ꞌDódoógụ 12:10 - Mɨkánda Lorụ ꞌBɨ Lomo Kɨ́ Dosị́ Éyị́ E

¹⁰ Zɨ́ kúrú ꞌyị ówụ́ne komo ere gbélị́ kɨ́dí, “Mbófo éyị́, Lomo bɨ kɨ́ rokoꞌbụné ꞌyị yómo ꞌyị e ní ꞌdodo rokoꞌbụné go, nɨ go ngére ꞌbɨ ꞌyịmaꞌdí e mbá. Wo bɨ kóo oto roné kacɨ́ kadra kɨ́ ndụlụ mbá ndị́sị úkuóto ledre ro lúndu zée kɨ́ lémị zée ní, ndaá lolụ karaba komo ere wá, ogóoyónɨ́ wo go, nɨ nda goó bi do sogo káṇgá.

ꞌDódoógụ 12:10 Referans Kwoze

Lúka 22:31

Zɨ́ Yésụ ị́nyịné úku ledre zɨ́ Simúna kɨ́dí, “Lúrú aka Simúna, Satána yeme roné go gɨ ro úzu yị́ị oꞌbụóꞌbụ káa zɨ́ mɨgombị mengị moko ne ní.

ꞌDódoógụ 11:15

Zɨ́ ịnyị doa gbre (7) maláyika ímí ꞌbɨ ené dịbịlị. Zɨ́ma úwú kúrú tụ́ꞌdụ́ ꞌyị e komo ere kɨ́ úku ledre kɨ́dí, “Do sogo káṇgá ba nɨ sị́ sị́lị́ Ngére Lomo, kpá sị́ sị́lị́ Kɨ́résịto, Nɨ goó ne Ngére doa za fí.”

Matáyo 28:18

Zɨ́ Yésụ nda go ógụné za gbóo cigíye zɨ́a úku ledre zɨ́ye kɨ́dí, “Babá iꞌbí úndru ledre ga bɨ komo ere kɨ́ yée ga bɨ do sogo káṇgá ona ní go mbá zɨ́ma.

ꞌDódoógụ 2:26

“ꞌYị bɨ nɨ tóro kɨ́ma sɨmɨ ledre kacɨ́ kadra mbá gị sɨmɨ odụ sịndị́ kadra ní, mááyí íꞌbí rokoꞌbụ zɨ́a. Zɨ́a ídíne ngére do sị́ do ꞌyịmaꞌdí e mbá.

2 Korị́ndo 12:9

Zɨ́ Kɨ́résịto úkulúgu ledre zɨ́ma kɨ́dí, “Ndá sómụ́ ledre wá, mááyí sáká yị́ị, rokoꞌbụmá nɨ bo kɨ́ngaya gɨ ro sáká ꞌyị ga bɨ rokoꞌbụyé ndaá ní kɨ́e.” Káa zɨ́ bɨ goó kenée ní, mááyí ndị́sị mbófo romá kɨ́ngaya gɨ zɨ́a máówo go kɨ́dí Kɨ́résịto nɨ ndị́sị íꞌbí rokoꞌbụ zɨ́ma.

Lúka 11:2

Gɨ ore zɨ́ Yésụ úkulúgu ledre zɨ́ye kɨ́dí, “Togụ́ ásá gɨ ro íni ini zɨ́ Lomo yá, ídísé íni a káa, “ ‘ꞌBụzé, ịrịyị́ idí ídí kɨ́ úndruné, ꞌyị e za mbá idínɨ́ ówo yị́ị káa do Ngére eyé.

Matáyo 26:64

Yésụ ya zɨ́a ní, “Ɨɨ, tɨ́ káa zɨ́ bɨ úku née. Tɨ́ lá máúku ba wo zɨ́se mbá, karanée ásé lúrú Owụ́ ꞌbɨ ꞌYịmaꞌdí kɨ́ ndị́sị zɨ́ Lomo bɨ rokoꞌbụa ofụ go ní do anú kpá kɨ́ ógụ gɨ komo ere kpụrụ́ gɨ sɨmɨ bụṛụngụ́.”

Matáyo 6:10

idínɨ́ ówo yị́ị káa do Ngére eyé, idínɨ́ méngị ledre eyị́ do sogo káṇgá ona káa zɨ́ bɨ komo ere ꞌdága íri ní.

Tị́to 2:3

Gɨ ro mɨngburoko kará e kpá kenée, ídí úku ledre zɨ́ye idínɨ́ ndị́sị méngị dụụ́ mɨméngị ledre máa yée ga bɨ nɨyí mɨútúásáye, tɨ́ toso mɨméngị ledre ꞌbɨ kará máa yée ga bɨ ṇguṇgunɨ́ ledre Ngére Yésụ go ní. Ndanɨ́ ídí ꞌyị tara sinyí zɨ́ lafúye, zɨ́ye ídíye ꞌyị ndị́sị éwé leꞌyị́ kɨ́ngaya wá. Idínɨ́ ídí ꞌyị ꞌdódo bɨlámá ledre e zɨ́ lafúye, gɨ ro zɨ́ lafúye maáge ídíye kpá ꞌyị méngị bɨlámá ledre e.

1 Korị́ndo 5:4

Ídísé yóko rosé tɨ́ káa zɨ́ ꞌyị ga bɨ ꞌbɨ Ngére Yésụ ní, zɨ́se lúrú bi sɨmɨ bɨcayi ledre ꞌbɨ oꞌdo née zɨ́se ꞌdécị ngbanga roa. Ndásé ngúcusé wá, azé kése sɨmɨ ꞌDówụ́ Lomo. Rokoꞌbụ ꞌbɨ Ngére Yésụ nɨ sáká sée zɨ́se ꞌdécị ngbanga née bɨlámáne.

ꞌDódoógụ 7:10

Zɨ́ ꞌyị ga gére née úku keꞌbị kɨ́ kúrúye ꞌdága kɨ́dí, “Lomo ezé bɨ nɨ mɨndị́sịné do kị́tị ngére ní nɨ kɨ́ rokoꞌbụ zɨ́ne ꞌbɨ yómo ꞌyị ené e. Owụ́ kábịṛị́kị nɨ kpá kenée.”

1 Pétero 5:8

Komosé idí ídí rosé kacɨ́ kadra za mbá gɨ zɨ́ ngére ꞌbɨ bɨcayi lomo e bɨ ezeokó ꞌyị ga bɨ ꞌbɨ Lomo ní. Gɨ zɨ́a kacɨ́ kadra mbá wo ngére ꞌbɨ bɨcayi lomo e, ndịsị gámásóꞌdo mɨsiꞌdi gɨ ro zɨ́ne lóndo ꞌyị ga bɨ ꞌbɨ Lomo ní gɨ ro zɨ́ye lúyú ledre.