ꞌDódoógụ 3:7 - Mɨkánda Lorụ ꞌBɨ Lomo Kɨ́ Dosị́ Éyị́ E

⁷ “Ídí éké ledre ga ba zɨ́ manda ꞌbɨ kanị́sa bɨ sɨmɨ Filadelifíya ní kɨ́dí, “Ba kúrúma bɨ mándá ꞌyị lúyú ledre wá, kpá ꞌyị méngị cóngó ledre do komo Lomo kpá go Ngére do bi kacɨ́ Dawídi ní. Sɨmɨ bɨ málíkpí mbotụ ledre go ní, ꞌyị ꞌdụ́tụ a ndaá. Sɨmɨ bɨ máꞌdụ́tụ mbotụ ledre go ní, ꞌyị líkpí a ndaá.

ꞌDódoógụ 3:7 Referans Kwoze

Matáyo 16:19

Mááyí íꞌbí rokoꞌbụ bɨ gɨ ꞌbe ꞌbɨ Lomo komo ere ní zɨ́yị. Éyị́ bɨ ási go gɨ roa ní, Lomo nɨ kpá ási gɨ roa gɨ komo ere. Éyị́ bɨ ṇgúṇgu ledre a go ní, Lomo nɨ kpá ṇgúṇgu a.”

ꞌDódoógụ 1:18

Mááyí nda go trịdrịmá za fí. Ufunɨ́ kóo máa, zɨ́ma úrúma. Bɨ ba ní, mááyí nda yị́ amá go trịdrịmá za fí. Rokoꞌbụmá romo ꞌbɨ umbu go, mááyí go ngére do umbu za fí.

ꞌDódoógụ 6:10

Zɨ́ye úku ledre kɨ́ kúrúye ꞌdága zɨ́ Lomo bɨ rokoꞌbụné kɨ́ngaya ní kɨ́dí, “Ngére ezé Lomo, yị́ị bɨ kémbị́ lúyú ledre ndaá royị́ wá ní. ꞌYị ga bɨ ꞌdoꞌdonɨ́ zée zɨ́ye úfu zée ba, áyí íꞌbí ꞌdoꞌdó royé nda kɨ́beꞌdi?”

Yiwáni 14:6

Zɨ́ Yésụ úkulúgu ledre kɨ́dí, “Mááyí máa mɨsiꞌdi ꞌbe ꞌbɨ Lomo, mándị́sị ꞌdódo maꞌdíi ledre ga bɨ gɨ do bɨ Lomo ní máa zɨ́ ꞌyị e. Mááyí kpá máa ꞌyị íꞌbí trịdrị zɨ́ ꞌyị ga bɨ ṇguṇgunɨ́ ledre maꞌdáa go ní. Togụ́ ꞌyị ṇguṇgu ledremá wá, máútúásá ótoómo wo zɨ́a ndéréne ꞌbe ꞌbɨ Babá Lomo wá.

Lúka 1:32

Nɨ ídí mongụ́ ꞌyị. ꞌYị e nɨyí ndị́sị ndólo wo Owụ́ ꞌbɨ Lomo. Ngére Lomo nɨ óto wo káa do ngére káa zɨ́ bulúndua bɨ kóo Dawídi ní.

Márɨko 1:24

“Yị́ị, ꞌyị ꞌbɨ Nazeréta ba, éyị́ bɨ íli gɨ zɨ́ze ní ꞌdi? Ógụ kɨ́ra go gɨ ro úfuónzó zée? Máówo yị́ị bú. Áyí Yésụ, Mbigí Owụ́ ꞌbɨ Lomo.”

1 Yiwáni 5:20

Owozé kpá go kɨ́dí Owụ́ ꞌbɨ Lomo ogụ kóo go, iꞌbí ówo ledre go zɨ́ze gɨ ro zɨ́ze ówo mbigí Lomo. Azé go kɨ́ Lomo kị́éꞌdo kpụrụ́ gɨ sɨmɨ Owụ́ ꞌbɨ ené Kɨ́résịto Yésụ. Nɨ ne mbigí Lomo kpá ꞌyị íꞌbí trịdrị bɨ za fí ní.

ꞌDódoógụ 19:11

Zɨ́ma lúrú ere likpí roné go fúó, bɨkenyị́ usáni, nɨ go tóro kóꞌdụ́ma kenée. ꞌYị bɨ ndịsị doa ní ndolonɨ́ wo, Bɨlámá ꞌyị kpá ꞌYị méngị maꞌdíi. Nɨ ꞌyị ꞌdécị yéme ngbanga kpá ꞌyị méngị yéme okó.

ꞌDódoógụ 3:14

“Ídí éké ledre ba zɨ́ manda bɨ sɨmɨ kanị́sa ꞌbɨ Lawudikíya ní kɨ́dí, “Ba kúrú ꞌyị bɨ togụ́ uku ledre go yá, zɨ́ ledre née ídíne tɨ́ kenée ní. Nɨ ꞌYị bɨ ndịsị méngị dụụ́ ledre bɨ Lomo ili ní, kpá Ngére do éyị́ e za mbá ní.

ꞌDódoógụ 5:9

Zɨ́ye úku mɨkánda keꞌbị kɨ́dí, “Útúásá go ꞌdíꞌbi wáraga née, zɨ́yị líkpí taraa, Gɨ zɨ́a oṇgoónzónɨ́ kóo yị́ị go, zɨ́yị úgú lúgu ꞌyịmaꞌdí e zɨ́ Lomo kɨ́ sámayị́ kacɨ́ ṛị́kị́ sị́ do ꞌyịmaꞌdí e kɨ́ tara eyé e mbá do ídíye mbigí ꞌyị ga bɨ ꞌbɨ Lomo ní.

