Yude 1:15 - Loina Nuahuana

¹⁵ ma 'abehega tomota mabwaiyadi 'iloinaedi ma 'ibwa'omatadi, 'idi mumuga baibaiwadi ma galadi weyahidi, ma wete 'idi 'ahwa galao mabwaiyana 'oina weyahina.”

Yude 1:15 Referans Kwoze

1 Kolinita 4:5

Bewa tuwa sahena 'eta taiya 'iyanao 'oidiya 'ihesihesinuwa 'abehega bwebwe'adi bo galadi, weyahina 'abwa 'ida Bada 'inaoma ma 'iboinamo 'iloinaegita. Ta 'ina loinaina dumwaluna weyahina 'ida nuwatuhu galadi 'ateda Yehoba 'i'abilatuhedi ma 'iloinaegita, eema 'ida nuwatuhu bwebwe'adi 'i'abilatuhedi, ma weyahidi 'i'ahwa bwebwe'anegita.

Loma 2:16

Gide tuwa tetelaina bwebwe'ana yaloguguyaeya 'oimiya, 'abehega bwa'omatana 'ana tuta 'oina Yehobaina Yesu Keliso nata 'ihe'abeiye ma tauna 'ida nuwatuhu dahwadahwaidi weyahidi 'iloinaegita.

1 Timoti 1:9

Weyahina loinaedi geya Yehoba 'ilagudi todumwalu weyahidi, ma hesi taudi loina 'ana toligehao weyahidi ma todeba pa'ala weyahidi, taudi geya Yehoba sihe'asisiyane, ma togala, ma bi'ibi'idi, ma toheliya, ma taudi sinadiyao ma tamadiyao ma hali tomota wete 'adi tolohe'amasao,

Loma 14:10

Coinega wanuwatuhuyahi ma sahena wagwaegwae hesinuwa bo tasimiyao walolomugiyedi, weyahina tuta 'inaonaoma 'abwa mabwaiyada Yehoba matana tatoholo ma 'iloinaegita,

Loma 2:5

Ma tuwa debami sipa'ala hedada, 'oinega 'eguma tutaina Yehoba 'ina loina dumwaluna 'i'abi hemasalaha, 'igamwasowalegomi tuwa,

Paihowa 17:31

Weyahina 'ida sabwelo bwa'omatana 'abwama 'iupaeya ma mebale'u mabwaiyada 'ada loina dumwadumwaluna 'ida 'ebwaegita loheyaina 'ihesinuweya 'oinega, ma loheyaina 'amasega 'i'abihetoholo hileya ma 'oinega tomota mabwaiyada wasa bewa tada 'ahwa moisae.”

Yoni 5:27

ma wete heyatalaina 'ana loina 'i'ebwaegauwa ma taugu heyatala yapaihowadi, taugu tuwa Loheyaiguina moisa.

Heꞌitaꞌita 22:20

Gwae bewa 'ana tohepwaila 'igwaeya, “Moisa! Bewa ma yanaowa.” Gide Bada, 'unaoma, 'owa Yesu.

Heꞌitaꞌita 13:11

Ta wete 'aigeda hebai hetoina ya'iteya bale'uwega 'ilatuma, ma donanao 'eluwa gide lami donanao, ma 'enana gide hebai nugenugetaina bwehabwehalina 'enana.

Yude 1:16

Tomotaedi tolomugi ma tosinala, ma taudi 'adi lotohona 'oinega sitautauya. Wete togwaehanehane, ma 'eguma 'iyadiyao 'oidiya sigwae helau, beno tobwatobwa weyahina.

1 Kolinita 5:13

Weyahina taudi muliyetega Yehoba 'iloinaedi, ma hesi tologwaliina 'aigeda 'omi 'imi boda, 'oinega 'ilobwaineya ma waloinae, ma 'oimiyega wapa'i.