ꞌDódoógụ 21:3 - Mɨkánda Lorụ ꞌBɨ Lomo Kɨ́ Dosị́ Éyị́ E

³ Zɨ́ma úwú kúrú ꞌyị gɨ do kị́tị ngére gɨrí kɨ́dí, “Lomo oto ꞌbe ꞌbɨ ené go dongará ꞌyị ené e, nɨyí go ndị́sị kéye gɨ zɨ́a nɨyí ꞌyị ené e. Nɨ ídí Lomo eyé za fí.

ꞌDódoógụ 21:3 Referans Kwoze

2 Korị́ndo 6:16

Sée ꞌyị ga bɨ ṇgúṇgusé ledre ꞌbɨ Yésụ go ní, ásé go káa zɨ́ ꞌDị́cị́ ꞌbɨ Lomo ní gɨ ro zɨ́a ndị́sịné sɨmɨsé. Gɨ zɨ́ kéyị née ní, ndaá mɨútúásáne zɨ́se ndáꞌbasé ndị́sị óto úndru lomo ga bɨ yemenɨ́ yée kɨ́ sị́lị́ ꞌyị ní wá. Lomo uku kenée kɨ́dí, “Mááyí ndị́sị dongará ꞌyị amá e, zɨ́ma ndị́sị gámáma dongaráye gɨ zɨ́a mááyí Lomo eyé nɨyí ꞌbɨ eyé nda ꞌyị amá e.”

Yiwáni 14:23

Zɨ́ Yésụ úkulúgu ledre zɨ́ Yụ́da kɨ́dí, “Máúku ledre née kenée gɨ zɨ́a, ꞌyị bɨ oto ꞌbúma go ní, nɨ ndị́sị méngị té ledre ga bɨ máúku yée zɨ́a ní. Babá nɨ kpá óto ꞌbú ꞌyị máa née. Zée kɨ́ Babá azé ndị́sị kɨ́ ꞌyị máa née do bi kị́éꞌdo za fí.

Ébere 8:10

Ba nda go mɨkánda mɨyéme ledre bɨ mááyí yéme a kɨ́ ꞌyị ꞌbɨ Isɨréle e gɨ kacɨ́ a ba. Mááyí ꞌdódo lorụ amá e zɨ́ye ówoyéme a, zɨ́ cíyí a ólụ́ne ngị́rị sɨmɨ mɨmbéꞌdeyé. Nda née zɨ́ma ídíma Lomo bɨ zɨ́ye ndị́sịyé óto úndru a, gɨ zɨ́a nɨyí go ꞌyị amá e.

Ébere 11:16

Gɨ zɨ́a yị́ ené ṇgúṇgu ledre eyé zɨ́ ꞌbú bi bɨ komo ere ní ídíne doyé. Gɨ zɨ́ kéyị née zɨ́ Lomo ídíne kɨ́ rokinyi kɨ́ye sɨmɨ bɨ nɨyí ndị́sị ndólo wo Lomo eyé ní gɨ zɨ́a Lomo maꞌdáa yemeomo bi máa née go zɨ́ye.

ꞌDódoógụ 7:15

Gɨ zɨ́ kéyị née, “utúasánɨ́ go tóroyé cigí kị́tị ngére ꞌbɨ Lomo ndị́sịyé óto úndrua sɨmɨ ꞌdị́cị́ ené kɨ́ kadra kpá kɨ́ ndụlụ mbá, gɨ zɨ́a owonɨ́ bú kɨ́dí Lomo maꞌdáa ndịsị sáká yée ne gɨ sɨmɨ ledre e.

2 Korị́ndo 6:18

Zɨ́ Lomo úku ledre kɨ́dí, “Mááyí ídí ꞌBụsé, zɨ́se ídíse owụ́ ꞌbɨ amáa e, Mááyí Ngére Lomo, bɨ kɨ́ rokoꞌbụ ledre e zɨ́ma ní, máúku ledre ga gére née máa.”

