Bl 13:18 - Sơ̆p Hlabơar Nơ̆r 'Bok Kei-Dei

¹⁸ Na Abram yuih bơsŭn sư năm oei ala tơm 'long kôih tơ Mamrê, gah Hêbrôn păng sư kư̆m đei pơm tơ noh minh pôm chơnang soi kơ Kră Yang.

Bl 13:18 Referans Kwoze

Bl 35:27

Jakôp truh tơ Isăk, 'bă sư, tơ Mamrê jê̆ pơlei Kiriat, wă khan Hêbrôn, anih pơlei mă bre Abraham păng Isăk oei.

Bl 18:1

Kră Yang pơdah akâu sư kơ Abraham lăm kơdrơ̆ng 'long kôih Mamrê, kơplah sư oei ngôi 'bơ̆t 'măng bơsŭn sư kơ'năr drang tŏ.

Bl 14:13

Minh 'nu bơngai klaih năm kơdâu roi kơ Abram bơngai Hêbrơ, oei tơ hla hơmŭl 'long kôih Mamrê, bơngai Amôrit, 'nhŏng kơ Êskôl păng Ane, pêng 'nu âu pơgơ̆p hăm Abram boih.

Bl 8:20

Nôê pơm minh pôm chơnang soi kơ Kră Yang 'Bok Kei-Dei. Sư rôp lu kon sem 'lơ̆ng rơgoh, hăm lu sem păr 'lơ̆ng rơgoh pơm tơmam soi 'buh pơyơ̆r tơ chơnang soi.

Horiso 16:8

Inh 'măn Kră Yang ling-lang 'bơ̆t anăp inh; Inh ưh kơ đei hli kiơ, yua kơ Sư oei gah 'ma kơ inh.

I Tim 2:8

Tơ rim anih akŭm tơduă iĕm, inh wă kơ lu drŏ-nglo krao khan kơ 'Bok Kei-Dei, lu bơngai drŏ-nglo bu mă đei jơhngơ̆m 'lơ̆ng tơpăt ưh kơ hil kơ đe.

Jo 13:22

Lu sư yak năm đơ̆ng gah gơal tŏk truh tơ pơlei tih Hêbrôn, tơ noh đei Ahiman, Sêsai păng Tanmai, lu kon sâu Anak oei tơ noh. Đe pơjing pơlei tih Hêbrôn tơpơh sơnăm adrol kơ pơlei Sôan lăm char Êyiptơ,

Bl 37:14

Isơrael khan: E năm lăng lu 'nhŏng e thoi yơ păng lu khŭl triu hai liơ? Na brŏk roi kơ inh băt. Thoi noh na đơ̆ng lăm thŭng Hêbrôn, sư athei Jôsep năm tơ Sichem, Jôsep truh tơ Sichem.

Bl 13:4

Noh mă anih sư đei pơm chơnang soi adrol ki. Tơ noh Abram krao khan anăn Kră Yang.

Jôsuê 14:13

Jôsuê hơpơi ăn hloi pŭn hiôk kơ Kalep, kon drŏ-nglo Jêphunê ăn teh Hêbrôn kơ Kalep, jang sa.

Bl 23:2

Sara lôch tơ Kêriat Arba, noh krao Hêbrôn, lăm tơring Kanaan. Abraham grong nhơ̆m hmoi kơ Sara.

Hêbrơ 11:9

Truh boih tơ dêh mă 'Bok Kei-Dei wă ăn kơ sư, mă-lei sư ưh kơ pơ̆n kơ iŏk ôh, yua kơ tam mă lăp kơ 'Bok Kei-Dei ăn, mă-lei sư kư̆ kơ lui kơ nơ̆r 'Bok Kei-Dei pơkă. Sư oei tơ noh hlŏng hloi, mă-lei thoi bơngai tơmoi đĕch. Hnam sư pơm păng tua-la-tăng, oei hơdai kon sâu sư Isăk, Jakôp mă 'Bok Kei-Dei kư̆m pơkă wă ăn kơ lu sư oei tơ noh.

Bl 22:9

Bre sư năm truh tơ anih mă Kră Yang 'Bok Kei-Dei tơ'bôh ăn; tơ noh Abraham hơmet chơnang soi, dan 'long ŭnh, chô̆ Isăk mă kon sư, dan sư tơ kơpal 'long ŭnh tơ kơpal chơnang soi.

Bl 26:25

Isăk pơm minh pôm chơnang soi kơkuh, krao khan kơ Kră Yang păng pơm pơlei oei tơ noh. Đơ̆ng noh; lu đĭch đam sư sir minh pôm sơlŭng đak tơ anih noh.

Jôsuê 15:13

Jôsuê ăn kơ Kalep, kon drŏ-nglo Jêphunê, minh pah teh đơ̆ng lăm lu bơngai Juđa, kiơ̆ thoi Kră Yang khan kơ Jôsuê; Kiriat Arba. Arba noh 'bă kơ Anak, noh đe krao pơlei Hêbrôn.

II Sam 2:1

Đơ̆ng rŏng kơ noh, Đawit krao apinh Kră Yang: Inh hăm gơh năm tơ minh pôm pơlei ayơ lăm dêh Juđa ưh? Kră Yang tơl sư: Năm bĕ. Đawit apinh dơ̆ng: Inh gô năm tơ yơ? Kră Yang tơl: Ih năm tơ Hêbrôn.