Yoni 8:44 - Loina Nuahuana

⁴⁴ Comi hesiyage Seitani tamamiu, 'oinega nuwanuwami ma tamamiuina 'ina nuwatuhuwedi wapaihowadi. Weyahina sauga 'ebe hegaina hauhau 'oinega 'itauyama, tauna tolohe'amasa moisa. Geya 'eta wete 'eda dumwadumwaluna 'oinega 'ida tauya. Weyahina geya 'eta wete gwae moisa 'oina 'ida miyana. Tuta mabwaiyana 'oidiya 'e'abo'abo 'oidiyega 'ihehegwaegwae, weyahina tauna tuwa beno gidemusa mumugana, ma wete tauna to'e'abo'abowao mabwaiyadi tamadiu.

Yoni 8:44 Referans Kwoze

Paihowa 13:10

ma 'igwaeya, “Cowa Seitani 'ina boda ma to'abo madouna, 'oinega paihowa dumwaluna 'uhe'aleheya, ma Bada 'ina 'eda dumwaluna tuta mabwaiyana 'utohotoho ma 'abehega 'u'abihepwayo'e.

1 Yoni 3:12

Ma geya'abwa Keni gidemusa, weyahina Keniina Tomudulele 'ina boda, ta tasina 'ihunuya. Ma 'ina lohe'amasaina huhuna tuwa he'ipi'ipi, weyahina tasina 'ina paihowa bwebwe'ana ma Keniina 'ina paihowa galana.

2 Kolinita 11:3

Ma hesi ya'ateyohowa weyahimi, 'amuge ma 'imi nuwatuhu si'wani ma 'imi 'atetagwala Keliso 'oina wa'ebesine, gide mwalo mwata Ibe 'i'aboweya 'ina gwae hotohoto 'oinega, ta Ibeina 'iwe'a.

Heꞌitaꞌita 12:9

Hebaiina bwehabwehalina ma madouna, tauna mwata nugenugetaina sanina Seitani, gide Tomudulele, tauna bale'u 'ana to'abo. Tauna ma'ina aneloseyao mabwaiyadi bale'uwa siula suluhediya.

Yoni 8:38

Ma hesiyage taugu to'aha gide Tamagu 'ihe'itegauwa, wete gide 'oimiya yahehegwaegwaenedi. Comi hesi to'aha gidemusa tamamiu 'oinega wahesagoheya, wete gide wapaipaihowa 'esedi.”

Yoni 8:41

Comi hene waboi tamamiu 'ina paihowa 'oinega watautauya.” Coinega Yesu 'enana sihemaiseya sigwae, “Tauma geya tama budabudaima, tauma hene tamamaina 'aigeda tuwa Yehoba.”

1 Yoni 3:15

Moisa, 'eguma taiya tasina 'ilo'alehe, tauna tolohe'amasa tuwa, ma wasanapuya 'abehega geya'abwa taudi tolohe'amasaedi yawasidi miyamiya hatayana silobaloba.

Madiu 13:38

ma tanoha beno bale'u mabwaiyana, ma witi beno taudi Yehoba 'ina loina 'ana tomuliyao, ma 'awata beno togalanaina 'ana topaihowao,

Yude 1:6

Aneloseyao wete wanuwatuhu yahidi, weyahina mwalo tupwadi taudimo si'abi hanehediya, ma 'idi 'ebemiya si'ebesinediya, 'oinega Yehoba 'ipai momosidiya eeta tupwa guguyou ni'uwa 'oina 'ilagudiya, ma nobwa 'abwa simiyamiya 'ana siga bwa'omatana 'ana sabwelo 'ihapwesa.

1 Yoni 2:4

Ta 'eguma taiya 'igwaegwae ma 'igwae, “Taugu Yehoba 'iyagu.” ma Yehoba 'ina loinao geya 'ihematamatanedi, beno 'i'abowa weyahina 'eda dumwaluna 'i'ebesineya.

Heꞌitaꞌita 21:8

Ma hesi taudi 'atewe'awe'adi, ma taudi geya sihemisa, ma tohemata ganawalao, ma tolohe'amasao, ma tologwaliyao, ma Tomudulele ma'iyanao, ma dimwa 'adi tohemisao, ma to'e'abo'abowao, taudi bewa 'idi tupwa 'asa 'ala'alataina, beno 'amasa heluwena.”

1 Pita 5:8

Coinega walomata yahigomi bwaibwaini 'ami 'aleha Tomudulele 'oinega. Weyahina Tomudulele tauna gidemusa totopwatula, tuta mabwaiyana 'isakosakowasi ma 'i'ebe'ebesa 'abehega 'ana tai 'iloba, ma 'i'ai.

