Bl 1:3 - Sơ̆p Hlabơar Nơ̆r 'Bok Kei-Dei

³ Kră Yang 'Bok Kei-Dei khan thoi âu: “Athei đei hơdah,” na đei hloi hơdah;a

Bl 1:3 Referans Kwoze

II Kor 4:6

Kơplah 'Bok Kei-Dei pơjing plĕnh teh sơ̆ Sư khan kơ măng mu athei đei hơdah na đei hloi. Na Sư kư̆m pơchrang tơdrong hơdah Sư tơ jơhngơ̆m đon nhôn, tơ muh măt Yêsu Krist, wă tơbăt kơ nhôn Sư Kră Yang 'Bok Kei-Dei mơsêh tơpă.

Yo 1:5

Sư pơchrang kơ lu bơngai mă oei lăm măng mu, lu bơngai oei lăm măng mu ưh kơ gơh pĭt tŭk tơdrong hơdah Sư.

Êsai 45:7

Inh bơih Tơ'ngla pơm đei tơdrong hơdah păng pơjing tơdrong măng mu, pơm đei tơdrong hiôk-hian păng kư̆m ăn đei tơdrong pơrăm, Inh bơih Kră Yang Tơ'ngla pơm dôm tơdrong noh.

Êsai 60:19

Măt 'năr ưh pă pơchrang hơdah kơ ih kiơ̆ kơ'năr. Tơdrong hơdah rang khei kư̆m ưh pă pơchrang kơ ih kiơ̆ kơmăng. Mă-lei Kră Yang jơ̆ tơdrong hơdah kơ ih ling-lang hlŏng hloi. Kră Yang 'Bok Kei-Dei ih noh tơdrong ư-ang ih.

I Yo 1:5

Âu boih tơdrong nhôn kơtơ̆ng đơ̆ng Kon Sư na nhôn roi ăn kơ iĕm: 'Bok Kei-Dei thoi hơdah măt 'năr. Măt 'năr 'noh wă pơchrang hơdah ling-lang, ưh kơ đei layơ măng mu tŏ sĕt.

Êphêsô 5:8

Yua kơ dang ei iĕm ưh pă oei lăm măng mu thoi lu bơngai noh boih, iĕm oei lăm hơdah Kră Yang Yêsu Krist pơchrang ăn. Thoi noh na iĕm athei oei kiơ̆ kơ tơdrong hơdah Sư noh.

Yo 1:9

Bơngai mă hơdah dang măt 'năr ei, Sư pơchrang hơdah kơ đĭ-đăng bơngai wă kơ đĭ-đăng bơngai băt tơdrong 'Bok Kei-Dei. Bơngai mă hơdah ei, hơtai ei sơ̆ Sư jur tơ ala teh âu tơ'bôh kơ đe tơdrong hơdah Sư.

Yo 3:19

'Bok Kei-Dei sek tơlang kon bơngai, Sư pơlong lăng thoi âu: Sư wơh Kon Sư jur pơchrang ăn tơdrong hơdah Sư tơ ala teh âu. Mă-lei kon bơngai ưh kơ wă kơ tơdrong hơdah Sư ôh. Kon bơngai wă oei lăm măng mu đĕch yua kơ lu sư wă pơm tơdrong kơnê̆ ling-lang.

Horiso 33:6

Lu plĕnh mă đei pơjing đơ̆ng nơ̆r Kră Yang. Đĭ lu linh tơ plĕnh đơ̆ng hơyuh dui jơhngơ̆m đơ̆ng 'bơ̆r Sư na đei.

Horiso 148:5

Ăn kơ đĭ-đăng hơri ư-ang bĕ kơ anăn Kră Yang; yua kơ Sư athei, na đĭ-đăng jing đei.

Horiso 97:11

Tơdrong hơdahb pơchrang kơ lu bơngai tơpăt. Păng chơt hiôk kơ lu bơngai đei jơhngơ̆m tơpăt.

Horiso 33:9

Đơ̆ng Sư sơkat, na đei hloi, Sư athei, na tơmam kơjăp hlŏng hloi.

I Yo 2:8

Mă tơdrong inh chih pơkă kơ iĕm âu 'nao mơ̆n. Yêsu Krist răk tơdrong pơkă âu păng iĕm kư̆m răk tơdrong pơkă âu mơ̆n. Yua kơ iĕm tơm hmơm đơ̆ng măng mu mă-lei dang ei 'brưch rai wă jê̆ hơdah măt 'năr boih păng hơdah jơ̆p hloi.

Êphêsô 5:14

Tơdrong noh thoi đe juăt kơ khan: “Ơ bơngai tep dang lĕ kơ lôch, iung bĕ, na 'Bok Krist gô pơchrang hơdah ăn kơ iĕm.”

Horiso 104:2

Kră Yang gom Sư kơdih hăm tơdrong hơdah, Nhen thoi minh blah ao tai Sư bơyar plĕnh thoi bơyar bơsŭn.

Jop 38:19

Tơ yơ trong ba truh tơ anih tơdrong hơdah oei? Bĕ anih măng mu oei tơ yơ?

I Tim 6:16

Sư ưh kơ layơ lôch. Sư oei tơ anih rang mơnhal, ưh kơ đei bu gơh năm jê̆ Sư. Đơ̆ng sơ̆ khơ̆ ning-mônh kon bơngai ala teh ưh kơ đei bu 'bôh Sư. Na bĕ bơ̆n pơư pơang 'Bok Kei-Dei mă pơgơ̆r ling-lang. A-men.

Horiso 118:27

Kră Yang jơ̆ 'Bok Kei-Dei, Sư boih pơchrang ăn kơ lu nhôn hơdah. Chô̆ bĕ tơmam soi pơyơ̆r hăm tơlei bră tơ lu chơnglơ̆ng hơke chơnang soi.

Jop 36:30

To, Kră Yang ăn kơmlat pơchrang hơdah jum dăr kơ Sư. Klơ̆p jơ̆p kơđĕl đak dơsĭ.

Yo 11:43

Klaih kơ noh Yêsu pơma 'bơ̆r re khan: “Ơ Lasarơ, iung đơ̆ng bơsat bĕ, lĕch tơ 'ngoaih âu.”

Mathiơ 8:3

Na Yêsu chro ti pel bơngai ei păng khan: “Inh wă tơpă pơklaih ih, Inh pơklaih ih dang ei.” Na bơngai jĭ ei klaih kơtă hloi.

Bl 2:4

Noh boih tơm rơh kơ plĕnh hăm teh mă Sư pơjing boih. Kơplah Kră Yang 'Bok Kei-Dei pơjing plĕnh hăm teh sơ̆.