Bl 14:22 - Sơ̆p Hlabơar Nơ̆r 'Bok Kei-Dei

²² Abram tơl sư thoi âu: “Inh yơ̆r ti 'bơ̆t anăp Kră Yang 'Bok Kei-Dei tih hloh, Kră Yang pơgơ̆r plĕnh teh, na pơkă thoi âu:

Bl 14:22 Referans Kwoze

Da 12:7

Inh kơtơ̆ng nơ̆r pơma bơngai hrŭk ao 'bui kok oei dơ̆ng kơpal đak glung noh, sư yơ̆r 'bar pah ti, 'ma păng ti 'ngiĕo, dơhlâu tơ plĕnh, dơhlâu tơ Kră Yang 'Bok Kei-Dei arih ling-lang păng khan thoi âu: Gô đei lăm minh chăl, lu chăl păng minh puăt chăl păng kơplah lu kon pơlei 'Bok Kei-Dei ưh pă kĕ pơgơ̆r boih, na dôm lu tơdrong âu keh đang.

Da 4:34

Dĭng truh tôch kơ năr đêl pơkă, inh âu, Nebukatnessar inh ngoi muh măt tơ plĕnh, tơdrong hơgei đei dơ̆ng tơ inh păng inh pơư pơang anăn Kră Yang 'Bok Kei-Dei Tih hloh. Inh gô pơư pơang anăn Kră Yang 'Bok Kei-Dei mă arih ling-lang, dêh char Sư oei đei đơ̆ng chăl âu truh tơ chăl nai.

Horiso 83:18

Wă kơ lu sư băt, lăp minh 'nu Ih đĕch, anăn Kră Yang; Kră Yang Tih Hloh pơgơ̆r kơpal teh âu.

Horiso 24:1

Teh păng dôm tơmam kơpal teh, Teh đak păng lu bơngai oei tơ lăm noh. Tă kơ tơmam Kră Yang ngăl.

Lu 11:35

Lăp sư 'bôh kon drŏ-kăn sư, sư hek hloi ao păng khan: Ơ, ơ mŏ adruh, ih pơm kơ 'bă hơ'ngon dêh tơpă, kon pơm kơ jơhngơ̆m 'bă rŭng răng! Yua kơ 'bă đei krao khan pơkă pơkăm hăm Kră Yang boih ưh kơ gơh wă tơplih nơ̆r âu boih.

Both 32:40

Inh yơ̆r ti tơhlâu tơ plĕnh păng khan: Tơpă Inh oei arih ling-lang.

Le 6:8

Inh gô chông ba lu iĕm mơ̆t lăm dêh mă Inh pơkă wă ăn kơ Abraham, kơ Isăk păng Jakôp inh gô ăn kơ lu iĕm dêh 'noh wă kơ jang sa, Inh boih Kră Yang.

Hagai 2:8

‘Hu jơ̆ hu Inh, maih jơ̆ maih Inh, Kră Yang khan thoi noh.

Êsai 57:15

Yua kơ Tơ'ngla Tih Hloh kơ đĭ-đăng, Tơ'ngla oei đei ling-lang. Anăn Sư Kră Yang 'Lơ̆ng Rơgoh, đei khan thoi âu: “Inh oei tơ anih kơpal hloh păng 'Lơ̆ng Rơgoh. Mă-lei kư̆m oei hơdai hăm bơngai đei jơhngơ̆m sơ'ngon tơbral tơdrong yoch, wă tơiung ming jơhngơ̆m lu bơngai băt tơjur akâu, wă pơlung jơhngơ̆m lu bơngai băt sơ'ngon kơdih yoch.

Bl 21:33

Abraham đei pơtăm minh tơnơm 'long plei me tơ Bêrsêba păng tơ anih noh sư krao khan kơ Kră Yang, Kră Yang 'Bok Kei-Dei mă arih ling-lang.

Bl 17:1

Kơplah Abram tơsĭn-jĭt tơsĭn sơnăm, na Kră Yang tơ'bôh kơ Abram păng khan thoi âu: “Inh boih Kră Yang 'Bok Kei-Dei mơsêh mơyang, ih athei oei 'bơ̆t anăp Inh na ih jing minh 'nu bơngai 'lơ̆ng tơpăt.

Bl 14:21

Pơtao Sôđôm khan kơ Abram thoi âu: “Athei jao đĭ kơ inh dôm lu bơngai noh, gah lu mŭk tơmam noh ih iŏk đĭ.”

Bl 24:3

Păng inh athei ih pơkă hăm Kră Yang, jơ̆ Kră Yang 'Bok Kei-Dei plĕnh teh, ih ưh kơ chă kơ kon inh akăn minh 'nu adruh lăm char Kanaan, wă khan kon pơlei mă bơ̆n oei dang ei,

II Pot 5:16

Mă-lei Êlisê tơl khan: “Inh pơkă hăm Anăn Kră Yang mă arih ling-lang, tơ'ngla mă inh bơ̆jang, inh ưh kơ iŏk yă kiơ ôh.” Naaman lung athei Êlisê iŏk, mă-lei Êlisê pơjăng ưh kơ iŏk.

Horiso 144:8

Bơngai đei 'bơ̆r pơma hơlĕnh. Đei ti 'ma pơkă bơkuĕch.

Horiso 144:11

Apinh Ih pơklaih inh đơ̆ng ti lu bơngai tơmoi; Lu bơngai đei 'bơ̆r pơma hơlĕnh. Đei ti 'ma pơkă bơkuĕch.

Both 10:14

Lu plĕnh păng lu tăl plĕnh kơjung hloh, teh păng dôm tơmam kơpal teh noh jơ̆ đơ̆ng Kră Yang 'Bok Kei-Dei.

II Sam 2:5

Đawit wơh bơngai năm ngôi hơpong tơ pơlei Jabes lăm tơring Gileat, na khan: “Hơpơi apinh Kră Yang tuh ăn pŭn hiôk kơ lu iĕm, yua kơ lu iĕm pôm đon hăm Sôl yŏng lu iĕm, na iĕm 'bŭ hơmet sư!

I Ho 29:11

Ơ Kră Yang Ih bơih, tih hloh mơsêh mơyang pran kơtang trŏ kơ hơri ư-ang, krưp rang mơnhal. Ơ Kră Yang đĭ-đăng kơpal plĕnh ala teh gah Ih ngăl. Dêh char pơtao gah Ih păng Ih boih yŏng kơ đĭ-đăng.