Tị́to 1:9 - Mɨkánda Lorụ ꞌBɨ Lomo Kɨ́ Dosị́ Éyị́ E

⁹ Idí ídí ꞌyị bɨ ṇguṇgu ledre Yésụ go kɨ́ngaya tɨ́ káa zɨ́ bɨ ꞌdodonɨ́ zɨ́a ní, gɨ ro zɨ́a útúásáne ndị́sị ꞌdódoyéme ledre a do bɨlámá mɨsiꞌdiné zɨ́ ꞌyị ga bɨ ndịsịnɨ́ kála a mɨkála ní gɨ ro zɨ́ye ówoyéme a, zɨ́ye ṇgúṇgu a.

Tị́to 1:9 Referans Kwoze

2 Tasalonị́ka 2:15

Bɨ goó kenée ní, owụ́ ꞌbɨ Babá e, ledre ga bɨ kóo ꞌdodozé yée zɨ́se kɨ́ yée ga bɨ ekézé yée mɨéké ní, ídísé ꞌdíꞌbi sị́lị́se royé ngbúó, gɨ ro zɨ́se ídíse kɨ́ rokoꞌbụsé sɨmɨ ledre e za mbá.

2 Timatíyo 1:13

Owụ́ ꞌbɨ amáa, ledre ga bɨ kóo máꞌdódo yée zɨ́yị ní, ndanɨ́ lị́gị yị́ị wá. Ídí ndị́sị ꞌdódo dụụ́ ledre ga gére née zɨ́ ꞌyị e, sɨmɨ bɨ áyí go ndị́sị méngị ledre máa ga gére ní, ledre Kɨ́résịto Yésụ bɨ ṇgúṇgu ní, cíyí a idí ngbóró sɨmɨyị́ mongụ́ne, zɨ́yị ídíyị kpá ꞌyị óto ꞌbú ꞌyị e za mbá.

1 Timatíyo 6:3

Togụ́ ngíti ꞌyị ogụ kɨ́ ngíti ꞌdódo ledre kpị́ gɨ ro ledre ga bɨ máꞌdódo yée zɨ́yị ba ní, ꞌyị née uku née kɨ́dí, ledre ga bɨ ꞌbɨ Kɨ́résịto Yésụ Ngére ezé bɨ ndịsịzé ꞌdódo yée zɨ́ ꞌyị e ní, nɨyí yị́ eyé mbá ṛanga, ndanɨ́ eyé maꞌdíi ꞌdódo ledre e wá.

1 Timatíyo 1:10

ndịsịnɨ́ sóꞌdo royé kɨ́ ngíti géyị kará e. Nda kpá kɨ́ kará ga bɨ ndịsịnɨ́ méngị ꞌberị ní. Kpá kɨ́ ngíti géyị yaꞌdá ga bɨ oyóloꞌbónɨ́ lafúye yaꞌdá e káa do kára e óto yée sogoyé ní. Nda kpá kɨ́ yée ga bɨ ndịsịnɨ́ sóꞌdo mɨnzéré owụ́kará ga bɨ utúasánɨ́ aka gɨ ro yaꞌdá e wá ní. Nda kpá kɨ́ ꞌyị máa yée ga bɨ ndịsịnɨ́ úgu ꞌyị e kɨ́ úgúóyó yée ní. Kɨ́ ꞌyị ga bɨ ndịsịnɨ́ lólóbụ́ sɨmɨ ṛanga ní. Nda kɨ́ ngíti géyị bɨcayi ledre ga bɨ nɨyí bo ní.

ꞌDódoógụ 3:3

Ídí sómụ́ndíki ledre kóo ꞌdodonɨ́ zɨ́yị bɨ kóo úwú ní. Ídí lányá roa zɨ́yị óyólóꞌbó sómụ́ ledre eyị́ gɨ sɨmɨ lúyú ledre. Togụ́ méngị ledre née kenée wá, mɨndáꞌbaógụmá mááyí lị́yị yị́ị mɨlị́yị káa zɨ́ bɨ ꞌyị ugu ndịsị lị́yị ꞌyị e ní.

1 Timatíyo 1:15

Ba zaá mbigí ledre, ꞌyị e idínɨ́ ṇgúṇgu a zɨ́ye lányáye roa kɨ́dí, “Ógụ bɨ kóo Kɨ́résịto Yésụ ogụ ní, ndaá gbékpị́e wá. Ogụ gɨ ro yómo ꞌyị lúyú ledre e.” Máa Páwulo, lúyú ledre amá romo kóo rómó go.

Tị́to 2:1

Tị́to máúku zɨ́yị, káa zɨ́ bɨ ówoyéme ꞌbɨ eyị́ ledre gɨ ro Ngére Yésụ go bú ní, ídí ndị́sị ꞌdódo zɨ́ ꞌyị e dụụ́ ledre bɨ utúasá mɨútúásá bɨ ꞌbɨ Ngére Yésụ maꞌdáa ní.

Tị́to 1:11

Ndá ótoómo ꞌyị ṛanga ga gére née zɨ́ye ndị́sịyé ꞌdódo ledre zɨ́ ꞌyị ga bɨ ṇguṇgunɨ́ ledre Yésụ go ní wá. Bɨsinyí mɨꞌdódo ledre káa zɨ́ ga gére née, nɨ óto ꞌyị e zɨ́ye ótoómo kɨ́ lódụ́ kacɨ́ Yésụ. ꞌYị ṛanga ga gére née, ꞌdodonɨ́ eyé née mbigí ledre wá. Ndịsịnɨ́ lá gámásóꞌdo mɨsiꞌdi gɨ ro zɨ́ ꞌyị e ndị́sịyé íꞌbí késị́ zɨ́ye.

