1 Pétero 4:8 - Mɨkánda Lorụ ꞌBɨ Lomo Kɨ́ Dosị́ Éyị́ E

⁸ Ídísé óto ꞌbú lafúse dosé kɨ́ngaya, gɨ zɨ́a, ꞌyị bɨ ꞌbúa nɨ doyị́ ní, abú mengị kóo bɨsinyí ledre zɨ́yị yá, áyí ótoómo ledre née gɨ ro zɨ́ ndị́sị esé kɨ́ ꞌyị máa née ídíne bɨlámáne.

1 Pétero 4:8 Referans Kwoze

Kolósayi 3:14

Sɨmɨ ledre ga gére née mbá, ídísé óto ꞌbú lafúse gɨ zɨ́a née éyị́ bɨ ndịsị ódókótrụ ꞌyị e zɨ́ye ídíye kị́éꞌdo ní.

1 Pétero 1:22

Káa zɨ́ bɨ ṇgúṇgusé nda bɨlámá ledre bɨ ꞌbɨ Lomo ní go ní, ndásé lolụ ꞌyị lúyú ledre e kpá wá ní, ndị́sịsé go óto ꞌbú lafúse e ní, ídísé ndị́sị óto ꞌbú lafúse e za kɨ́ mɨmbéꞌdesé mbá.

Yakóbo 5:20

Ídísé ówo a kɨ́dí, togụ́ sákásé ꞌyị luyú ledre, zɨ́a ótoómo kɨ́ lúyú ledre yá, sáká née go wo zɨ́a ómoné gɨ sɨmɨ umbu. Tụ́ꞌdụ́ lúyú ledre ga bɨ mengị yée ní, Lomo nɨ lụ́lụóyó yée gɨ roa.

1 Korị́ndo 13:1

Togụ́ mááyí ꞌyị úku ṛị́kị́ tara ga bɨ do sogo káṇgá ba, zɨ́ma kpá úku tara ga bɨ maláyika e ndịsịnɨ́ úku a dụụ́ ye ní, togụ́ ꞌbú ꞌyị e ndaá domá wá, éyị́ ga bɨ mándị́sị méngị yée née mbá, moko ndaá sɨmɨyé wá.

1 Tasalonị́ka 3:12

Ngére ezé idí sáká sée, zɨ́se óto ꞌbúse dengbị́se kɨ́ ꞌbú ngíti géyị ꞌyị e kɨ́ngaya kpá káa zɨ́ bɨ otozé ꞌbúse ní.

Ébere 13:1

Káa zɨ́ bɨ ṇgúṇgusé ledre Kɨ́résịto go ní, ídísé ndị́sị óto ꞌbú lafúse kacɨ́ kadra za mbá.

1 Timatíyo 1:5

Máúku ledre née kenée gɨ zɨ́a, máíli ꞌyị ga bɨ ꞌbɨ Kɨ́résịto bɨ ndị́sị ꞌdódo ledre zɨ́ye íri ní, idínɨ́ méngị yéme ledre dongaráye kɨ́ lafúye kɨ́ mɨmbéꞌdeyé mbá kị́éꞌdo bɨlámáne, gɨ ro zɨ́ye ídíye mbigí ꞌyị ga bɨ ꞌbɨ Kɨ́résịto ní.

2 Tasalonị́ka 1:3

Owụ́ ꞌbɨ Babá e, utúasá mɨútúásá zɨ́ze íꞌbí mbófo éyị́ zɨ́ Lomo gɨ rosé za mbá, gɨ zɨ́a bɨ ásé kpá fú ndị́sị lódụ́ kacɨ́ Ngére Yésụ kɨ́ngaya ndéré kɨ́e ꞌdáꞌdá kpá kɨ́ óto ꞌbúse bɨ dengbị́se kɨ́ngaya ní.

3 Yiwáni 1:2

Lomo idí kɨ́yị yị́ị bɨ máóto ꞌbúyị kɨ́ngaya ní. Zɨ́ sɨmɨ sanáyị kɨ́ mɨméngị ledre eyị́ ídíye bɨlámáye kpá káa zɨ́ bɨ lomo royị́ nɨ bɨlámáne sɨmɨ Lomo ní.

Yakóbo 5:12

Wo bɨ mbá ní, ndásé lólóbụ́ wá. Ndásé kpá lóbụ́ ịrị éyị́ ga bɨ komo ere togụ́ mbú kɨ́ ịrị éyị́ ga bɨ do sogo káṇgá ba togụ́ kpá ịrị ngíti géyị éyị́ e wá. Ledre esé idí ídí dụụ́ “Ɨɨ,” togụ́ “Ɨ́ꞌɨ,” káa bɨ Lomo nɨ ꞌdécị ngbanga rosé.

1 Korị́ndo 13:4

ꞌYị óto ꞌbú ꞌyị e nɨ ꞌyị sɨmɨkụtụ, nɨ ꞌyị méngị bɨlámá ledre zɨ́ye. ꞌYị óto ꞌbú ꞌyị e ndaá kpá ꞌyị mongụ́ mɨmbéꞌde gɨ ro éyị́ ꞌbɨ ꞌyị e wá, ndaá kpá ꞌyị ị́lị́ wá.