Tị́to 3:9 - Mɨkánda Lorụ ꞌBɨ Lomo Kɨ́ Dosị́ Éyị́ E

⁹ Tụ́ꞌdụ́ ngíti géyị ꞌyị e nɨyí bo ambá ódro eyé yị́ ené dụụ́ ꞌbɨ kangú gɨ ro ledre ga bɨ ꞌbɨ ndíkiógụ ꞌyị e do sogo káṇgá ona, zɨ́ye ndị́sịyé kɨ́ ófụ́ye gɨ ro lorụ bɨ kóo Lomo iꞌbíogụ zɨ́ Mụ́sa éké a ní. Máúku zɨ́yị Tị́to, ndá ólụ́ dongará bɨcayi ꞌyị ga gére née zɨ́se ndị́sịsé méngị bɨcayi kangú kéye wá, gɨ zɨ́a ledre ga bɨ ndịsịnɨ́ úku yée née ndanɨ́ eyé ledre ga bɨ nɨyí sáká ꞌyị e ní wá.

Tị́to 3:9 Referans Kwoze

2 Timatíyo 2:14

Káa zɨ́ bɨ kenée ní, ledre ga bɨ máúku yée zɨ́yị née, ídí ndị́sị úku yée zɨ́ ꞌyị ga bɨ sị́ sị́lị́yị íri ní mbá, ndanɨ́ ndị́sị méngị kangú sɨmɨ ledre ꞌbɨ Lomo wá. Kangú káa zɨ́ bɨ ngíti géyị ꞌyị ga gére ndịsịnɨ́ méngị yée née, sakánɨ́ eyé ꞌyị e wá. Bi ndịsị sínyí ro ꞌyị ga bɨ ndịsịnɨ́ úwú yée ní mɨsínyí.

2 Timatíyo 2:23

Ndaá kpá lá dụụ́ ledre máa yée ga gére née wá, ndá íꞌbí royị́ zɨ́se ndị́sịsé méngị kangú kɨ́ ꞌyị ga gére née wá, gɨ zɨ́a, kangú ndịsị lengbe ꞌdíꞌbiógụ ófụ́ kɨ́ okó dongará ꞌyị e.

1 Timatíyo 4:7

Gbékpị́ ledre ꞌbɨ ꞌyị ga gére née, bɨ ndịsịnɨ́ lị́kpị́ yée, ngárá moko ndaá sɨmɨyé wá ní, ídí ꞌdíꞌbióyó royị́ gɨ sɨmɨyé ꞌdáꞌba, zɨ́yị ndị́sịyị́ lódụ́ dụụ́ kacɨ́ ꞌdódo ledre bɨ ꞌbɨ ꞌyị ga bɨ ꞌbɨ Kɨ́résịto ní.

2 Timatíyo 2:16

ꞌYị ga bɨ ambá ledre eyé lá kangú kɨ́ úkucáyi ledre gɨ do bi ledre ꞌbɨ Lomo ní, ndá íꞌbí royị́ zɨ́se ndị́sịsé ítí kangú kéye wá. Gɨ zɨ́a ꞌyị tara sinyí káa zɨ́ ga gére née, ndịsịnɨ́ lengbe ꞌdíꞌbióyó ꞌyị e gɨ do mɨsiꞌdi ꞌbɨ Lomo ꞌdáꞌba.

Tị́to 1:14

Ndanɨ́ óto sómụ́ ledre eyé ndị́sị úwú ledre gɨ tara Yụ́da ga gére née wá, gɨ zɨ́a oyónɨ́ sogoyé go zɨ́ mbigí ꞌdódo ledre bɨ ꞌbɨ Yésụ ní.

1 Korị́ndo 8:1

Togụ́ gɨ ro ledre éyị́ bɨ ndị́sịnɨ́ ꞌdáná lomo ga bɨ yemenɨ́ yée kɨ́ sị́lị́ ꞌyị ní yá, owozé ledre gɨ roa kése kpá mbá bú. Ówo ledre nɨ kpá tɨ́ bɨlámá éyị́, mongụ́ a óto ꞌbú lafú ꞌyị e nɨ ne éyị́ bɨ ndịsị óto ꞌyị e zɨ́ye ídíye kị́éꞌdo kɨ́ lafúye ní.

1 Korị́ndo 13:2

Kpá kenée togụ́ mááyí nébị ꞌyị úkutátá ledre ꞌbɨ Lomo zɨ́ ꞌyị e, togụ́ mááyí kpá ꞌyị bɨ ṇguṇgu ledre ꞌbɨ Lomo go kɨ́ngaya, máówoyéme ledre gɨ ro mɨngburoko ledre ga bɨ ꞌbɨ Lomo ní mbá bú bɨlámáne bɨ utúasá bú óto máa zɨ́ma méngị mɨngburoko ledre kɨ́e ní, togụ́ ꞌbú ꞌyị e ndaá domá wá, ṛanga, moko ndaá sɨmɨ tụ́ꞌdụ́ ledre amá ga gére née za mbá wá.

Yakóbo 4:1

Éyị́ bɨ ndịsị ꞌdíꞌbiógụ ófụ́ kɨ́ okó dongaráse ní ꞌdi? Ndaá ꞌbú éyị́ bɨ dosé ní ndịsị ꞌdíꞌbiógụ ledre ga gére née ne wá?