Yude 1:12 - Loina Nuahuana

¹² Ceguma tapwalolo 'oina helau 'e'ahaina wapaipaihowa ma 'eguma togalaidi siluguwa, 'e'ahaiina si'abihegala, weyahina si'ai hedahedada ma geya sida deba mwadina. Nuwanuwadi taudimo siyaliyaya, 'adi 'ita gide yaloha dubana yaumai 'ipeineya ma geya dohi. Wete 'adi 'ita gide 'aiwe, 'ina sauga huwa ma geya huwainamo, 'oinega sigoha yahule ma 'i'amasa moisa.

Yude 1:12 Referans Kwoze

Madiu 15:13

Ma Yesu 'igwaeya, “Caiweyedi Tamagu geya 'i'umadi, 'abwa 'idabu yahuledi.

Pilipai 3:19

Taudi nata 'abwa 'ebelosaloha 'oina sihesilae, weyahina 'idi hemisa gamwa seseha weyahina, ma nuwatuhu 'ebe debamwadinao sihehepwatuwedi, weyahina nuwatuhu bale'umo nuwanuwadi.

Epeso 4:14

Bewa 'oinega gwama mumugana 'oidega ta'ebesinedi, weyahina mwalo 'ida sanapu we'awe'ana 'oina he'ita hagadi ma hadagi si'abinihu nihuwegita, beno tupwadi to'abowao 'idi he'itao hotohotodi ma galadi 'oidiyega.

Luke 21:34

“Ma wa'itayahigomi ma sahena 'e'ahai ta numa we'aha waiwaidi 'oidiya watautauya hedade, ma wete sahena 'imi miya bale'uwa weyahina wanuwanuwatuhu hedade, 'amuge ma sabweloina 'oina Yehoba 'ilohe'ateyohogomi ta gide gomana 'oinega si'onegomi.

Luke 8:6

Ma tupwana patu bale'u loda'uda'uleina 'oina sibe'uwa ta sibwala ma muliyetega siwelaiya, weyahina bale'uina geya gogaina.

Yemesa 5:5

Ma 'imi miya bale'uwa bwebwe'ana hedade, weyahina tuta mabwaiyana ma'imi yaliyaya, 'oinega ma'ami tole bwebwe'ana, lohe'amasa 'ilobwainegomiya, gidemusa tuwa guyai baweidi.

1 Timoti 5:6

Ma taudi hesi yaliyaya besobeso weyahina sinuwanuwatuhu, beno taudi wahidi mayawasidi, ma yaluyaluwadi si'amasa pwaiya.

Luke 16:19

Ma Yesu wete 'ihegwaediya, 'igwae, “Caigeda tuta 'oina towasawasa 'aigeda ma Lasalo simiyamiya. Towasawasaina 'ana 'ale'owao 'ausala hedadedi ma wete 'anao mabwaiyadi bwebwe'adi, 'oinega sabwelo 'aigeda 'aigeda 'oidiya ma'ina yaliyaya.

Luke 12:45

Ma hesi 'eguma topaihowaina 'iboimo 'oina 'igwae, ‘Cigu bada 'abwa 'iheheboi, 'oinega taugu 'igu nuwatuhu yapaihowadi.’ Coinega 'iyanaowedi loheloheyadi ma mewahinedi 'isapisapidi, ma wete geya 'e'ahai 'ida 'ebwaediya, ma 'iboinamo 'i'ai'ai ma 'inumanuma, ma 'inuma yauyaule.

Maki 4:6

'oinega hala 'i'alasidiya ma siwelaiya, weyahina geya bale'u gogaina siloba.

Madiu 13:6

'oinega hala 'ibwahalidiya ta siwelaiya, weyahina lamudi geya bale'u gogaina siloba.

Ibeliu 13:9

Coinega sahena loina hauhaudi ma hagahagadi wahehesagohedi, weyahina 'ateda 'ihewaiwai Yehoba 'ina helaumo 'oinega, ma geya 'e'ahai 'oidiyega. Loinaedi 'e'ahai weyahina gesowana si'abihetegita.