2 Timatíyo 4:3

Gɨ zɨ́a sịndị́ kadra nɨ ógụ, ꞌyị e nɨyí ésịꞌdụ́tụ mbílíye ngbụ́rụ́ kɨ́ úwú ledre ꞌbɨ Lomo. Zɨ́ye óto komoyé yị́ eyé dụụ́ ndị́sị úwú ledre ga bɨ ngárá ndanɨ́ ꞌbɨ Lomo wá ní kɨ́ngaya. Gɨ zɨ́a née ledre ga bɨ ilinɨ́ yị́ eyé yée ní.

1 Tasalonị́ka 5:21

Ídísé ndị́sị lúrú ledre e mbá mɨlúrú bɨlámáne kpó kpó kpó. Wo bɨ nɨ gɨ zɨ́ ꞌDówụ́ Lomo ní, ásé ówo a, zɨ́se ꞌdíꞌbi dụụ́ wo,

ꞌDódoógụ 3:11

“Ídísé ówo a bɨlámáne kɨ́dí mááyí go ꞌduo gbóo gɨ ro ndáꞌbaógụ. Ídísé tóro fú lá ngbúó sogomá káa bɨ nɨyí ꞌdíꞌbióyó tákpásị́lị́ bɨ nɨ trịdrị bɨ za fí ní gɨ zɨ́se.

ꞌDódoógụ 2:25

Ídísé lányá ro ledre bɨ ꞌdodonɨ́ zɨ́se ní gị sɨmɨ sịndị́ kadra ꞌbɨ mɨndáꞌbaógụmá.

Yụ́da 1:3

Owụ́ ꞌbɨ Babá e sɨmɨ Lomo, mándị́sị kóo go yéme romá gɨ ro éké ledre gɨ ro trịdrị bɨ za fí bɨ gɨ rozé ní zɨ́se. Máyá Ɨ́ꞌɨ, utúasá mɨútúásá zɨ́ma éké ledre máa wo ba ṇgúṇgú romá kɨ́e zɨ́se gɨ ro zɨ́se tórosé ngbúó sɨmɨ ṇgúṇgu ledre esé bɨ Lomo iꞌbí zɨ́se mbigí ꞌyị ené e ní za fí.

2 Timatíyo 2:25

ꞌYị ga gére née, bɨ ndịsịnɨ́ úkucáyi ledre gɨ do bi ledre ꞌbɨ Lomo ní, ídí ꞌdódo ledre zɨ́ye kpá kɨ́ íni ini gɨ royé. Lomo idí óyólóꞌbó mɨmbéꞌdeyé gɨ ro zɨ́ye ówo dụụ́ mbigí ledre ené.

2 Timatíyo 2:2

Ledre ga bɨ kóo lúrútóko gɨ zɨ́ma, mándị́sị ꞌdódo yée zɨ́ tụ́ꞌdụ́ ꞌyị e ní, ídí ꞌdíꞌbi ledre máa ga gére née, zɨ́yị ꞌdódotátá yée zɨ́ ꞌyị ga bɨ lúrú yée utúasánɨ́ go gɨ ro ꞌdódotátá ledre e ní, zɨ́ye ndị́sịyé ꞌdódotátá yée zɨ́ ngíti géyị ꞌyị e.

1 Timatíyo 4:9

Ba zaá mbigí ledre ídí ṇgúṇgu a zɨ́yị lányáyị roa.

1 Timatíyo 1:19

Ledre Ngére Yésụ bɨ ṇgúṇgu ní, idí ngbóró sɨmɨyị́ ndéréne fú ꞌdáꞌdá. Ndá ídí káa zɨ́ ꞌyị ga bɨ otoomonɨ́ cóngó ꞌdódo ledre kóo ꞌdodonɨ́ zɨ́ye ní go, nɨyí nda yị́ eyé go ndị́sị méngị bɨcayi ledre e ní wá.

Moko ꞌbɨ ꞌyịmɨkása~e 18:28

Gɨ zɨ́ ódro bɨ tara Apólo kɨ́ rokoꞌbụné ní, zɨ́a ꞌdíꞌbi ledre gɨ tara Yụ́da e dongará tụ́ꞌdụ́ ꞌyị e, kɨ́ ledre bɨ gɨ sɨmɨ mɨéké kúrú Lomo ní, bɨ ꞌdódo kɨ́dí maꞌdíi, Yésụ nɨ Kɨ́résịto ní.

1 Korị́ndo 14:24

Togụ́ ꞌyị bɨ ṇgúṇgu aka ledre ꞌbɨ Lomo wa ní ogụ ólụ́ dongaráse do bi ini zɨ́ Lomo, ndị́sịsé ódro sɨmɨ tara bɨ ꞌyị née owoyeme ledre gɨ sɨmɨa bú ní, ꞌyị née nɨ geré óyólóꞌbó sómụ́ ledre ené, zɨ́a úku ledre kɨ́dí ábuwá ledre ga bɨ née ndịsị méngị yée ní emenɨ́ ngụ́ zɨ́a ṇgúṇgu ledre ꞌbɨ Lomo.

2 Timatíyo 3:14

Gɨ zɨ́ kéyị née ní, ledre ꞌbɨ Ngére idí ngbóró sɨmɨyị́ ndéréne fú ꞌdáꞌdá. Ledre ga bɨ kóo ꞌdodonɨ́ yée zɨ́yị ní, ídí lányá royé kɨ́ngaya.