Tị́to 2:6 - Mɨkánda Lorụ ꞌBɨ Lomo Kɨ́ Dosị́ Éyị́ E

⁶ Ídí ꞌdódo ledre zɨ́ owụ́ yaꞌdá e kpá kenée. Mɨndị́sịyé kɨ́ mɨméngị ledre eyé e za mbá, idí ídí bɨlámáne.

Tị́to 2:6 Referans Kwoze

1 Pétero 5:5

Sée ga bɨ ásé aka ꞌbɨ esé owụ́phɨṛangá e ní, ídísé óto komosé ro ꞌyị ga bɨ nɨyí manda ꞌdáꞌdá zɨ́se ní. Ídísé ndị́sị méngị ledre e zɨ́ ꞌyị e za mbá kɨ́ bɨlámá mɨmbéꞌdesé, gɨ ro zɨ́ Lomo ídíne kɨ́ rokinyi, gɨ zɨ́a, “Lomo ndaá kɨ́ rokinyi kɨ́ ꞌyị ga bɨ ndịsịnɨ́ óto ledreyé kɨ́ royé owóowó ní wá, tɨ́ lá zɨ́a ndị́sịné sáká ꞌyị ga bɨ ndịsịnɨ́ ꞌbúóꞌbụ́ royé mɨꞌbúóꞌbụ́ ní.”

1 Yiwáni 2:13

Máéké ledre ba kpá zɨ́se, sée ga bɨ komosé enzị go ní, gɨ zɨ́a ówoyémesé Ngére Yésụ bɨ kóo nɨ yị́ ené kú bo gɨ dosị́ne ní go. Kpá zɨ́se ga bɨ ásé owụ́phɨṛangá e rómosé komo Satána go ní. Nda kpá kɨ́se ga bɨ ásé aka mɨnzéré owụ́ e ní, gɨ zɨ́a, ówosé Lomo go káa do ꞌBụzé maꞌdíi.

1 Timatíyo 5:1

Togụ́ áyí go ódro zɨ́ ꞌyị e, yaꞌdá máa yée ga bɨ nɨyí go mɨngburokoyé, eze sịndị́ ꞌbụyị́ ní, owụ́phɨṛangá e ídí ódro zɨ́ye do bɨlámá mɨsiꞌdiné káa zɨ́ ódro zɨ́ ꞌbụyị́ bɨ ndiki yị́ị ní. Mɨnzéré owụ́ yaꞌdá e, ídí ódro zɨ́ye kpá kenée do bɨlámá mɨsiꞌdiné ndoo, káa zɨ́ ódro zɨ́ mbigí lúnduyị́ e ní.

1 Tasalonị́ka 5:6

Gɨ zɨ́a, owonɨ́ eyé ledre gɨ ro ledre ꞌbɨ Lomo wá, nɨyí yị́ eyé cé káa zɨ́ ꞌyị ga bɨ nɨyí mɨꞌdúꞌduyé, ngíti géyị mɨkóyóye, owoꞌdiꞌbinɨ́ eyé ledre ga bɨ nɨyí ndị́sị méngị royé ní wá.