Bl 12:6 - Sơ̆p Hlabơar Nơ̆r 'Bok Kei-Dei

⁶ Abram yak găn dêh char âu, truh tơ tơnơm 'long kôih tơ Mamrê, jê̆ pơlei Sichem. Kơplah noh lu kon pơlei Kanaan oei oei tơ lăm dêh char noh.

Bl 12:6 Referans Kwoze

Hêbrơ 11:9

Truh boih tơ dêh mă 'Bok Kei-Dei wă ăn kơ sư, mă-lei sư ưh kơ pơ̆n kơ iŏk ôh, yua kơ tam mă lăp kơ 'Bok Kei-Dei ăn, mă-lei sư kư̆ kơ lui kơ nơ̆r 'Bok Kei-Dei pơkă. Sư oei tơ noh hlŏng hloi, mă-lei thoi bơngai tơmoi đĕch. Hnam sư pơm păng tua-la-tăng, oei hơdai kon sâu sư Isăk, Jakôp mă 'Bok Kei-Dei kư̆m pơkă wă ăn kơ lu sư oei tơ noh.

Both 11:30

'Bar tŏ kông âu tơ pah to Krong Jôrđăn, gah to kơ trong tih, năm tơ gah măt 'năr mơ̆t jê̆ lu 'long kôih tơ Môre lăm tơring kon pơlei Kanaan oei tơ lăm thŭng Araba, tơ jê̆ pơlei Gilgal jê̆ lu 'long kôih tơ Môre?

Bl 35:4

Na lu sư jao đĭ kơ Jakôp lu rup yang dêh tơmoi, mă khan lu le đoh kơ đon; na sư 'bŭ dôm tơmam noh ala tơm 'long kôih, jê̆ pơlei Sichem.

Lu 7:1

Lăp năr đơ̆ng rŏng, Jêrup Baal,a păng đĭ-đăng kon pơlei kiơ̆ sư iung đơ̆ng hrôih năm pơm bơsŭn oei pơdơh tơ tu đak Harôt lu bơngai Miđian pơm bơsŭn oei pơdơh tơ lăm thŭng gah yă-nơ̆m kơ lu sư jê̆ jơ̆ng groi Môre.

Bl 13:7

Na đei tơdrong tơgar băl lăm lu bơngai wei sem dơrong Abram păng lu bơngai wei sem dơrong Lot. Kơplah noh kon pơlei Kanaan păng kon pơlei Phêrêsit kư̆m oei lăm char ei, thoi noh anih wei sem dơrong ưh kơmah.

Jang 7:16

Đe tung atâu lu sư tơ Pơlei Sichem 'bŭ sư jê̆ bơsat Abraham. Abraham răt teh bơsat noh đơ̆ng đe Emmor. Lu sư oei tơ Pơlei Sichem.

Yo 4:5

Yêsu năm truh tơ Pơlei Sikar lăm dêh Samari. Pơlei ei jê̆ mir Jakôp mă ăn kơ kon sư Yôsep sơ̆.

I Pot 12:1

Rôbôam năm tơ pơlei Sichem, yua kơ đĭ-đăng bơngai Isơrael năm akŭm tơ noh bơih wă pôk sư pơm pơtao.

Lu 9:1

Abimêlek kon drŏ-nglo Jêrup Baal năm tơ pơlei Sichem năm tơ lu adrĕch adrung gah mĕ sư păng đĭ hnam dơnŏ gah mĕ sư na khan:

Jôsuê 24:32

Kơting Jôsep mă kon pơlei Isơrael iŏk chĕp ba đơ̆ng char Êyiptơ, 'bŭ tơ pơlei Sichem, lăm teh mă Jakôp răt đơ̆ng kon drŏ-nglo Hamôr, 'bă kơ Pơlei Sichem, minh-hrĕng tơpei jên hu;a kon sâu Jôsep đei teh noh jing teh jang sa mir 'ba lu sư.

Jôsuê 20:7

Thoi noh kon pơlei Isơrael, rơih iŏk pơlei Kades lăm char Galilê, tơ kơpal kông char Naptali; Pơlei Sichem tơ kơpal kông Êphraim păng pơlei Kiriat Arba, noh đe krao pơlei Hêbrôn, oei tơ kơpal kông lăm char Juđa.

Bl 34:2

Sichem kon tơdăm pơtao Hamôr, bơngai Hêwit, 'bôh adruh noh, na rôp pơgŏ iŏk 'bĭch hơdai păng pơm kư̆ kă.

Bl 33:18

Jakôp đơ̆ng tơring Phadan Aram truh tơ pơlei Sichem, lăm dêh char Kanaan; hiôk-hian. Sư pơm anih anăp pơlei tih Sichem.

Bl 10:15

Kanaan pơjing Siđôn, kon drŏ-nglo kơdră sư păng Hêt.

I Pot 12:25

Jêrôbôam pơjing hnam tơ Pơlei Sechem kơjăp tơ kơpal groi Êphraim, sư oei hloi tơ noh, sư lĕch đơ̆ng noh năm pơm Pơlei Pênuel.

Horiso 60:6

Kră Yang đei khan đơ̆ng lăm anih rơgoh Sư. “Inh chơt hiôk, Inh gô asong tơring Sichem păng pơtŏ thŭng Sikôt.

Bl 34:30

Na Jakôp khan kơ Simêôn păng Lêwi thoi âu: Măr iĕm pơm kiơ kơ inh ưh kơ hiôk, pơm ăn kơ kon tơring âu. Bơngai Kanaan păng bơngai Phêrêsit, hil areh kơ bơ̆n. Bơ̆n âu, tŏ sĕt bơngai; dah lu sư akŭm băl blah bơ̆n inh păng hnam dơnŏ bơ̆n gô răm.

Hôsia 6:9

Thoi lu bơngai kơnê̆ răp lu bơngai yak rok trong ei, lu 'bok soi kư̆m wang pơm; thoi noh mơ̆n lu sư pơlôch bơngai rok trong năm tơ pơlei Sichem, tơpă lu sư pơm boih tơdrong kơnê̆ dêh!