Bl 10:5 - Sơ̆p Hlabơar Nơ̆r 'Bok Kei-Dei

⁵ Noh boih kon sâu Japhet, kiơ̆ adrĕch adrung, kiơ̆ kơ nơ̆r pơma, dêh char păng pơlei pơla sư. Đơ̆ng lu sư na đei kon bơngai oei jơ̆p kơ bŏl lăm đak dơsĭ păng tơter jih dơsĭ.

Bl 10:5 Referans Kwoze

Jêphania 2:11

Kră Yang gô tơ'bôh kơ lu sư hli krưp tơpă; yua kơ Sư gô pơlôch lu yang kơpal teh âu hăm tơdrong pơngot rơwĕt na rim 'nu bơngai lăm teh đak gô kơkuh kơ Kră Yang, lăm dêh char sư kơdih. Mă đĭ-đăng kơ bŏl đak păng dêh lei-lăi.

Je 2:10

Yak bĕ rok bŏl Kitim na lăng! Ăn bĕ kơ bơngai năm truh tơ Kêdar wă lăng hơlen, lăng lăng hăm đei layơ tơdrong truh trŏ 'blep thoi noh ưh.

Je 25:22

Ăn đĭ kơ lu pơtao Tirơ, kơ lu pơtao oei lăm Siđôn păng kơ lu pơtao oei lăm bŏl đak dơsĭ.

Êsai 42:4

Sư ưh kơ gleh lap, ưh kơ bơ̆l hăl ôh, dĭng truh kơ pơjing tơdrong tơpăt hơnơ̆ng tơ teh đak âu, lu bŏl đak dơsĭ chang gô hơmĕng kơ khôi juăt sư.

Bl 10:20

Noh kon sâu Cham, kiơ̆ kơ adrĕch adrung kiơ̆ kơ nơ̆r pơma, dêh char păng kon pơlei pơla sư.

Êsai 60:9

Tơpă lu bŏl đak dơsĭ răp gô Inh ngơ-ngei, lu duk Tarêsi adrol hloh gô năm ba lu kon drŏ-nglo ih wih đơ̆ng ataih, hơdai hăm hu maih lu sư, wă kơkuh kơ anăn Kră Yang, 'Bok Kei-Dei ih Tơ'ngla 'lơ̆ng Rơgoh Isơrael, yua kơ sư pơm bơih kơ ih đei tơdrong ư-ang.

Êsai 59:18

Kră Yang pơm tơwih kiơ̆ kơ tơdrong jang lu sư pơm. Kră Yang hil mĭl kơ lu bơngai blah Sư, pơm 'mong kơ lu bơngai ayăt kơ Sư. Sư gô pơm tơwih kơ lu bơngai oei tơ bŏl đak dơsĭ.

Êsai 51:5

Tơdrong 'lơ̆ng tơpăt Inh wă jê̆ truh; tơdrong dŏng pơklaih Inh truh bơih. Tơpang ti Inh gô wei pơgơ̆r đĭ-đăng kon pơlei. Lu bơngai oei lăm bŏl dơsĭ chang gô Inh păng lu sư hơmĕng gơnang kơ tơpang ti Inh.

Êsai 49:1

Ơ lu bơngai oei lăm bŏl đak dơsĭ mơ̆ng Inh bĕ! Ơ lu kon pơlei oei ataih mơ̆ng bĕ, Kră Yang krao iŏk inh đơ̆ng lăm klak mĕ inh. Anăn ăn kơ inh đơ̆ng inh oei lăm klak mĕ inh.

Êsai 42:10

Hơri bơnê bĕ kơ Kră Yang 'bai hơri 'nao. Hơri bơnê bĕ kơ Sư đơ̆ng anih tôch kơ teh đak. Ơ Lu bơngai năm tơ đak dơsĭ, hăm lu sem brem arih lăm noh, ơ lu bŏl đak dơsĭ păng đĭ-đăng lu bơngai oei lăm noh.

