Felemúna 1:19 - Mɨkánda Lorụ ꞌBɨ Lomo Kɨ́ Dosị́ Éyị́ E

¹⁹ Máúku zɨ́yị maꞌdíi, togụ́ éyị́ nɨ bo Onésịmo ꞌdiꞌbi gɨ zɨ́yị iꞌbílugu wá, ídí úku a zɨ́ma mááyí íꞌbílúgu a zɨ́yị. Kpá káa zɨ́ bɨlámá ledre kóo máméngị, zɨ́ma ꞌdódo ledre ꞌbɨ Ngére Yésụ zɨ́yị ní, éyị́ bɨ méngịlúgu zɨ́ma kacɨ́ a ní ndaá.

Felemúna 1:19 Referans Kwoze

Galatíya 6:11

Ledre ba máéké máa zɨ́se, ídísé lúrú lá kacɨ́ sị́lị́ma ga bɨ máéké mɨngburokoné née.

Galatíya 5:2

Máúku zɨ́se maꞌdíi, togụ́ ótosé komosé fú lá gɨ ro ledre ꞌbɨ útú ngbuṛu gɨ do bɨ zɨ́se útúásásé kacɨ́ komo Lomo káa do mbigí ꞌyị ené e yá, umbu bɨ kóo Kɨ́résịto uyu do mɨngbúngbu kágá gɨ rosé ní, moko ndaá sɨmɨ a zɨ́se wá.

1 Korị́ndo 4:15

Abú tụ́ꞌdụ́ ngíti géyị ꞌyị e nɨyí bo ndị́sịnɨ́ kpá ꞌdódo ledre ꞌbɨ Kɨ́résịto Yésụ zɨ́se yá, máa Páwulo mááyí zɨ́se go káa zɨ́ ꞌbụsé ní gɨ zɨ́a máꞌdódoụ́tụ ledre ꞌbɨ Lomo zɨ́se go fị máa gɨ zɨ́ ngíti géyị ꞌyị máa ga gére née.

Tị́to 1:4

Máéké ledre ba rị́ zɨ́yị Tị́to, áyí zɨ́ma go káa zɨ́ owụ́ bɨ gɨ sɨmɨmá ní, gɨ zɨ́a ṇgúṇgu ledre ꞌbɨ Lomo go kpá káa zɨ́ma ní. Gɨ zɨ́ kéyị née ní, zɨ́ma ndị́sịmá íni ini zɨ́ ꞌBụzé Lomo kpá kɨ́ Kɨ́résịto Yésụ ꞌYị yómo zée, idínɨ́ méngị bɨlámá ledre zɨ́yị, zɨ́ye íꞌbí úndru zɨ́yị, gɨ ro zɨ́yị ndị́sịyị́ bɨlámáne.

1 Timatíyo 1:2

Máéké ledre ba máa zɨ́yị, gɨ zɨ́a áyị́ zɨ́ma go mbigí owụ́ ꞌbɨ amá sɨmɨ Lomo. ꞌBụzé Lomo maꞌdáa kɨ́ Ngére ezé Kɨ́résịto Yésụ idínɨ́ ówo ledre kɨ́yị, zɨ́ye méngị bɨlámá ledre zɨ́yị gɨ do bɨ zɨ́yị ndị́sịyị́ bɨlámáne.

2 Korị́ndo 3:2

Ásé se zɨ́ze káa zɨ́ mɨéké wáraga ní. Gɨ zɨ́a ꞌdódosé kacɨ́ moko bɨ ndịsịzé méngị a dongaráse ní go zɨ́ ꞌyị e ówo a mbá kɨ́dí azé ꞌyị ꞌbɨ moko ꞌbɨ Lomo.

Dosị́ éyị́~e 43:9

Mááyí ídí máa ꞌyị lúrú bi kacɨ́ a. Áyí ndúꞌyú máa gɨ roa. Togụ́ mándáꞌbaógụ kɨ́e óto wo kóꞌdụ́yị wá, mááyí go máa bɨsinyí ꞌyị kɨ́ngaya gɨ ro ledre ené.

Róma 16:22

Máa Teritáyo ꞌyị éké ledre ba, máíꞌbí kpá mandá go zɨ́se ꞌyị ga bɨ ꞌbɨ Ngére Yésụ ní.

2 Korị́ndo 9:4

Máúku kenée gɨ zɨ́a togụ́ ogụzé gɨ yáa kɨ́ ngúru ꞌyị gɨ dongará ꞌyị ꞌbɨ Kɨ́résịto ga bɨ sɨmɨ Mekedonị́ya ní togụ́ nzíyi éyị́ ndaá yá, mááyí ídí kɨ́ mongụ́ komokenyị́, zɨ́ ꞌbɨ esé nda rómoné cụ́ gɨ do ꞌbɨ amá.

2 Korị́ndo 10:1

Ba máa Páwulo, índisé aka mbílíse zɨ́ma, zɨ́se úwú ledre bɨ máíli úku a zɨ́se ndoo kpá kɨ́ bikịdrị́ mɨmbéꞌdemá káa zɨ́ bɨ Kɨ́résịto ndịsị méngị a ní. Abú ngíti géyị ꞌyị e gɨ dongaráse ukucayinɨ́ ledre kɨ́dí mándị́sị ódro oꞌbụóꞌbụ zɨ́se lá dụụ́ sɨmɨ mɨéké ledre togụ́ nda goó do komosé yá, máódro kenée wá.

Felemúna 1:18

Togụ́ Onésịmo maꞌdáa mengị kóo bɨsinyí ledre zɨ́yị, togụ́ ꞌdiꞌbi kóo mbú késị́ gɨ zɨ́yị, iꞌbílugu wá yá, ídí úku ledre a zɨ́ma gɨ ro zɨ́ma íꞌbílúgu a zɨ́yị.