ꞌDódoógụ 1:8 - Mɨkánda Lorụ ꞌBɨ Lomo Kɨ́ Dosị́ Éyị́ E

⁸ Zɨ́ Ngére Lomo úku ledre kɨ́dí, “Mááyí dosị́ éyị́ e kpá odụ éyị́ e.” Nda kpá lá dụụ́ née wá, “Mááyí kpá wo nɨ bo, nɨ kóo kú bo, kpá wo bɨ nɨ ógụ ní. Mááyí Lomo bɨ rokoꞌbụa ofụ go ní.”

ꞌDódoógụ 1:8 Referans Kwoze

ꞌDódoógụ 22:13

Mááyí Álafa kpá Ómega, Mɨzefị ꞌyị, kpá Odụ ꞌyị, Dosị́ éyị́ kpá Odụ éyị́.

ꞌDódoógụ 21:6

Zɨ́a kpá úku ngíti ledre kɨ́dí, “Utúasá go kenée, mengịnɨ́ royé go. Mááyí Álafa kpá Ómega, dosị́ éyị́ e kɨ́ odụ éyị́ e. ꞌYị bɨ kɨ́ kodró roné ní mááyí íꞌbí iní mɨéwé zɨ́a, gɨ sɨmɨ ꞌdawú ꞌbɨ trịdrị bɨ za fí ní zɨ́a éwé a gbékpị́e.

ꞌDódoógụ 1:4

Máa Yiwáni, máéké ledre ba zɨ́se, sée ꞌyị ga bɨ ꞌbɨ Kɨ́résịto, ásé sɨmɨ Kanị́sa ga bɨ ịnyị doa gbre sɨmɨ káṇgá bɨ Ásiya ní. Lomo bɨ nɨ yị́ ené kóo kú bo ꞌdesị́, nɨ karaba kpá fú bo, nɨ ídí ené kpá fú bo ní. Idí ówo ledre kɨ́se gɨ do bɨ zɨ́se ndị́sịsé bɨlámáse. ꞌDówụ́ Lomo idí kpá ídí kɨ́se gɨ zɨ́a kacɨ́ kadra mbá nɨ fú lá ndị́sị tóro kóꞌdụ́ kị́tị ngére ꞌbɨ Lomo.

ꞌDódoógụ 11:17

kɨ́dí, “Mbófo éyị́ zɨ́yị Ngére Lomo bɨ rokoꞌbụyị́ ofụ go ní, Áyí cakaba bo, gɨ zɨ́a áyí kóo kú yị́ eyị́ bo, Áyí ꞌyị mongụ́ rokoꞌbụ tónó moko eyị́ ꞌbɨ Ngére go.

ꞌDódoógụ 1:17

Sɨmɨ bɨ málúrú wo ní, zɨ́ma ndụ́rụmá bi kóꞌdụ́ a kenée káa zɨ́ éyị́ bɨ máúyu go mɨúyu ní. Zɨ́a óto sị́lị́ne ꞌbɨ anú romá, zɨ́a úku ledre kɨ́dí, “Ndá éré ngịrị wá. Mááyí dosị́ éyị́ e kpá odụ éyị́ e.”

ꞌDódoógụ 2:8

“Ídí éké ledre ba zɨ́ manda ꞌbɨ kanị́sa bɨ sɨmɨ Samuróna ní kɨ́dí, “Ba sanda gɨ zɨ́ wo bɨ nɨ mɨzefị ꞌyị, bɨ nɨ kpá odụ ꞌyị ní, wo bɨ kóo uyu zɨ́a kpá úrúne ní.

ꞌDódoógụ 4:8

Éyị́ trịdrị ga bɨ eso (4) née, nɨyí mbá kɨ́ fúndúye ịnyị doa kéṛị́ (6), ịnyị doa kéṛị́ (6) kacɨ́ye eso (4) cé. Zɨ́ye ídíye kɨ́ tụ́ꞌdụ́ komoyé royé gbaá kpá gba sị́ fúndúye mbá. Zɨ́ye ndị́sịyé kófó ịrị Lomo kɨ́ ndụlụ kɨ́ kadra mbá kɨ́dí, “Mbigí Lomo, Mbigí Lomo, Mbigí Lomo, nɨ Ngére. Nɨ Lomo bɨ kɨ́ mongụ́ rokoꞌbụné kɨ́ngaya ní, nɨ kóo kú bo, nɨ cakaba kpá bo, nɨ ne wo bɨ nɨ ógụ ní.”

