23:29

Lăm năr noh bu mă ưh kơ hơdrĭ kơ jơhngơ̆m pơmat akâu sư kơdih đe gô puh tơlĕch sư đơ̆ng kon pơlei pơla sư.

Jo 9:13

Mă-lei bơngai bu rơgoh păng ưh kơ đei năm tơ ataih, tơdah ưh kơ đei 'blŏk hơdơ̆r ôh kơ năr giĕng Năm Brih, đe gô puh tơweh lê̆ sư đơ̆ng kon pơlei pơla sư; yua kơ bơngai noh ưh kơ đei pơyơ̆r tơmam soi kơ Kră Yang kiơ̆ thoi đei pơkă lê̆ năr boih, sư gô pŭ yoch kơdih.

Êsêkiên 44:7

Lu iĕm hlôi chông ba adrĕch adrung kon pơlei tơmoi, lu bơngai mă ưh kơ kăt tơdra jơhngơ̆m, kư̆m ưh kơ kăt tơdra akar mơ̆t lăm anih 'lơ̆ng rơgoh Inh wă pơ'mê̆ kơ hnam akŭm Inh, kơplah lu iĕm pơyơ̆r tơmam sa kơ Inh, rơmă păng pham; lu iĕm pơm yoch glăi boih kơ nơ̆r pơkă Inh hăm tơdrong kơnê̆ 'mê̆ krưp lu iĕm.