ꞌDódoógụ 16:6 - Mɨkánda Lorụ ꞌBɨ Lomo Kɨ́ Dosị́ Éyị́ E

⁶ Ufunɨ́ kóo tụ́ꞌdụ́ ꞌyị eyị́ ga bɨ kóo ṇguṇgunɨ́ ledre eyị́ ní kɨ́ nébị eyị́ e. Méngị go bɨlámáne, zɨ́yị óyólóꞌbó iní káa do sáma zɨ́ye ndị́sịyé éwé a. Née ledre bɨ ilinɨ́ ní utúasá go kpịnị kɨ́ye.”

ꞌDódoógụ 16:6 Referans Kwoze

ꞌDódoógụ 11:18

ꞌYị ga bɨ kóo mɨmbéꞌdeyé nɨ royị́ bɨsinyíne ní, sịndị́ kadra ꞌbɨ ꞌdóꞌdo yée ogụ go. Sịndị́ kadra ogụ ꞌdécị ngbanga ꞌyị ga bɨ kóo uyunɨ́ go ní, kpá gɨ ro íꞌbí tákpásị́lị́ zɨ́ ꞌyị ị́nyị kasa eyị́ ga bɨ nébị e ní kpá mbigí ꞌyị eyị́ ga bɨ kóo ndịsịnɨ́ óto úndru ịrịyị́ ní, mɨngburoko yée kɨ́ mɨnzéréye, kpá sịndị́ kadra ꞌbɨ úfu yée ga bɨ kóo ndịsịnɨ́ úfu lafúye do sogo káṇgá ní.”

ꞌDódoógụ 18:24

ꞌYị ga bɨ ꞌbɨ Babelónịya ní ndịsịnɨ́ kóo go úfu nébị e kɨ́ ꞌyị ga bɨ ꞌbɨ Lomo ní kpá kɨ́ ngíti géyị do sogo káṇgá.”

ꞌDódoógụ 13:15

Iꞌbínɨ́ rokoꞌbụ zɨ́a gɨ ro zɨ́a óto lị́lị mɨzefị bangá sinyí bɨ ꞌyị e yemenɨ́ ní gɨ ro zɨ́ lị́lịga máa née ídíye mbá trịdrị do ndị́sịyé ódroyé mɨódro. Gɨ ro zɨ́ye úku ledre gɨ ro ꞌyị ga bɨ otonɨ́ úndru lị́lị máa ga gére née wá ní, idínɨ́ úfu yée ꞌdáꞌba.

ꞌDódoógụ 19:2

Idízé mbófo wo gɨ zɨ́a ndịsị ꞌdécịyéme ngbanga. Gɨ zɨ́a nɨ bɨlámá ngére, owoofụ kacɨ́ ꞌdécị ngbanga go. ꞌDecị ngbanga mongụ́ gara bɨ ndịsị sínyiónzó ꞌyị e ní go. Idízé mbófo wo gɨ zɨ́a ꞌdoꞌdo mongụ́ gara née go gɨ ro ꞌyị ené ga bɨ ufunɨ́ yée sɨmɨ a íri ní.”

ꞌDódoógụ 13:10

Togụ́ Lomo ṇguṇgu ne kɨ́dí idínɨ́ ꞌdíꞌbi ꞌyị yá, nɨyí ꞌdíꞌbi wo. Togụ́ ṇguṇgu kɨ́dí idínɨ́ óṇgoónzó ꞌyị mɨóṇgoónzó yá, nɨyí tɨ́ óṇgoónzó wo. Ledre née ꞌdodo kɨ́dí ꞌyị ga bɨ ṇguṇgunɨ́ ledre ꞌbɨ Lomo go ní idínɨ́ ndị́sị ụ́tụ sɨmɨyé zɨ́ye ndị́sị tóroyé ngbúó.

ꞌDódoógụ 18:20

Sée ꞌyị ꞌbɨ komo ere e, ídísé ídí kɨ́ rokinyi. ꞌYị ga bɨ ꞌbɨ Lomo ní, ꞌyịmɨkása e kɨ́ nébị e mbá, ídísé ídí kɨ́ rokinyi, Gɨ zɨ́a Lomo ꞌdoꞌdo Babelónịya go gɨ zɨ́ bɨsinyí ledre ga bɨ mengị sée kɨ́e ní.’ ”

Ébere 10:29

Togụ́ ledre nɨ kóo kenée bo gɨ ro lorụ, ídísé ówo a kɨ́dí togụ́ ꞌyị lurúcayi Owụ́ ꞌbɨ Lomo, kɨ́ umbu bɨ kóo uyu káa do mɨkánda mɨyéme ledre bɨ gɨ ro ꞌyịmaꞌdí e ní yá, kɨ́dí ꞌyị née ndịsị go úkucáyi rokoꞌbụ ꞌbɨ ꞌDówụ́ Lomo bɨ oto mɨmbéꞌde Lomo zɨ́a ị́drị́ne ro ꞌyịmaꞌdí e ní. Lomo nɨ ꞌdécị ngbanga ꞌyị máa née bɨsinyíne kɨ́ngaya.

Matáyo 7:2

Gɨ zɨ́a mɨsiꞌdi bɨ ndị́sị ꞌdíꞌbi a ꞌdécị ngbanga lafúyị e doa née ní, Lomo nɨ ꞌdíꞌbi kpá wo ꞌdécị ngbangayị́ doa. Éyị́ bɨ méngị kɨ́ye ní, nɨ méngị kpá wo kɨ́yị.

Lúka 12:48

Tɨ́ lá ꞌyị moko máa wo bɨ owo ené éyị́ bɨ mongụ́ ené ili zɨ́ne méngị a ní wá ní, togụ́ luyú ledre go yá, mongụ́ ꞌyị née nɨ tɨ́ ꞌdóꞌdo wo ndaá za kɨ́ngaya wá. Kpá kenée ꞌyị máa wo bɨ Lomo méngị bɨlámá ledre go zɨ́a ní, Lomo ili zɨ́a méngị ledre bɨlámáne zɨ́ne. ꞌYị máa wo bɨ Lomo mengị bɨlámá ledre go zɨ́a za kɨ́ngaya ní, Lomo ili zɨ́a méngị ledre zɨ́ne kpá za kɨ́ngaya.”