2 Korị́ndo 6:18

Zɨ́ Lomo úku ledre kɨ́dí, “Mááyí ídí ꞌBụsé, zɨ́se ídíse owụ́ ꞌbɨ amáa e, Mááyí Ngére Lomo, bɨ kɨ́ rokoꞌbụ ledre e zɨ́ma ní, máúku ledre ga gére née máa.”

Dosị́ éyị́~e 49:25

gɨ zɨ́a Lomo bɨ ꞌbụyị́ ndịsị óto úndrua ní ndịsị sáká yị́ị ne, gɨ zɨ́a Lomo bɨ kɨ́ rokoꞌbụné kɨ́ngaya ní ndịsịne íꞌbí úndru bɨ gɨ komo ere gɨ ꞌdága ní zɨ́yị, nɨ kpá íꞌbí úndru do iní bɨ ndịsị lágaógụ gɨ sị́ káṇgá ní, zɨ́ bangá eyị́ e, bulúnduyị́ e étrịyé zɨ́ye ídíye tụ́ꞌdụ́.

ꞌDódoógụ 19:15

Odro bɨ olụ́ogụ gɨ kua ní nɨ káa zɨ́ bɨkafu maku bɨ gɨ ro úfu ṛị́kị́ sị́ do ꞌyịmaꞌdí e kɨ́e ní. “Nɨ ídí Ngére do ṛị́kị́ sị́ do ꞌyịmaꞌdí e kɨ́ mongụ́ rokoꞌbụné káa zɨ́ késị́.” Zɨ́a ꞌdódo sɨmɨkesị́ ꞌbɨ Ngére Lomo bɨ royé gɨ zɨ́ bɨsinyí mɨméngị ledre eyé ní zɨ́ye. Nɨ ndị́sị ꞌdítí kánya yée káa zɨ́ ꞌyị ꞌdití kanya mɨáná kóṛó ní.

ꞌDódoógụ 16:14

Bɨcayi lomo ga bɨ ota née nɨyí kɨ́ rokoꞌbụyé gɨ ro méngị ledre ga bɨ kɨ́ rokoꞌbụyé ní kɨ́e. Ịnyịnɨ́ ndéré zɨ́ ngére ꞌbɨ káṇgá e mɨngúngúcua yéme ledre kéye gɨ ro asikíri e gɨ ro zɨ́ye ídíye nzíyiyé ị́cị́ okó sɨmɨ bɨ Lomo bɨ rokoꞌbụa ofụ go ili go ꞌdécị ngbanga ní.

ꞌDódoógụ 21:22

Málúrúndíki ꞌDị́cị́ ꞌbɨ Lomo ndaá sɨmɨ gara ore wá, gɨ zɨ́a Ngére Lomo bɨ rokoꞌbụa ofụ go ní nɨyí go ye kɨ́ Owụ́ kábịṛị́kị ꞌDị́cị́ ꞌbɨ Lomo maꞌdáa.

ꞌDódoógụ 1:11

Zɨ́a úku ledre kɨ́dí, “Ídí éké ledre ga bɨ áyí lúrú yée ba zɨ́yị kása yée sɨmɨ kanị́sa ga bɨ ịnyị doa gbre (7), Éfeso, Samuróna, Peragamóna, Tayatíra, Saradị́sị, Filadelifíya nda kɨ́ Lawudikíya ní.”

Dosị́ éyị́~e 35:11

Gɨ ore zɨ́ Lomo úku ledre zɨ́a kɨ́dí, “Mááyí Lomo bɨ rokoꞌbụ a ofụ go ní, máíꞌbí rokoꞌbụ go zɨ́yị ndíki tụ́ꞌdụ́ owụ́ e, zɨ́ bulúnduyị́ e étrịyé tụ́ꞌdụ́. Ṛị́kị́ sị́ do ꞌyịmaꞌdí e, kɨ́ bi eyé e nɨyí ólụ́ógụ gɨ sɨmɨyị́, zɨ́ ngíti géyị ídíye káa do mɨngburoko ngére e.

