Bl 13:14 - Sơ̆p Hlabơar Nơ̆r 'Bok Kei-Dei

¹⁴ Đơ̆ng rŏng kơ Lot tơklah đơ̆ng Abram boih, Kră Yang khan kơ Abram thoi âu: “Ih ngơk lăng bĕ, lăng iŏk đơ̆ng anih ih oei âu dĭng truh tơ gah yă-nơ̆m, gah gơal, gah hơlĕch, gah bơmơ̆t:

Bl 13:14 Referans Kwoze

Êsai 49:18

Athei bơyar măt iĕm lăng jum dăr: Đĭ-đăng lu kon iĕm gô akŭm băl wă brŏk tơ iĕm! Kră Yang khan: Tơpă thoi Inh Tơ'ngla arih ling-lang ih lăng lu sư thoi lĕ tơmam đe pơguăng, thoi tơlei tơ̆n bơngai drŏ-kăn wă iŏk klo.

Both 3:27

Tŏk bĕ tơ kông Pisga, đơ̆ng noh ih lăng tơ gah bơmơ̆t, tơ gah yă-nơ̆m, tơ gah gơal păng tơ gah hơlĕch, na ih lăng dêh noh, yua kơ ih ưh kơ gơh năm hlôi kơ Krong Jôrđăn 'nâu.

Êsai 60:4

Ngơk bĕ muh măt ih păng lăng. Đĭ-đăng lu sư akŭm băl wă năm tơkan tơ ih. Lu kon drŏ-nglo ih gô tơkan đơ̆ng ataih; lu kon drŏ-kăn ih đe gô kơ'mĭn glơng tơ ti.

Bl 28:14

Adrĕch adrung ih gô lơ kơdrâ̆m thoi chuơh tơ lăm teh âu, lanh truh tơ bơmơ̆t hơlĕch, gơal yă-nơ̆m păng lu khŭl kon bơngai a gô đei pŭn hiôk đơ̆ng ih păng đơ̆ng lu adrĕch adrung ih.

Bl 13:10

Lot sư tơmang lăng 'bôh tơ thŭng gah Krong Jôrđăn noh, anih mă đei đak ro hngôm truh tơ pơlei Suar; bri chŭn noh kư̆m thoi lĕ pơgar Kră Yang pơm, thoi char Êyiptơ mơ̆n. Năr noh adrol kơ Kră Yang tam mă pơrăm pơlei Sôđôm păng pơlei Gômôrơ.

Both 34:1

Đơ̆ng tơmăn glă char Môap, Môis tŏk tơ kông Nêbô, tơ kơ̆l kông Pisga, tơklă anăp pơlei Jêrikô; đơ̆ng noh Kră Yang ăn kơ sư lăng 'bôh jơ̆p kơ dêh char, đơ̆ng Gileat truh tơ char Đan;