Am 2:12 - Sơ̆p Hlabơar Nơ̆r 'Bok Kei-Dei

¹² Mă-lei lu iĕm ăn pơgŏ boih lu bơngai Nasiril huch sik păng khă lu bơngai khan lê̆ adrol: Lê̆ pă khan lê̆ adrol!

Am 2:12 Referans Kwoze

Am 7:13

Mă-lei 'nĕ pă khan lê̆ adrol tơ pơlei Bethel âu, yua kơ noh anih rơgoh pơtao păng noh anih hnam pơtao akŭm kơkuh kơ Kră Yang.

Êsai 30:10

Lu sư khan kơ lu bơngai đei tơdrong tơ'bôh: “'Nĕ pă 'bôh;” khan kơ lu bơngai khan lê̆ adrol: “'Nĕ pă khan lê̆ adrol kơ lu nhôn gah tơdrong sĭt. Pơma roi bĕ kơ lu nhôn tơdrong nhôn lăp đon chơt, roi bĕ kơ lu nhôn tơdrong 'bôh ưh kơ đei tơpă.

Mi 2:6

“'Nĕ pă bơtho dơ̆ng,” lu sư bơtho. Lu sư ưh kơ bơtho tơdrong noh, Tơdrong mơlâu ưh kơ weh đơ̆ng lu sư.

Je 11:21

“Thoi noh Kră Yang khan gah kon pơlei Anathôt lu bơngai chơchă wă pơlôch ih khan: ‘Ih 'nĕ pă khan lê̆ adrol hăm anăn Kră Yang, dah ưh kơ chu ih gô lôch kơ ti nhôn.’

Am 7:16

Na mơ̆ng bĕ nơ̆r Kră Yang: Ih khan thoi âu: 'Nĕ khan lê̆ adrol wă blah Isơrael păng kư̆m 'nĕ kơ bơtho đe pơm kơnê̆ hăm Isăk.

Jo 6:2

Ih roi tơbăt ăn kơ adrĕch bơngai Isơrael khan: Mă bơngai drŏ-nglo dah bơngai drŏ-kăn, mưh pơkă pơkăm wă jao kơdih akâu sư kơ Kră Yang. Kiơ̆ thoi khŭl Nasirit

Je 35:5

Inh hơmet lu get 'bĕnh kơ sik hơmu păng kơchŏk dan 'bơ̆t anăp lu bơngai Rêkap; păng khan kơ lu sư: “Huch sik âu bĕ!”

Jo 6:3

Na sư athei pơkơ̆m ưh kơ gơh et sik dah huch tơmam kiơ suai; kư̆m ưh kơ huch sik kiơ mă đe pơm hrâu păng plei hơmu, dah sa hơmu oei adrih, dah sa plei hơmu mă kro boih kư̆m ưh kơ gơh.