ꞌDódoógụ 15:3 - Mɨkánda Lorụ ꞌBɨ Lomo Kɨ́ Dosị́ Éyị́ E

³ Ndịsịnɨ́ úku keꞌbị ga bɨ kóo Mụ́sa ꞌyị ꞌbɨ moko ꞌbɨ Lomo ndịsị kóo úku yée ꞌdesị́, kpá kɨ́ kófó ịrị Owụ́ kábịṛị́kị kɨ́dí, “Ngére Lomo, áyí ꞌyị rokoꞌbụ, ndị́sị méngị mbá mɨnbguroko ledre e. Kacɨ́ kadra mbá, ndị́sị méngị ledre ga bɨ utúasánɨ́ mɨútúásá ní, gɨ zɨ́a áyí yị́ eyị́ ꞌyị méngị maꞌdíi, gɨ zɨ́ kéyị née, áyí Ngére ꞌbɨ kúfú ꞌyịmaꞌdí e mbá.

ꞌDódoógụ 15:3 Referans Kwoze

Ébere 3:5

Mụ́sa ndịsị kóo méngị moko bɨ Lomo iꞌbí zɨ́a gɨ ro ꞌyị ené ga bɨ ꞌbɨ Lomo ní kɨ́ mɨmbéꞌdené kị́éꞌdo. Zɨ́a kóo kpá ndị́sịné úku ꞌdódo ledre zɨ́ ꞌyị máa ga gére née kɨ́dí, karanée Lomo nɨ méngị bɨlámá ledre zɨ́ye.

Yiwáni 1:17

Nɨ tɨ́ kenée maꞌdíi, gɨ zɨ́a Lomo iꞌbíogụ ené kóo zɨ́ Mụ́sa lá dụụ́ lorụ idí éké a zɨ́ze ꞌyịmaꞌdí e wá. Kasaogụ za cụ́ Kɨ́résịto Yésụ ógụ ꞌdódoyéme mɨsiꞌdi bɨ née nɨ yómo zée do a ní zɨ́ze.

Dosị́ éyị́~e 17:1

Sɨmɨ bɨ sɨmɨbi ꞌbɨ Abaráma nɨ go cị́ eso doa sokó doa ịnyị doa eso (99) ní, zɨ́ Ngére Lomo ꞌdódo roné do úku ledre zɨ́a kɨ́dí, “Mááyí Lomo bɨ ꞌyị rokoꞌbụ ní, ídí óto úndrumá zɨ́yị ndị́sịyị́ méngị fú lá ledre bɨ mɨútúásáne ní.

ꞌDódoógụ 19:2

Idízé mbófo wo gɨ zɨ́a ndịsị ꞌdécịyéme ngbanga. Gɨ zɨ́a nɨ bɨlámá ngére, owoofụ kacɨ́ ꞌdécị ngbanga go. ꞌDecị ngbanga mongụ́ gara bɨ ndịsị sínyiónzó ꞌyị e ní go. Idízé mbófo wo gɨ zɨ́a ꞌdoꞌdo mongụ́ gara née go gɨ ro ꞌyị ené ga bɨ ufunɨ́ yée sɨmɨ a íri ní.”

ꞌDódoógụ 14:3

Zɨ́ tụ́ꞌdụ́ ꞌyị ga gére née ndị́sịyé úku mɨkánda keꞌbị kófó ịrị Lomo kóꞌdụ́ kị́tị ngére kpá kóꞌdụ́ éyị́ trịdrị ga bɨ eso nda kɨ́ mɨngburoko ꞌyị ga bɨ nɨyí mɨndị́sịyé ore ní. ꞌYị bɨ útúásá ówo keꞌbị née ní ndaá dụụ́ ꞌyị ga bɨ míya kị́éꞌdo cị́ gbre doa eso álifu (144,000) omonɨ́ go do sogo káṇgá ní.

ꞌDódoógụ 17:14

Nɨyí ị́cị́ okó ro Owụ́ kábịṛị́kị, zɨ́a rómo komoyé gɨ zɨ́a nɨ Ngére ꞌbɨ ngére e za mbá. ꞌYị lódụ́ kacɨ́ga nɨyí mɨgéléye gɨ zɨ́a bɨ iꞌbínɨ́ royé ndị́sị lódụ́ wo ní.”

ꞌDódoógụ 11:17

kɨ́dí, “Mbófo éyị́ zɨ́yị Ngére Lomo bɨ rokoꞌbụyị́ ofụ go ní, Áyí cakaba bo, gɨ zɨ́a áyí kóo kú yị́ eyị́ bo, Áyí ꞌyị mongụ́ rokoꞌbụ tónó moko eyị́ ꞌbɨ Ngére go.

ꞌDódoógụ 4:8

Éyị́ trịdrị ga bɨ eso (4) née, nɨyí mbá kɨ́ fúndúye ịnyị doa kéṛị́ (6), ịnyị doa kéṛị́ (6) kacɨ́ye eso (4) cé. Zɨ́ye ídíye kɨ́ tụ́ꞌdụ́ komoyé royé gbaá kpá gba sị́ fúndúye mbá. Zɨ́ye ndị́sịyé kófó ịrị Lomo kɨ́ ndụlụ kɨ́ kadra mbá kɨ́dí, “Mbigí Lomo, Mbigí Lomo, Mbigí Lomo, nɨ Ngére. Nɨ Lomo bɨ kɨ́ mongụ́ rokoꞌbụné kɨ́ngaya ní, nɨ kóo kú bo, nɨ cakaba kpá bo, nɨ ne wo bɨ nɨ ógụ ní.”

ꞌDódoógụ 19:16

Bongó bɨ esị roné ní, mɨéké ledre nɨ roa kɨ́dí, “BA NGÉRE ꞌBƗ ngére e ZA MBÁ.”

ꞌDódoógụ 14:8

Zɨ́ gbre maláyika ógụné gɨ do kacɨ́ ezené née ndị́sịné úku ledre kɨ́dí, “Mongụ́ gara bɨ Babelónịya ba ụkụ́ go, ụkụ́ go. Gɨ zɨ́a tụ́ꞌdụ́ ṛị́kị́ sị́ do ꞌyị e mbá ꞌdiꞌbinɨ́ nda yị́ eyé go bɨsinyí mɨméngị ledre ga bɨ sɨmɨ mongụ́ gara máa née ní ní.”

1 Timatíyo 1:17

ꞌYị e idínɨ́ ndị́sị íꞌbí mbófo éyị́ zɨ́ ꞌBụzé Lomo maꞌdáa kacɨ́ kadra za mbá odụ a ndaá ídí wá, gɨ zɨ́a nɨ Lomo bɨ nɨ trịdrị kpá Ngére bɨ ngárá rokoꞌbụ ené odụ a ndaá, ꞌyị e utúasánɨ́ lúrú wo kɨ́ komoyé wá ní.

ꞌDódoógụ 1:8

Zɨ́ Ngére Lomo úku ledre kɨ́dí, “Mááyí dosị́ éyị́ e kpá odụ éyị́ e.” Nda kpá lá dụụ́ née wá, “Mááyí kpá wo nɨ bo, nɨ kóo kú bo, kpá wo bɨ nɨ ógụ ní. Mááyí Lomo bɨ rokoꞌbụa ofụ go ní.”