Êsai 41:5

Lu bŏl đak dơsĭ 'bôh păng hli tơrơ, tôch kơ teh đak tơtơ̆ đĭ. Lu sư năm păng năm jê̆.

Êsai 40:15

Tơpă đĭ-đăng kon bơngai nhen thoi minh tơdjoh đak lăm kơthao păng lăng nhen thoi 'bruih iĕ huŏng kơpal 'long kŏng, Sư gô chĕp đĭ bŏl lăm đak dơsĭ nhen thoi minh găr 'bruih iĕ.

Êsai 24:15

Thoi noh ư-ang bĕ kơ Kră Yang ơ lu bơngai oei lăm teh đak gah hơlĕch, ư-ang bĕ kơ anăn Kră Yang 'Bok Kei-Dei đe Isơrael ơ lu bơngai oei lăm lu bŏl đak dơsĭ.

Horiso 72:10

Lu pơtao Tarêsi păng lu bŏl đak dơsĭ gô ăn thuê̆ kơ sư. Pơtao Seba păng Seba gô pơyơ̆r ăn kơ sư.

Bl 10:25

Eber đei pơjing kơ 'bar 'nu kon drŏ-nglo; anăn minh 'nu noh Pêlekc yua kơ teh lăm chăl sư noh sơ̆ asong băl boih; anăn oh sư Jôktan.

Bl 10:4

Kon drŏ-nglo Jawan anăn Êlisa păng Tarsis, Kitim păng Đôdanim.

Bl 10:6

Kon drŏ-nglo Cham anăn Kus, Misraim, Phut păng Kanaan.

Êsêkiên 26:15

Kră Yang khan kơ pơlei Tirơ thoi âu: Kơtơ̆ng tơdrong ih pơchah răm lu bơngai jĭ ôr tơngưih, kơplah đe oei pơlôch tơ lăm ih, lu bŏl đak kơtơ̆ng thoi noh lu sư gô ưh kơ hli tơtơ̆ hă?

Êsêkiên 26:18

Dang ei lu bơngai oei jih đak dơsĭ hli tơrơ lăm năr ih răm pơchah păng lu bŏl lăm đak dơsĭ tơtơ̆ tơtey yua kơ ih răm rai đĭ.

Da 11:18

Đơ̆ng noh lu sư weh drong tơ lu bŏl đak păng blah iŏk đei lơ anih. Mă-lei gô đei minh 'nu pơtao găn lê̆ tơdrong sư chă pơrăm đe noh păng pơm ăn kơ tơdrong noh tuh plơ̆ kơ lu sư.

Bl 9:19

Noh pêng 'nu kon drŏ-nglo Nôê păng đơ̆ng lu sư boih na mă đei kon bơngai jơ̆p kơpal teh.

Bl 10:32

Noh lu adrĕch adrung pêng 'nu kon drŏ-nglo Nôê, kiơ̆ kơ chăl păng kon pơlei sư; păng yua kơ lu sư noh na đĭ-đăng adrĕch adrung klah asong băl jơ̆p kơpal teh đơ̆ng rŏng kơ đak lơ̆p.

Both 32:8

Mưh kơplah Kră Yang Tih Hloh klah asong ăn teh kơ kon pơlei. 'Bơ̆t Sư ăn kơ adrĕch adrung Ađam tơklah tơklang. Sư hơgăt ăn hơdral kơ rim adrĕch, kiơ̆ kơ kơ̆l kon pơlei bơngai Isơrael.a

Esther 10:1

Pơtao Asêrus athei lăm char sư mă tơ teh dah tơ bŏl dơsĭ wang ăn thuê̆.

Êsai 11:11

Lăm năr noh kơnh, Kră Yang gô yơ̆r ti Sư pă minh 'măng dơ̆ng wă huai iŏk kon pơlei Sư mă oei đei đơ̆ng lăm teh đak Asiri, Êyiptơ, Patrôs, Êthiôpi, Êlam, Sinar, Hamat păng đơ̆ng lu bŏl đak dơsĭ.