Heꞌitaꞌita 9:11

Ta wete ma'idi toloina, tauna aneloseina gaulaina 'ana to'itayahina, sanina Ibeliu 'enadiyega sigwae, “Abadoni,” ma 'ena Gilisi sigwae “Apaloni,” ma 'adi nuwasabwalena beno “Tolohe'amasa.”

Paihowa 5:3

Pita 'ihegwaeya, 'igwae, “Ananaiyasi to'aha weyahina Seitani nuwau 'i'eweya ma tanoha 'ana maisa tupwana 'udahweya? Beno 'ino 'abo Yaluyaluwa Tabuna 'oina.

Yoni 6:70

Coinega Yesu 'ihegwae hilediya, 'igwae, “Moisa tuwa, 'omi wate tuwelo yahesinuwa pwaigomiya, ma hesiyage 'oimiyega nata 'aigeda Seitani 'ina boda.”

Heꞌitaꞌita 2:10

“Ta geya'abwa wamatamatauta 'eguma to ginaula 'oina muya waloba. Wanuwatuhuyahi 'abehega 'abwa Seitani 'itohogomi, ma tupwami sipaigomi, ma deliya silagugami, ma hesi 'ami mwauwedi sabwelo nima luwaluwa weyahidi. “Ma watoholo pa'ala 'ana siga 'amasa, ma 'oinega yawasimi miyamiya hatayaina ya'ebwaegomi.

2 Pita 2:4

Weyahina Yehoba aneloseyao galadi geya 'ida 'atemuyemuyaediya, ma hesi gaula guguyou 'oina 'iula suluhediya, eema simiyamiya 'ana siga bwa'omatana 'ana tuta.

Heꞌitaꞌita 13:14

Ma tagwala 'iloba pwaiya ta 'oinega hebaiina holega matana 'aniyanaedi 'ipaihowediya, ma nage 'oina mebale'u mabwaiyadi 'i'abowediya. Ma 'ina 'abowedi 'oidiya 'igwae, “Da'ule 'aigeda watagi eema wapaihowa 'ana 'ita gide hebaiina 'elepega 'ihesilaheya ta 'ibwebwe'ana hila.”

Heꞌitaꞌita 22:15

Ma hesi 'asa 'atamanina 'adi tomiyanao, beno 'edewao, ma Tomudulele ma'iyanao, ma tologwaliyao, ma tolohe'amasao, ma dimwa 'adi tohemisao, ta wete to'e'abo'abowao.

Madiu 12:34

“Comi tuwa mwata natunao, 'oinega geya sawasawahina ma gwae 'ausaladi wa'inanadi, weyahina mabwaiyami togala, ma wete 'imi nuwatuhuwao to'aha gide 'atemiya simiyamiya, tuta mabwaiyana 'ahwamiyega silatulatuma.

Madiu 13:15

Weyahina tomotaedi 'idi nuwatuhuwao si'elo'waniya, ma tenadi 'ituiya, ta wete matadi 'igibuwa. Tabu ta matadiyega si'ita, ma tenadiyega sihesagoha ma sinuwasabwalena, ta 'oiguwa si'ita hila, ma ya'abi hebwebwe'anedi.’

Yoni 7:17

Taiyawedi 'omi 'eguma Yehoba 'ina nuwatuhu wapaipaihowa, 'omi nata wasanapugau 'abehega 'igu he'itaina Yehoba 'oinega, ma geya yaboi 'igu nuwatuhuwega.

Yoni 8:55

Ma hesi tauna geya wasanapu toho, yaboi tuwa yasanapuya. Ma 'eguma yagwae, ‘Geya yasanapu,’ nata ya'abowegomi gidemusa 'omi wa'e'abo'abo. Ma hesiyage tauna yasanapu bwaibwainiya 'oinega 'enanaina yagwahugwahu bigadi.

1 Yoni 1:8

Moisa, mabwaiyada topui tuwa, ma geya'abwa ta'e'abo'abowegita, ma tagwae “Taugu bwebwe'agu, ma geya 'igu puimo.”

1 Yoni 2:21

ma geya 'abehega ma'imi henainaida 'imi leta bewa wahasihasili, weyahina he'ita dumwadumwaluna wasanapu pwaiya, ma wete wasanapuya 'abehega geya 'eta wete 'abo 'oinega 'ihapwesa.

Paihowa 24:9

Ta meYudiya wete he'ewaina si'ahwa moisaeya.