Bl 12:10 - Sơ̆p Hlabơar Nơ̆r 'Bok Kei-Dei

¹⁰ Kơplah ei sơ̆, tơ dêh sư đei pơngot rơwĕt. Tơdrong pơngot rơwĕt âu tih dêh, na Abram jur tơ char Êyiptơ oei gô tơ noh.

Bl 12:10 Referans Kwoze

Bl 43:1

Na, tơdrong pơngot rơwĕt rai dêh lăm char sư.

Jang 14:22

Tơ rim pơlei ei bre sư bơtho khan kơ lu bơngai lui, wă kơ lu sư lui mă kơjăp. Bre sư khan bơ̆n athei đei lơ tơdrong pơmat-tat adrol 'mơ̆i na gơh mơ̆t tơ dêh char 'Bok Kei-Dei.

Jang 7:11

Hơtai ei đei tơdrong pơngot rơwĕt đĭ kơ dêh Êyiptơ păng dêh Kanaan, na đĭ-đăng bơngai đei tơdrong anat anot. Na lu 'bok kơdră bơ̆n sơ̆ ưh kơ đei tơmam sa ôh.

Yo 16:33

Inh roi kơ iĕm dôm tơdrong noh hei wă kơ iĕm chơt hiôk yua kơ iĕm gơnang kơ Inh. Tơ ala teh âu iĕm gô đei tơdrong anat anot. Mă-lei iĕm 'nĕ kơ sơ'ngon hŏ yua kơ tôm tơdrong ala teh âu thuơ kơ Inh ngăl boih.”

Je 14:1

'Nâu nơ̆r Kră Yang khan kơ Jêrêmi kơ tơdrong wă đei phang-ang.

Horiso 107:34

Teh mơ̆r 'lơ̆ng jing teh 'băt 'boh, Yua kơ đei tơdrong kơnê̆ lăm lu kon pơlei oei tơ noh.

Horiso 105:13

Lu sư năm đơ̆ng dêh âu, truh tơ dêh to. Đơ̆ng teh đak âu tơ teh đak nai.

Horiso 34:19

Lu bơngai 'lơ̆ng tơpăt đei lơ tơdrong pơmat-tat truh. Mă-lei Kră Yang dŏng pơklaih đĭ tơdrong noh.

II Pot 6:25

Lăm Pơlei Samari hơtai đei pơngot tih, kơplah đe wang pơlei noh đunh, dĭng mah minh pôm kơ̆l aseh iĕ đe tĕch truh tơhngam-jĭt hlak jên hu, ĭch kơtơp dang minh puăt getchai lit, kư̆m tĕch pơđăm hlak jên hu.

II Pot 4:38

Êlisê wih tơ Gilgal. Tơ lăm char đei tơdrong pơngot rơwĕt. Lu 'bok khan lê̆ adrol kơplah noh oei ngôi 'bơ̆t anăp sư. Sư khan kơ đam sư: “Iŏk gŏ tih noh pai ăn kơ lu đe âu 'nhot sa”

II Sam 21:1

Lăm chăl Đawit đei pơngot rơwĕt tih truh tơ pêng sơnăm. Pơtao Đawit krao apinh Kră Yang; Kră Yang tơl: “Tơdrong pơngot rơwĕt truh yua kơ Sôl păng hnam dơnŏ sư đei hre pham, yua kơ Sôl đei pơlôch lu bơngai Gibeôn.”

Ru 1:1

Lăm chăl lu kră sek tơlang pơgơ̆r đei pơngot rơwĕt tih lăm dêh char Juđê, đei minh 'nu bơngai đơ̆ng pơlei Betlehem dêh Juđê, sư chông ba akăn păng 'bar 'nu kon năm truh tơ dêh Môap na lu sư oei tơ noh.

Bl 47:13

Yua kơ đei tơdrong pơngot rơwĕt tih dêh thoi noh na jơ̆p-jang kơ dêh char rơdu rơmơ̆n ưh pă đei tơmam sa; dêh Êyiptơ păng dêh Kanaan kư̆m ưh kơmah yua kơ tơdrong rơwĕt noh.

Bl 42:5

Tơ dêh Kanaan kư̆m pơngot, na lu kon Isơrael kư̆m jur tơ Êyiptơ chă 'ba kư̆m thoi lu đe nai.

Bl 41:57

Lăm char ei pơngot rai dêh, yua kơ jơ̆p-jang teh đak kư̆m dai pơngot rơwĕt tih, na mă đơ̆ng yơ yơ kư̆m năm răt 'ba đơ̆ng Jôsep tĕch.

Bl 41:56

Kơplah jơ̆p-jang kơ dêh char Êyiptơ pơngot, na Jôsep pơih pơk na tĕch ăn 'ba kơ kon pơlei lăm dêh char Êyiptơ.