Am 2:7 - Sơ̆p Hlabơar Nơ̆r 'Bok Kei-Dei

⁷ Lu sư pơjuă lê̆ kơ̆l lu bơngai dơnuh hin tơ teh păng pơm kơ trong lu bơngai iơ̆m dim đŏng đĕo. 'Bă kon kư̆m ngôi kư̆ kă hăm minh 'nu drŏ-kăn, thoi noh pơm pơ'mê̆ kơ anăn 'lơ̆ng rơgoh Inh.

Am 2:7 Referans Kwoze

Am 5:12

Yua kơ inh băt boih kơ tơdrong yoch lu iĕm lơ pă băt dang yơ, tơdrong yoch iĕm tih dêh, lu iĕm pơmat lu bơngai tơpăt, iŏk sa pơgâm, tơ anih 'măng jang pơlei lu iĕm sơngah kơ tơdrong trŏ tơpăt lu bơngai dơnuh hin lăm năr sek tơlang.

Êsêkiên 22:11

Lăm ih đei bơngai pơm yoch ngôi kư̆ kă hăm akăn đe; lu bơngai nai pơm kư̆ kă hăm mŏ mai sư, đei mơ'nah ngôi hăm oh drŏ-kăn sư kon 'bă sư pơjing mĕ pha.

Êsai 10:2

Hơngah kơ pơm tơdrong tơpăt lu bơngai hoh kơ đei păng ưh kơ pơm tơdrong trŏ kơ lu bơngai dơnuh hin lăm kon pơlei pơla Inh. Tơgar iŏk tơmam đơ̆ng lu drŏ-kăn adro, hơđuh iŏk tơmam đơ̆ng lu kon mơti.

I Kor 5:1

Nhôn kơtơ̆ng ang minh 'nu bơngai lăm lu iĕm pơm kư̆ kă dêh pơm hloh kơ đe, mă lu bơngai ưh kơ lui kư̆m ưh kơ lah mah pơm thoi noh mơ̆n; na bơngai noh đe khan sư oei kơ duch sư đêl akăn 'bă sư.

Mi 2:9

Lu iĕm pơpuh lu bơngai drŏ-kăn, kon pơlei ih lĕch đơ̆ng hnam chơt hiôk lu sư; păng iŏk tơdrong ư-ang Inh đơ̆ng lu kon hơ'lơ̆p sư ling-lang hlŏng hloi.

Mi 2:2

Lu sư 'ngeng kơ mir chŭn na tơgar iŏk. 'Ngeng kơ hnam đe păng tơgar iŏk hloi mŭk tơmam sư.

Rom 2:24

Tơdrong noh 'blep thoi sơ̆p hla bơar 'Bok Kei-Dei sơ̆ khan thoi âu: “Lu bơngai tơmoi nai pơjăm 'Bok Kei-Dei yua kơ lu bơngai Juđê ưh kơ kiơ̆ tơdrong juăt 'Bok Kei-Dei pơkă.”

Jêphania 3:3

Lu kuan tih mă oei pơgơ̆r lu sư thoi dăm-brang hơrum, lu kră sek tơlang lu sư thoi kŏ-so sa pơgoh kơmăng, ưh kơ đei 'măn lê̆ kơ pơgê dơning.

Am 8:4

Iĕm mă lu bơngai luăn sa pơjuă bơhlơ̆r lu bơngai dơnuh hin păng pơrăm lu bơngai pơmat-tat kơpal teh, mơ̆ng bĕ nơ̆r 'nâu.

Am 4:1

Mơ̆ng bĕ ơ lu rơmo akăn dêh Basan, oei tơ kông Samari, iĕm pơjuă lu bơngai dơnuh, pơgŏ pơđep lu bơngai hoh kơ đei, khan kơ lu klo iĕm: Chĕp ba sik tơ âu, lu nhôn huch!

Êsêkiên 36:20

Tơ lăm dêh char mă lu sư oei, lu sư đei pơm pơ'mê̆ kơ anăn 'lơ̆ng rơgoh Inh, đe pơma 'bơm lu sư khan: ‘Noh lu kon pơlei Kră Yang mă-lei đe puh tơweh lu sư đơ̆ng dêh char Kră Yang.

