Matáyo 3:3 - Mɨkánda Lorụ ꞌBɨ Lomo Kɨ́ Dosị́ Éyị́ E

³ Yiwáni nɨ oꞌdo bɨ kóo nébị Isáya uku ledre a kɨ́dí, “ꞌYị nɨ karanée ndị́sị ótrụ́ ledre zɨ́ ꞌyị sɨmɨ súwú kɨ́dí, yémeómosé mɨsiꞌdi mu nzíyiné zɨ́ Ngére, ídísé ꞌdózo yéme mɨsiꞌdi zɨ́a ní.”

Matáyo 3:3 Referans Kwoze

Yiwáni 1:23

Zɨ́ Yiwáni úkulúgu ledre zɨ́ye kɨ́dí, “Mááyí ba ꞌyị bɨ kóo nébị Isáya uku ledre a ꞌdesị́ kɨ́dí, ꞌyị nɨ karanée ndị́sị ótrụ́ ledre zɨ́ ꞌyị e sɨmɨ súwú kɨ́dí, “ ‘Yémeómosé mɨsiꞌdi mu nzíyiné zɨ́ Ngére, ídísé ꞌdózo yéme mɨsiꞌdi zɨ́a.’ ”

Lúka 1:76

Yị́ị, owụ́ ꞌbɨ amá, ꞌyị e nɨyí ndị́sị ndólo yị́ị kɨ́dí nébị ꞌbɨ Lomo gɨ zɨ́a áyí ndị́sị ndéré zɨ́a ꞌdáꞌdá kɨ́ yémeómo ꞌyị e zɨ́ Ngére nzíyiné.

Lúka 1:17

Nɨ ndị́sị gámá kɨ́ úku kúrú Lomo sɨmɨ rokoꞌbụ ꞌDówụ́ Lomo cé káa zɨ́ nébị Ilíya kóna ní, zɨ́a ndị́sịné kɨ́ yéme dongará ꞌyị ga bɨ sinyí go kɨ́ owụ́ ꞌbɨ eyé e ní, kpá kɨ́ sáká ꞌyị ga bɨ sómụ́ ledre eyé ndaá bɨlámáne do mɨsiꞌdi ꞌbɨ Lomo wá ní, nda kpá kɨ́ yémeómo ꞌyị e nzíyiyé zɨ́ Ngére Yésụ.”

Márɨko 1:3

“ꞌYị nɨ karanée ndị́sị ótrụ́ ledre zɨ́ ꞌyị e sɨmɨ súwú kɨ́dí, yémeómosé mɨsiꞌdi mu nzíyiné zɨ́ Ngére, ídísé ꞌdózo yéme mɨsiꞌdi zɨ́a.”