Am 5:9 - Sơ̆p Hlabơar Nơ̆r 'Bok Kei-Dei

⁹ Noh boih Kră Yang Tơ'ngla mă pơm kơ lu bơngai pran kơtang 'bôh 'băi lôch răm hloi, tơdrong pơrăm dĭng mah truh tơ lăm kơđông.

Am 5:9 Referans Kwoze

Hêbrơ 11:34

Mă đe tah sư tơ lăm pla ŭnh tih, ŭnh huay kơ sa sư ôh. Đe wă koh pơlôch sư tơpă boih, mă-lei đei 'Bok Kei-Dei tơdŏng. Hơdrol lu sư tơrăn, đơ̆ng rŏng lu sư jing pran, blah pơpuh tŭk lu linh dêh đe mă ayăt kơ lu sư.

Mi 5:11

Inh gô pơrăm lê̆ tơdrong lu pơjâu tơwir, thoi noh na lu iĕm ưh pă đei pơjâu khan lê̆ adrol dơ̆ng.

Je 37:10

Mă khan lu iĕm tơblah hăm lu linh Kalđê, jei lu iĕm ră mă lăm lu sư oei pă dôm 'nu lu bơngai rơka đĕch, lu sư gô lĕch dơ̆ng lăm bơsŭn iŏk ŭnh soh pơlei 'nâu.”

II Pot 13:25

Jêhôas kon drŏ-nglo Jêhôahas iŏk lê̆ dơ̆ng đơ̆ng Ben Hadat, kon drŏ-nglo Hasael, sư iŏk lê̆ lu pơlei mă Ben Hadat iŏk bơih đơ̆ng Jêhôahas, 'bă sư. Jêhôas blah Ben Hadat jei sư pêng wơ̆t păng iŏk lu pơlei lăm dêh char Isơrael đei kơ sư.

II Pot 13:17

na khan: “Pơih 'măng-'mŏk gah hơlĕch bĕ.” Na Jêhôas pơih hĭ 'măng. Êlisê khan: “Pơtao prah bĕ.” Na sư prah hloi. Kơplah ei Êlisê khan dơ̆ng: “'Noh bơih 'brơ̆m Kră Yang mă kĕ jei, 'brơ̆m mă ih blah lu bơngai Aram jei ih, lăm pơlei Aphek, dĭng ih pơrăm pơlôch lê̆ đĭ lu sư.

Êsai 29:5

Mă-lei lu đe ayăt kơ ih lơlap nhen 'bruih 'mui teh rơpŭk, lu đe pơm kơnê̆ dêh gô nhen hơkam 'ba kial bơbơ̆t, tơdrong noh gô truh ngei ngei ưh kơ tam băt ôh.

Am 2:14

Lu bơngai kơdâu kuăng ưh kơ gơh kơdâu klĕnh ôh, lu bơngai pran kơtang kư̆m gô pă kĕ mơ̆n păng lu bơngai nuih kư̆m ưh pă gơh pơklaih akâu sư kơdih.