Dosị́ éyị́~e 28:3

Lomo bɨ kɨ́ rokoꞌbụné kɨ́ngaya ní idí íꞌbí úndru zɨ́yị, zɨ́a óto yị́ị zɨ́yị ndíki tụ́ꞌdụ́ owụ́ e gɨ ro zɨ́yị ídíyị bulúndu ṛị́kị́ sị́ do ꞌyịmaꞌdí e.

Dosị́ éyị́~e 17:1

Sɨmɨ bɨ sɨmɨbi ꞌbɨ Abaráma nɨ go cị́ eso doa sokó doa ịnyị doa eso (99) ní, zɨ́ Ngére Lomo ꞌdódo roné do úku ledre zɨ́a kɨ́dí, “Mááyí Lomo bɨ ꞌyị rokoꞌbụ ní, ídí óto úndrumá zɨ́yị ndị́sịyị́ méngị fú lá ledre bɨ mɨútúásáne ní.

Dosị́ éyị́~e 43:14

Lomo bɨ kɨ́ rokoꞌbụné kɨ́ngaya ní, idí ị́drị mɨmbéꞌde oꞌdo née rosé gɨ ro zɨ́a íꞌdí sị́lị́ne gɨ ro lúndusé bɨ íri ní zɨ́se ndáꞌbaógụsé kéye kɨ́ Benzemúna e mbá bɨlámáse. Togụ́ ꞌbɨ amá ledre go dụụ́ zɨ́ owụ́ ꞌbɨ amá e ndị́sị úyuyé yá, mengị éyị́ wá, idí mu kenée.”

Dosị́ éyị́~e 48:3

Zɨ́ Yakóbo úku ledre zɨ́ Yoséfa kɨ́dí, “Lomo bɨ kɨ́ rokoꞌbụné kɨ́ngaya ní ꞌdodo kóo roné zɨ́ma sɨmɨ Lụ́zụ sɨmɨ káṇgá bɨ Kanána ní, zɨ́a kóo íꞌbí úndru zɨ́ma,

ꞌDódoógụ 15:3

Ndịsịnɨ́ úku keꞌbị ga bɨ kóo Mụ́sa ꞌyị ꞌbɨ moko ꞌbɨ Lomo ndịsị kóo úku yée ꞌdesị́, kpá kɨ́ kófó ịrị Owụ́ kábịṛị́kị kɨ́dí, “Ngére Lomo, áyí ꞌyị rokoꞌbụ, ndị́sị méngị mbá mɨnbguroko ledre e. Kacɨ́ kadra mbá, ndị́sị méngị ledre ga bɨ utúasánɨ́ mɨútúásá ní, gɨ zɨ́a áyí yị́ eyị́ ꞌyị méngị maꞌdíi, gɨ zɨ́ kéyị née, áyí Ngére ꞌbɨ kúfú ꞌyịmaꞌdí e mbá.

ꞌDódoógụ 16:7

Zɨ́ma úwú kúrú ꞌyị gɨ sị́ mbayi ꞌbɨ Lomo gɨrí kɨ́dí, “Maꞌdíi, Ngére Lomo, rokoꞌbụyị́ ofụ go, mɨꞌdécị ngbanga eyị́ nɨ mɨútúásáne.”

ꞌDódoógụ 19:6

Zɨ́ma úwú kúrú kɨ́ ngúndru káa zɨ́ kúrú tụ́ꞌdụ́ ꞌyị e ní, kpá káa zɨ́ gboṛụ mongụ́ vụrụ ní, nda kpá káa zɨ́ nzagba embéne ní kɨ́dí, “Mbófo éyị́ zɨ́ Lomo. Lomo bɨ kɨ́ mongụ́ rokoꞌbụné ní nɨ goó ne Ngére ezé.