ꞌDódoógụ 19:6 - Mɨkánda Lorụ ꞌBɨ Lomo Kɨ́ Dosị́ Éyị́ E

⁶ Zɨ́ma úwú kúrú kɨ́ ngúndru káa zɨ́ kúrú tụ́ꞌdụ́ ꞌyị e ní, kpá káa zɨ́ gboṛụ mongụ́ vụrụ ní, nda kpá káa zɨ́ nzagba embéne ní kɨ́dí, “Mbófo éyị́ zɨ́ Lomo. Lomo bɨ kɨ́ mongụ́ rokoꞌbụné ní nɨ goó ne Ngére ezé.

ꞌDódoógụ 19:6 Referans Kwoze

ꞌDódoógụ 14:2

Zɨ́ma úwú kúrú ꞌyị kɨ́ ndị́sị ngúndruné komo ere káa zɨ́ mongụ́ vụrụ ní, kpá káa zɨ́ nzagba ndịsị émbé ne ní. Gboṛụ éyị́ bɨ máúwú ní nɨ káa zɨ́ ꞌyị ímí káṇgá e ndịsịnɨ́ tólo kófó keꞌbị kɨ́ káṇgá ní.

ꞌDódoógụ 19:1

Gɨ do kacɨ́ a née, zɨ́ma úwú kúrú tụ́ꞌdụ́ ꞌyị e komo ere kɨ́ úku ledre kɨ́dí, “Idízé mbófo Lomo. Gɨ zɨ́a nɨ kɨ́ rokoꞌbụ ꞌbɨ yómo ꞌyị e zɨ́ne. Rokoꞌbụ gɨ ro ledre e mbá nɨ zɨ́a.

ꞌDódoógụ 6:1

Mááyí ídí kɨ́e ní, Owụ́ Kábịṛị́kị likpí mɨzefị koꞌdó bɨ odóꞌdụtụnɨ́ tara wáraga née kɨ́e ní. Zɨ́ ngúru éyị́ trịdrị gɨ dongará éyị́ trịdrị ga bɨ eso (4) ní ndóndóló kɨ́ kúrúne ꞌdága káa zɨ́ nzagba embéne ní kɨ́dí, “Ógụ mu.”

ꞌDódoógụ 1:15

Zɨ́ sịndị́ga ésị́ye káa zɨ́ késị́ gɨ zɨ́ phoꞌdụ ꞌboro ní, zɨ́ sɨmɨ kúrúa ndị́sị ngúndruné kɨ́ ódro káa zɨ́ mongụ́ vụrụ ní.

ꞌDódoógụ 21:22

Málúrúndíki ꞌDị́cị́ ꞌbɨ Lomo ndaá sɨmɨ gara ore wá, gɨ zɨ́a Ngére Lomo bɨ rokoꞌbụa ofụ go ní nɨyí go ye kɨ́ Owụ́ kábịṛị́kị ꞌDị́cị́ ꞌbɨ Lomo maꞌdáa.

ꞌDódoógụ 12:10

Zɨ́ kúrú ꞌyị ówụ́ne komo ere gbélị́ kɨ́dí, “Mbófo éyị́, Lomo bɨ kɨ́ rokoꞌbụné ꞌyị yómo ꞌyị e ní ꞌdodo rokoꞌbụné go, nɨ go ngére ꞌbɨ ꞌyịmaꞌdí e mbá. Wo bɨ kóo oto roné kacɨ́ kadra kɨ́ ndụlụ mbá ndị́sị úkuóto ledre ro lúndu zée kɨ́ lémị zée ní, ndaá lolụ karaba komo ere wá, ogóoyónɨ́ wo go, nɨ nda goó bi do sogo káṇgá.

ꞌDódoógụ 8:5

Née ní zɨ́ maláyika née ꞌdíꞌbi saáni do ụ́nzụ ꞌdúcu a kɨ́ so phoꞌdụ bɨ gɨ sị́ mbayi ꞌbɨ Lomo ní, zɨ́a léfe a ruu bi do sogo káṇgá. Gɨ ore geré zɨ́ phoꞌdụ née ndícíphụ́trụ roné kɨ́ mongụ́ rokoꞌbụné zɨ́a ndị́sị ꞌbɨ́léꞌbené zɨ́ káṇgá kpá ndị́sị kị́zịné.

ꞌDódoógụ 4:5

Gɨ ꞌdí zɨ́ kị́tị ngére née gɨrí ꞌduo mongụ́ bimɨóṇgó wéé. Zɨ́ kúrú ꞌyị ndị́sị ówụ́ne gɨrí káa zɨ́ nzagba ndịsị émbé née ní. Zɨ́ lámba e ịnyị doa gbre ídíye mɨndícíye kóꞌdụ́ kị́tị ngére née íri. Ga gére née ꞌDówụ́ Lomo.

Matáyo 6:13

Ndá úzu zée kɨ́ngaya wá, ídí yómo zée gɨ zɨ́ Satána.’

ꞌDódoógụ 1:8

Zɨ́ Ngére Lomo úku ledre kɨ́dí, “Mááyí dosị́ éyị́ e kpá odụ éyị́ e.” Nda kpá lá dụụ́ née wá, “Mááyí kpá wo nɨ bo, nɨ kóo kú bo, kpá wo bɨ nɨ ógụ ní. Mááyí Lomo bɨ rokoꞌbụa ofụ go ní.”

ꞌDódoógụ 19:4

Zɨ́ mɨngburoko ꞌyị ga bɨ cị́kéṛị́ a doa eso (24) kpá kɨ́ éyị́ trịdrị ga bɨ eso (4) ní mbá útúye do ngụ́ṛụ́ sịndị́ye bi óto úndru Lomo do kị́tị Ngére ené. Do ị́nyịyé mbá ṇgúṇgu a kɨ́dí, “Idí kenée, Mbófo éyị́ zɨ́ Lomo.”