Biblia Todo Logo
Bib sou entènèt

- Piblisite -




Am 1:6 - Sơ̆p Hlabơar Nơ̆r 'Bok Kei-Dei

6 Kră Yang khan: Yua kơ đơ̆ng kon pơlei Gasa rai pơm yoch pơm yoch kơnê̆ hloh kơ adrol, na Inh ưh kơ lê̆ ôh wă phak lu sư; yua kơ lu sư rôp ba đĭ-đăng kon pơlei năm pơm bơnă păng jao lu sư kơ bơngai Eđôm,

Gade chapit la Kopi




Am 1:6
18 Referans Kwoze  

Kră Yang khan: Yua kơ đơ̆ng kon pơlei Eđôm rai pơm kơnê̆ hloh kơ adrol, thoi ei na Inh ưh kơ lê̆ ôh wă phak lu sư. Yua kơ lu sư đei chĕp đao druh 'moi lu 'nhŏng oh sư kơdih, ưh pă đei jơhngơ̆m băt mơnat, tơdrong hil blĕk lu sư kăp hek băl, pă pơdơh mong tơdrong blĕk ling-lang,


Kon pơlei Philistin kư̆m iung blah lu pơlei lăm tơring kông groi păng tơring tơ gah gơal lăm char Juđa. Kŭm blah iŏk pơlei Bêt Sêmes, Aijalôn, Gêđêrôt, Sôkô hăm lu pơlei jê̆ noh, Timna păng lu pơlei jê̆ sư, Gimsô păng lu pơlei kiơ̆ jê̆ sư, na lu bơngai Philistin oei hloi tơ noh.


Lăm năr đe tơmoi tơgar iŏk mŭk tơmam sư, lu kon pơlei tơmoi mơ̆t lăm 'măng jang pơlei sư păng wă hlang lăng iŏk teh pơlei Jêrusalem, na lăm năr noh ih dơ̆ng pah to, ih kư̆m thoi minh 'nu bơngai lăm lu sư,


Kră Yang khan: Yua kơ đơ̆ng kon pơlei Tirơ pơm yoch rai kơnê̆ hloh kơ adrol, thoi ei na Inh ưh kơ lê̆ ôh wă phak lu sư; yua kơ lu sư jao boih đĭ-đăng kon pơlei kơ kon pơlei Eđôm, ưh pă 'blŏk kơ tơdrong pơgơ̆p băl tơduă 'nhŏng oh.


'Nâu pơđăm tŏ rup pơtôch pơm hăm maih bơngai Philistin pơyơ̆r ăn kơ Kră Yang pơm tơmam soi huai yoch dơ̆ng glăi. Minh pơm kơ pơlei Asdôt, minh pơm kơ pơlei Gasa, minh pơm kơ pơlei Askalon, minh pơm kơ pơlei Gat, minh pơm kơ pơlei Ekrôn.


Lu iĕm tĕch boih kon sâu Juđa păng kon sâu Isơrael kơ lu bơngai Grĕk, wă kơ chông anhăk lu sư ataih đơ̆ng anih hnam lu sư.


Yua kơ ih răk rong tơdrong blĕk đơ̆ng sơ̆, na jao lu bơngai Isơrael lôch kơ đao lăm tơdrong tơblah tơblŭng, đei 'bet pơlôch lu sư lăm tơdrong phak mă hơtuch.


Pơlei Askalon gô 'bôh păng hli; Gasa kư̆m 'bôh păng jĭ lăm jơhngơ̆m ưh kơ sŭk; pơlei Ekrôn kư̆m lei-lăi, yua kơ dôm tơdrong sư chang hơmĕng gô hiong tôch; pơtao pơlei Gasa đe gô pơlôch păng pơlei Askalon gô pă đei kon pơlei oei.


Kră Yang khan: Yua kơ đơ̆ng kon pơlei Đamas rai pơm yoch pơm yoch hloh kơ adrol, thoi ei na Inh ưh kơ lê̆ ôh wă phak lu sư. Yua kơ lu sư pơjuă dêh char Gileat thoi đe preh 'ba păng kơmăi mam,


'Nâu nơ̆r Kră Yang khan kơ Jêrêmi bơngai khan lê̆ adrol gah bơngai Philistin adrol kơ Pharaôn wă blah Gasa.


Na gah Philip dơ̆ng, linh jang 'lơ̆ng 'Bok Kei-Dei khan kơ sư thoi âu: “Ih năm tơ gah gơal Pơlei Jêrusalem hŏ, gah trong char glă chơngue mă jur đơ̆ng Pơlei Jêrusalem truh tơ Pơlei Gasa.”


Ơ pơlei Tirơ păng pơlei Siđôn păng đĭ tơring Philistin, lu iĕm đei tơdrong kiơ păng Inh? Lu iĕm wă blah plơ̆ Inh hă? Tơdah lu iĕm blah plơ̆ Inh, Inh gô ăn tơdrong iĕm blah plơ̆ Inh wih plơ̆ tĕnh hloi tơ kơ̆l lu iĕm,


Inh gô ăn ŭnh truh tơ kơpal dur pơlei Gasa, ŭnh gô sa pơrăm lu kơđông sư kơjăp.


Swiv nou:

Piblisite


Piblisite