Yoni 8:12 - Loina Nuahuana

¹² Coinega Yesu wete 'ihegwae hilediya 'igwae, “Taugu gogo gabulena 'ana 'asilala. Ma taiyawedi 'omi 'eguma wamuliyegau, nata taugu 'asilalaina yawasimi 'oidiya yasae hane, ma 'oinega geya'abwa guguyou 'oina watautauya.”

Yoni 8:12 Referans Kwoze

Yoni 12:46

Taugu bewa maedanaina yatauyama bale'uwa ma 'oinega taiyawedi 'omi 'eguma wahemisaegau, nata geya'abwa guguyou 'oina watautauya.

Yoni 9:5

Coinega tutaina taugu bale'uwa yamiyamiya, taugu tuwa bale'uina 'ana 'asilalaina.”

Yoni 12:35

Cidi gwaeina Yesu 'ihemaiseya 'igwae, “Sauga 'i'iuna 'oina maedana 'oimiya 'imiyamiya, 'oinega bewa tuwa maedanaina 'oina watauya. Weyahina guguyou 'eguma 'ilatuma, nata geya sowasowahimi ma 'eda wa'ita. Weyahina taiya 'eguma guguyou 'oina 'itauya, geya sawasawahina ma 'isanapu to'eha 'itautauya.

Madiu 5:14

Ma wete 'omi gide mayale mebale'u weyahidi. Ceguma mayale tagabu, sahena walata 'oinega ta'ahu'ahu hetaluhi, ma hesi 'ebe lagu tabwanina talagu, ma hada mabwaiyana 'i'asilala. Wete gide 'eguma 'oya pwatana tahe'asa, geya sawasawahina ma 'asaina tadahwa.

Yoni 3:19

Loinaedi mwaudiyedi huhuna bewa gidemusa: Maedanaina 'isulu pwaima bale'uwa, ma hesi tomiya bale'u nuwanuwadi guguyou. Coinega maedanaina silogwahateya, weyahina mumugadiyedi galadi.

2 Pita 2:4

Weyahina Yehoba aneloseyao galadi geya 'ida 'atemuyemuyaediya, ma hesi gaula guguyou 'oina 'iula suluhediya, eema simiyamiya 'ana siga bwa'omatana 'ana tuta.

Paihowa 13:47

“Weyahina Bada 'iloinemaiya, 'igwae, 'Cimi paihowa ya'ebwaya pwaigomiya ma 'abehega 'omi taudi tomiya ganamuli 'idi mayale, ma tupwa mabwaiyadi 'oidiya 'adi 'abihetena watauye.’”

Paihowa 26:23

beno 'abehega To'abihetenaina muya 'iloba ma 'amasa 'oinega 'itoholo nugeta, ta 'asilala 'ilelewane meYudiya ta taudi geya meYudiya wete 'oidiya.”

Yoni 14:6

Coinega Yesu Tomasi 'ihegwaeya 'igwae, “Taugu 'eda, ma gwae moisa, ma wete yawasimi huhudi. Weyahina geya 'eta taiya sowasowahina ma Tamagu 'oina 'itauya 'eguma loheyainaina geya 'oiguwega 'itauya.

Yoni 7:17

Taiyawedi 'omi 'eguma Yehoba 'ina nuwatuhu wapaipaihowa, 'omi nata wasanapugau 'abehega 'igu he'itaina Yehoba 'oinega, ma geya yaboi 'igu nuwatuhuwega.

Heꞌitaꞌita 21:24

Ta 'asilalaina 'oinega mebale'u 'abwa siyawala dadana, ma bale'u 'ana kiniyao 'adi hepwatu si'eweyama 'asaina 'oina.

Luke 2:32

ta taudi ganamuli 'idi To'abihe'asilala, ma tauma 'ino tomota meIsileli 'ima 'ebe hepwatu.”

Yude 1:13

Ma wete 'adi 'ita gide bagodu madoudi ma gwalobusobusodi 'idi paihowao 'ebe deba mwadina. Wete 'adi 'ita gide 'ipwalao siyawala besobeso galewa, 'oinega guguyou 'ina tupwa simiya hataya.

2 Pita 2:17

Ma tohe'ita 'abo'abowedi 'idi mumuga gide bwasi gaula geya bwasidimo, ma taudi wete gidemusa yaloha, geya sida miya hohobiga, 'oinega Yehoba nata 'ilagu dobihedi gaula guguyou 'oina ma nobwa simiya hataya.

Yude 1:6

Aneloseyao wete wanuwatuhu yahidi, weyahina mwalo tupwadi taudimo si'abi hanehediya, ma 'idi 'ebemiya si'ebesinediya, 'oinega Yehoba 'ipai momosidiya eeta tupwa guguyou ni'uwa 'oina 'ilagudiya, ma nobwa 'abwa simiyamiya 'ana siga bwa'omatana 'ana sabwelo 'ihapwesa.

Yoni 12:36

Coinega tuta bewa 'oina watoho ma maedanaina 'ina miyana 'oimiya wahemisae ma 'oinega 'omi maedanaina natunao ma maemaedanimi.” Yesu 'ina gwae bewa 'oidiya 'igumwala, ma 'itauya, eeta 'oidiyega 'i'waiha.

1 Yoni 1:6

Coinega 'eguma tupwa guguyou 'oina tamiyamiya, geya'abwa ta'e'abo'abo ma tagwae 'abehega, “Yehoba mahetedai ta'ahwa 'iya'iyagu.” Beno geya mumuga bwebwe'ana moisa.