Felemúna 1:20 - Mɨkánda Lorụ ꞌBɨ Lomo Kɨ́ Dosị́ Éyị́ E

²⁰ Lúndu ꞌbɨ ené e, káa zɨ́ bɨ azé kɨ́yị ꞌyị lódụ́ kacɨ́ Kɨ́résịto Yésụ Ngére ezé ní, ídí mu ꞌdíꞌbilúgu Onésịmo zɨ́yị, gɨ ro zɨ́ma ídíma kɨ́ rokinyi.

Felemúna 1:20 Referans Kwoze

3 Yiwáni 1:4

Ngíti éyị́ bɨ nɨ óto máa kɨ́ mongụ́ rokinyi gɨ do kacɨ́ úwú ledresé owụ́ ꞌbɨ amáa e kɨ́dí, ásé fú ndị́sị lódụ́ kacɨ́ ledre ga bɨ Kɨ́résịto ili yée ní ndaá.

Felemúna 1:7

ꞌBú ꞌyị e bɨ óto doyị́ kɨ́ngaya née, oto máa go zɨ́ma ídíma kɨ́ mongụ́ rokinyi. Gɨ zɨ́a óto ꞌyị ga bɨ ꞌbɨ Kɨ́résịto ní go zɨ́ye ṇgúṇgu ledrea nda za kɨ́ngaya.

Felemúna 1:12

Abú ꞌbúa nɨ domá kɨ́ngaya ndaá kóo mɨútúásáne zɨ́a ndéréóyó roné gɨ cigíma wá yá, málúrú kenée, máyá ɨ́ꞌɨ, utúasá mɨútúásá zɨ́ma kása wo zɨ́yị íri.

1 Yiwáni 3:17

Togụ́ ꞌyị nɨ kɨ́ éyị́ e zɨ́ne, zɨ́ lúndua ndị́sịné ánu lerị́ cigí a somụ́ ledre a wá ní, nɨ úku ledre bɨ kɨ́dí ꞌbú Lomo nɨ doné ní lárá káa be ꞌdi?

Ébere 13:17

ꞌYị ga bɨ nɨyí manda e ndịsịnɨ́ ꞌdódo ledre ꞌbɨ Lomo zɨ́se ní, ídísé ndị́sị úwú yée gɨ zɨ́a née moko bɨ Lomo gelé yée ne zɨ́ye ndị́sịyé méngị a gɨ rosé ní. Ídísé óto yée zɨ́ye ndị́sịyé méngị moko née kɨ́ bikịdrị́ mɨmbéꞌdeyé gɨ ro zɨ́ Lomo ídíne kɨ́se kɨ́ rokinyi.

Phị́lịpo 4:1

Owụ́ ꞌbɨ Babá e sɨmɨ Lomo, ledresé ndịsị ówo romá gɨ zɨ́a máóto ꞌbúse go kɨ́ngaya. Ngére Yésụ idí íꞌbí rokoꞌbụ zɨ́se gɨ ro zɨ́se tórosé ngbúó sɨmɨ moko ené. Máówo go kɨ́dí karanée Yésụ nɨ mbófo máa gɨ rosé. Mááyí kɨ́ rokinyi gɨ zɨ́se.

Phị́lịpo 1:8

Gɨ zɨ́ kéyị née ní, Lomo owo go bɨlámáne kɨ́dí máóto ꞌbúse go kɨ́ mɨmbéꞌdemá kị́éꞌdo káa zɨ́ bɨ Kɨ́résịto Yésụ oto ꞌbúze ní.

2 Korị́ndo 7:13

Ledre née oto zée go zɨ́ze ídíze kɨ́ rokinyi. Ndaá kpá lá dụụ́ zée wá, kpá Tị́to. Gɨ zɨ́a Sɨmɨ bɨ kóo kasazé wo zɨ́se íri ní, zɨ́se ꞌdíꞌbi wo sɨmɨ sụmụ kɨ́ ꞌbúne, zɨ́a ndị́sịné bɨlámáne somụ́ ledre wá.

2 Korị́ndo 2:2

Togụ́ máóto uṇgú do mɨmbéꞌdesé kɨ́ ódro bɨ oꞌbụóꞌbụ zɨ́ bi sínyíne rosé ní, ásé nda óto máa zɨ́ bi émené romá ní lárá a káa be ꞌdi? Ótosé esé lolụ máa zɨ́ bi émené romá wá.

1 Korị́ndo 16:18

Iꞌbínɨ́ rokinyi go zɨ́ma kɨ́ngaya kpá káa zɨ́ bɨ ndịsịnɨ́ íꞌbí rokinyi zɨ́se íri ní. Idízé ndị́sị mbófo yée kɨ́ngaya gɨ zɨ́a ndịsịnɨ́ go méngị moko ꞌbɨ Kɨ́résịto cụ́ kɨ́ sɨmɨyé.