ꞌDódoógụ 1:11

Zɨ́a úku ledre kɨ́dí, “Ídí éké ledre ga bɨ áyí lúrú yée ba zɨ́yị kása yée sɨmɨ kanị́sa ga bɨ ịnyị doa gbre (7), Éfeso, Samuróna, Peragamóna, Tayatíra, Saradị́sị, Filadelifíya nda kɨ́ Lawudikíya ní.”

Moko ꞌbɨ ꞌyịmɨkása~e 3:14

Tɨ́ ꞌyị bɨ ngará lúyú ledre ndaá roa wá ní, zɨ́se ásisé gɨ roa yaá Piláto ídí íꞌdí sị́lị́ne gɨ ro ꞌyị bɨ kóo úfu ꞌyị e ní.

Matáyo 24:35

Do sogo káṇgá kɨ́ ere nɨyí ụ́kụ́ mbá, tɨ́ lá ledre amá ụkụ́ ené wá.”

ꞌDódoógụ 1:5

Kɨ́résịto Yésụ bɨ ꞌyị ótoyéme ledre e, bɨ nɨ ne mɨzefị ꞌyị bɨ urú gɨ sɨmɨ umbu ní, nɨ kpá ne Ngére do ngére e do sogo káṇgá za mbá. Idí kpá ídí kɨ́se. Oto ꞌbúze go kɨ́ngaya zɨ́a íꞌbí roné zɨ́ umbu úyuné gɨ rozé.

Lúka 4:34

“Yị́ị Yésụ, máówo yị́ị bú áyí mbigí Owụ́ ꞌbɨ Lomo gɨ sɨmɨ gara Nazeréta. Ógụ ba go geré gɨ ro úfuónzó zée?”

ꞌDódoógụ 15:3

Ndịsịnɨ́ úku keꞌbị ga bɨ kóo Mụ́sa ꞌyị ꞌbɨ moko ꞌbɨ Lomo ndịsị kóo úku yée ꞌdesị́, kpá kɨ́ kófó ịrị Owụ́ kábịṛị́kị kɨ́dí, “Ngére Lomo, áyí ꞌyị rokoꞌbụ, ndị́sị méngị mbá mɨnbguroko ledre e. Kacɨ́ kadra mbá, ndị́sị méngị ledre ga bɨ utúasánɨ́ mɨútúásá ní, gɨ zɨ́a áyí yị́ eyị́ ꞌyị méngị maꞌdíi, gɨ zɨ́ kéyị née, áyí Ngére ꞌbɨ kúfú ꞌyịmaꞌdí e mbá.

ꞌDódoógụ 21:5

Zɨ́ ꞌyị bɨ ndịsị do kị́tị ngére ní úku ledre kɨ́dí, “Mááyí go méngị éyị́ e za mbá mɨkándayé.” Zɨ́a úku ledre zɨ́ma kɨ́dí, “Ídí éké ledre ga bɨ úwú yée née mbá, gɨ zɨ́a nɨyí kɨ́ ledreyé owóowó kpá maꞌdíi ledre e.”

ꞌDódoógụ 19:2

Idízé mbófo wo gɨ zɨ́a ndịsị ꞌdécịyéme ngbanga. Gɨ zɨ́a nɨ bɨlámá ngére, owoofụ kacɨ́ ꞌdécị ngbanga go. ꞌDecị ngbanga mongụ́ gara bɨ ndịsị sínyiónzó ꞌyị e ní go. Idízé mbófo wo gɨ zɨ́a ꞌdoꞌdo mongụ́ gara née go gɨ ro ꞌyị ené ga bɨ ufunɨ́ yée sɨmɨ a íri ní.”

ꞌDódoógụ 16:7

Zɨ́ma úwú kúrú ꞌyị gɨ sị́ mbayi ꞌbɨ Lomo gɨrí kɨ́dí, “Maꞌdíi, Ngére Lomo, rokoꞌbụyị́ ofụ go, mɨꞌdécị ngbanga eyị́ nɨ mɨútúásáne.”

ꞌDódoógụ 4:8

Éyị́ trịdrị ga bɨ eso (4) née, nɨyí mbá kɨ́ fúndúye ịnyị doa kéṛị́ (6), ịnyị doa kéṛị́ (6) kacɨ́ye eso (4) cé. Zɨ́ye ídíye kɨ́ tụ́ꞌdụ́ komoyé royé gbaá kpá gba sị́ fúndúye mbá. Zɨ́ye ndị́sịyé kófó ịrị Lomo kɨ́ ndụlụ kɨ́ kadra mbá kɨ́dí, “Mbigí Lomo, Mbigí Lomo, Mbigí Lomo, nɨ Ngére. Nɨ Lomo bɨ kɨ́ mongụ́ rokoꞌbụné kɨ́ngaya ní, nɨ kóo kú bo, nɨ cakaba kpá bo, nɨ ne wo bɨ nɨ ógụ ní.”

ꞌDódoógụ 2:1

Zɨ́a úku ledre zɨ́ma kɨ́dí, “Ídí éké ledre ga ba zɨ́ manda ꞌbɨ kanị́sa bɨ sɨmɨ Éfeso ní kɨ́dí, “Ba kúrú ꞌyị bɨ nɨ kɨ́ kele e do sị́lị́ne ꞌbɨ anú ịnyị doa gbre, zɨ́a ndị́sị gámáne dongará éyị́ ga bɨ ịnyị doa gbre ndịsịnɨ́ óto lámba doyé yemenɨ́ yée gɨ sɨmɨ dábu ní.