Tơdrông Pơđơk 28:21

Mơ̆t dŏng đe noh ưh kơ 'lơ̆ng. Mă đơ̆ng minh pôm 'bĕng mi ră mă-lei gô pơm glăi.

I Pot 21:4

Ahap mơ̆t tơ lăm hnam jơhngơ̆m ưh kơ hiôk păng sơ'ngon dêh yua kơ nơ̆r Nabôt, bơngai Jêsreel; đei khan kơ pơtao: “Inh ưh kơ gơh ăn kơ ih ôh tơmam đơ̆ng lu 'bok kơdră inh. Ahap mơ̆t 'bĭch tơ giơng tep om ơh sơ'ngon ưh kơ sŏng sa.

II Sam 12:14

Mă-lei yua kơ tơdrong ih pơjăm ưh kơ lăng boih Kră Yang lăm tơdrong 'nâu, na kon drŏ-nglo mă akăn ih 'nao tơpŭ kơ ih noh gô lôch.”

Lêwi 20:3

Inh kơdih gô hil mĭl kơ bơngai noh păng pơtôch lê̆ sư đơ̆ng kon pơlei pơla sư, yua kơ sư jao kon hơ'lơ̆p sư kơ yang Mơlŏk, pơm kơ anih 'lơ̆ng rơgoh Inh jing kơnê̆ 'mê̆-'mach păng pơ'mê̆ kơ anăn 'lơ̆ng rơgoh Inh.

Lêwi 18:15

'Nĕ hưch pơm kư̆ kă hăm mŏ mai ih; yua kơ sư jing akăn kon drŏ-nglo ih, 'nĕ hưch kơ sư.

Lêwi 18:8

'Nĕ kơ hưch pơm kư̆ kă hăm akăn 'bă ih; tơdrong noh pơm mơlâu pơ'brơh kơ 'bă ih.

Hôsia 4:14

Inh ưh kơ phak lu kon adruh iĕm yua kơ yoch pơm pơyô, kư̆m ưh kơ phak lu mŏ mai iĕm yua kơ yoch ngôi hăm đe nai; yua kơ lu drŏ-nglo iĕm kư̆m ngôi kư̆ kă hăm lu drŏ-kăn đi, păng pơyơ̆r tơmam soi hăm lu bơngai drŏ-kăn kư̆ kă. Thoi noh lu kon pơlei ưh kơ hlôh gô hiong răm.

Lêwi 18:21

'Nĕ kơ pơyơ̆ra kon hơ'lơ̆p ih kơ yang Mơlŏk, b 'nĕ kơ pơm 'mê̆-'mach kơ anăn Kră Yang 'Bok Kei-Dei ih, inh bơih Kră Yang.

Êsai 3:14

Kră Yang sek tơlang lu bơngai kră păng lu kră pơgơ̆r kon pơlei Sư khan: “Lu iĕm luăn sa bơih pơgar hơmu. Tơtông iŏk tơmam lu bơngai dơnuh oei tơ lăm hnam lu iĕm.

Êsai 3:15

Lu iĕm tơchĕng liơ pơjuă pơđep kon pơlei Inh, juă gơhlơ̆r muh măt lu bơngai dơnuh hin?” Kră Yang Tih Hloh khan thoi noh.

Êsai 10:1

Răm-'băm tơpă kơ lu bơngai pơm khôi juăt glăi păng lu bơngai chih khôi juăt pơjuă pơđep,

Am 5:11

Yua kơ lu iĕm pơjuă lu bơngai dơnuh răm păng pơgŏ lu sư rai ăn 'ba mi, mă khan lu iĕm đei pơm boih lu hnam man păng tơmo iĕm kư̆m ưh kơ gơh oei ôh. Lu iĕm đei pơtăm boih pơgar hơmu đei plei 'ngam mă-lei kư̆m ưh kơ đei huch đak sik sư ôh.