Am 5:2 - Sơ̆p Hlabơar Nơ̆r 'Bok Kei-Dei

² Ơ bơngai adruh hơlai Isơrael pơ̆k huŏng boih, ưh pă kĕ iung dơ̆ng, sư noh đe klơ̆m lê̆ boih tơ teh, ưh kơ đei bu tơiung sư.

Am 5:2 Referans Kwoze

Je 14:17

Apinh ih khan kơ lu sư nơ̆r 'nâu: Ăn kơ măt inh lĕch đak măt ling-lang, Măng năr ưh kơ pơdơh, yua kơ kon adruh inh, kơ kon pơlei inh, răm-'băm jĭ rơka hơbur dêh, đe pơm jĭ pơmat dêh kơ lu sư.

Am 9:11

“Lăm năr noh, inh gô tơiung pơdơ̆ng bơsŭn Đawit, mă đêl păk boih păng hơmet ming lu bơlôh hiah sư. Inh gô pơdơ̆ng ming lu đêl pơchah păng man ming thoi sơ̆,

Am 8:14

Đĭ-đăng lu bơngai tơhlâu kơ Asima char Samari păng pơkă pơkăm: Ơ Đan, thoi yang ih oei arih! Thoi yang pơlei Bêrsêba oei arih! Đĭ-đăng lu bơngai kơkuh kơ yang gô pơ̆k păng ưh pă kĕ iung dơ̆ng.

Hôsia 14:1

Ơ lu bơngai Isơrael, wih brŏk bĕ tơ Kră Yang, 'Bok Kei-Dei iĕm; yua kơ đơ̆ng tơdrong kơnê̆ lu iĕm, na lu iĕm pơ̆k huŏng boih.

Hôsia 6:2

Đơ̆ng rŏng kơ 'bar năr Sư gô pơrih bơ̆n; truh năr mă pêng Sư gô tơiung bơ̆n, na bơ̆n gô arih 'bơ̆t anăp Sư.

Nhom 2:13

Liơ inh gơh pơting hăm iĕm, Wă kơ gơh pơlung iĕm; Ơ kon adruh pơlei Siôn? Yua kơ rơka lu iĕm jrŭ thoi đak dơsĭ. Bu wă gơh ming klaih?

Je 51:64

Păng athei khan: Dêh char Babilôn gô huŏng môch thoi noh! Ưh pă đei layơ đông dơ̆ng, yua kơ Inh ăn tơdrong truh pơrăm sư, lu kon pơlei gô pơ̆k huŏng.’ ” Nơ̆r Jêrêmi pơma tôch 'bơ̆t dâu.

Je 50:32

Dêh char pơang gô kơtơih păng pơ̆k, Ưh kơ đei bơngai bu tơiung sư, Inh gô iŏk ŭnh soh lu pơlei sư, Ŭnh gô sa đĭ-đăng tơmam tăp dăr kơ sư.”

Je 31:4

Inh gô pơdơ̆ng ming iĕm, na lu iĕm gô đei dơ̆ng, ơ bơngai Isơrael 'lơ̆ng rơgoh Lu iĕm gô iŏk hơgơ̆r iĕ tơdŭ suang thoi sơ̆ hơdai hăm lu bơngai chơt hiôk.

Je 18:13

Lei na, Kră Yang khan: “Apinh lăng bĕ lăm lu teh đak, Bu mă kơtơ̆ng boih tơdrong thoi noh? Bơngai Isơrael 'lơ̆ng rơgoh pơm boih tơdrong kơnê̆ krưp.

Je 4:20

Tơdrong đe pơrăm, truh pơrăm rai dêh, Jơ̆p kơ char pơrăm đĭ boih 'biao pă tam băt bơsŭn inh anih inh răm đĭ.

Je 2:27

Lu sư khan kơ 'long, ‘Ih boih 'bă inh,’ khan kơ tơmo, Ih boih pơjing kơ inh. Lu sư tơwih rŏng kơ Inh, ưh kơ tơwih gah muh măt; Mă-lei kơplah lu sư đei tơdrong rŭng răng, lu sư khan: ‘Iung na pơklaih nhôn bĕ!’

Êsai 43:17

Pơm ăn kơ lu gre aseh, lu linh pran kơtang akŭm băl, đĭ-đăng lu sư pơ̆k tơ noh, ưh kơ kĕ kơ iung dơ̆ng, lu sư lôch đĭ, nhen đe pĭt ŭnh kơđeng.

Êsai 37:22

'Nâu nơ̆r Kră Yang đei khan gah sư: Lu adruh hle pơlei Siôn Sư pơdê ih, pơjăm ih, kon drŏ-kăn pơlei Jêrusalem tơtreh kơ̆l gah rŏng ih!

Êsai 24:20

Plei teh tơdrŏ 'ma 'ngiĕo nhen bơngai suai, yĕng yŏng thoi pơk gia, tơdrong yoch sư trăp dêh, sư gô pơ̆k huŏng ưh kơ kĕ iung dơ̆ng.

Êsai 14:21

Hơmet bĕ tơdrong pơlôch kon sâu lu sư yua kơ tơdrong yoch lu yă 'bok lu sư, 'Nĕ ăn kơ lu sư iung iŏk teh đak, pơjing plei tih kơjăp jơ̆p kơ teh đak dơ̆ng!

Êsai 3:8

Pơlei Jêrusalem đĭ grê păng char Juđa đĭ hơlih; yua kơ nơ̆r pơma păng tơdrong jang lu sư blah Kră Yang, che bơle pơjăm 'bơ̆t anăp Kră Yang trŏ kơ ư-ang.

II Pot 17:16

Lu sư achăng hŭt lê̆ đĭ-đăng dôm nơ̆r Kră Yang 'Bok Kei-Dei lu sư tơtă, lu sư man kơdih 'bar tŏ rup rơmo kon păng pơm rup yang Asêra păng kơkuh kơ đĭ-đăng lu yang kơpal rơwơ̆ng, păng kơkuh kơ yang Baal.

II Pot 15:29

Lăm chăl Pêka, pơm pơtao đe Isơrael, Tiglat Pileser, pơtao đe Asiri năm tơgar iŏk pơlei Ijôn, Abel Bêt Maaka, Janôa, Kêđes, Hasor, tơring Gileat tơring Galilê păng tơring Naptali hai dơ̆ng. Thoi noh, sư anhăk ba kon pơlei lu dêh ei tŏk tơ dêh char Asiri pơm bơnă.

Je 8:4

“Ăn kơ ih roi bĕ kơ lu sư: ‘'Nâu Kră Yang khan: ‘Bơngai pơ̆k hăm pă iung dơ̆ng? Bơngai jrok hăm wơ̆t brŏk dơ̆ng?

Je 9:9

Kră Yang khan: “Inh ưh kơ phak lu sư hă kơ tơdrong âu? Na Inh ưh iung kơting hă kơ lu dêh char thoi âu?”

Je 9:21

Tơdrong lôch tŏk tơ 'măng-'mŏk bơ̆n boih, Mơ̆t truh boih tơ lu anih kơjăp bơ̆n; Pơlôch boih lu hơ'lơ̆p tơ rok trong tih, pơlôch boih kon tơdăm bơ̆n tơ lăm cham pơlei.”