ꞌDódoógụ 21:7

“ꞌYị ga bɨ nɨyí tóro ngbúó ní, mááyí íꞌbí úndru zɨ́ye, zɨ́ma ídíma Lomo eyé, zɨ́ye ídíye owụ́ ꞌbɨ amá e.

Yiwáni 1:14

Zɨ́ ꞌyị bɨ ndịsịnɨ́ ndólo wo Ledre bɨ kóo nɨyí kú kɨ́ Lomo komo ere ní, ógụ ndị́sịné dongaráze ꞌyịmaꞌdí e do sogo káṇgá, gɨ zɨ́a oto ꞌbúze go kɨ́ngaya. Zée ꞌyịmɨkása ené e, owoyemezé rokoꞌbụ a go bɨlámáne kɨ́dí rokoꞌbụ ꞌbɨ bɨkéṛị́ Owụ́ ꞌbɨ Lomo ogụ go gɨ zɨ́ ꞌBụné kɨ́ maꞌdíi ledre kpá kɨ́ bɨlámá mɨméngị ledre do sogo káṇgá.

ꞌDódoógụ 12:10

Zɨ́ kúrú ꞌyị ówụ́ne komo ere gbélị́ kɨ́dí, “Mbófo éyị́, Lomo bɨ kɨ́ rokoꞌbụné ꞌyị yómo ꞌyị e ní ꞌdodo rokoꞌbụné go, nɨ go ngére ꞌbɨ ꞌyịmaꞌdí e mbá. Wo bɨ kóo oto roné kacɨ́ kadra kɨ́ ndụlụ mbá ndị́sị úkuóto ledre ro lúndu zée kɨ́ lémị zée ní, ndaá lolụ karaba komo ere wá, ogóoyónɨ́ wo go, nɨ nda goó bi do sogo káṇgá.

ꞌDódoógụ 10:8

Zɨ́ kúrú bɨ gáa mɨúwú gɨ komo ere ní kpá ówụ́ ándá roné zɨ́ma kɨ́dí, “Ndéré mu zɨ́yị ꞌdíꞌbi wáraga bɨ likpíomonɨ́ tara go fúó do sị́lị́ maláyika bɨ tóro kɨ́ kémbị́ sịndị́ne do iní kpá do káṇgá ní.”

ꞌDódoógụ 10:4

Sɨmɨ bɨ nzagba ga bɨ ịnyị doa gbre (7) née embénɨ́ gɨrí ní, geré zɨ́ma ị́nyịmá gɨ ro éké ledre ga bɨ ukunɨ́ yée née. Zɨ́ ngíti ꞌyị ótrụ́ kása ledre zɨ́ma gɨrí kɨ́dí, “Ndá aka éké ꞌdódo ledre ga bɨ úwú yée née wá, idínɨ́ aka ídí mɨótoécịyé.”

1 Tasalonị́ka 3:11

Ndịsịzé íni ini kɨ́dí, ꞌBụzé Lomo kɨ́ Ngére ezé Yésụ idínɨ́ líkpí mɨsiꞌdi zɨ́ze gɨ ro ógụzé zɨ́se íri.

Ébere 8:2

Nɨ ndị́sị ꞌdáná éyị́ sɨmɨ mbigí ꞌDị́cị́ ꞌbɨ Lomo bɨ komo ere ní. Mbigí ꞌDị́cị́ née Ngére ụbụ́ ne, ndaá ꞌbɨ ené ꞌyịmaꞌdí wá.

ꞌDódoógụ 22:3

ꞌYị ga bɨ ꞌbɨ gara née éyị́ bɨ kị́éꞌdo bi nɨ sínyí ro Lomo gɨ zɨ́ye gɨ ro a ní ndaá. Lomo kɨ́ Owụ́ kábịṛị́kị ndịsịnɨ́ nda ndị́sị goó ye ore zɨ́ ꞌyị ꞌbɨ moko ené e ndị́sịyé óto úndru a.