Yoni 8:25 - Loina Nuahuana

²⁵ Coinega taudi wete Yesu sihegwaeya sigwae, “To loheya hede 'owa?” Ta tauna wete 'enadi 'ihemaiseya 'igwae, “Mwalona yahegwae pwaigomiya taugu taiya.”

Yoni 8:25 Referans Kwoze

Yoni 8:12

Coinega Yesu wete 'ihegwae hilediya 'igwae, “Taugu gogo gabulena 'ana 'asilala. Ma taiyawedi 'omi 'eguma wamuliyegau, nata taugu 'asilalaina yawasimi 'oidiya yasae hane, ma 'oinega geya'abwa guguyou 'oina watautauya.”

Luke 22:67

ma sihesilaleya sigwaeya, “Cuhepwaila dumwalu 'oima, togidega 'owa To'abihetenaina bo geya?” Coinega Yesu 'ihegwaediya, 'igwaeya, “Geya wahemisaegau, 'oinega sahena yahehepwaila 'oimiya,

Yoni 19:9

Coinega Yesu 'itoehileya ma siluhuwa 'ina hada 'oina, ma 'ihesilaleya 'igwae, “Cowa ta'ehega 'utauyama?” Ma hesiyage Yesuina geya 'eta to'aha 'igwaene.

Yoni 1:22

Coinega tohesilalaedi wete sigwae hila, sigwae, “Cowa hede to loheya? Mane hana 'uda hegwaemai ma 'aneyage 'alohihila ma 'ima tohanugetao 'ahegwae bwaibwainidi to'aha gide 'ino hegwaegwae weyahiu.”

Yoni 10:24

Nage 'oina meYudiya Yesu siha'wabu'wabuya ma sihegwaeya sigwae, “Tuta mabwaiyana 'oidiya 'owa 'ima nuwatuhu 'uhehe lahalahadi. Ma to tuta 'oina 'abwa 'oima 'uhepwaila bwaibwaina, 'owa moisa To'abihetenaina bo geya?”

Yoni 1:19

Tuta beno 'oidiya, meYudiya 'idi tohanugetao topwaoli tupwadi ma Libai tupwana 'ina bodao 'oidiyega sihesumanedima Yelusalema 'oinega Yoni sabi hesilalaina 'abehega tauna to loheya.

Yoni 8:24

Beno huhuna 'oinega yahegwaegomiya 'abehega 'imi pui nata 'oidiyega wa'amasa, 'eguma geya wahemisaegau taugu.”

Yoni 8:26

Ma wete 'ihegwae hilediya 'igwae, “Sowasowahigu ma ginaula baibaiwadi weyahidi yahegwaegwae ma wete weyahidi yaloina, ma hesiyage tauna 'ihesumanegauma mumugana mabwaiyana bwebwe'ana. To'aha gidemusa 'oinega yahesagohediya, beno tuwa taudi weyahidi yahehegwaegwae mebale'u 'oimiya.”