Yoni 7:4 - Loina Nuahuana

⁴ Ma wete sigwae, “Geya 'eta taiya paihowa dahwana 'oinega sanina 'ida hemadouwa. Ceguma nuwanuwau ma tomota mabwaiyadi sisanapugo 'owa tuwa 'uboi 'uhe'itaego 'oidiya.”

Yoni 7:4 Referans Kwoze

Yoni 18:20

Coinega Yesu Topwaoli Madouna 'enana 'ihemaiseya 'igwae, “Sauga mabwaiyana 'oidiya 'atamana ta hada tapwalolo 'oidiya ta Yehoba 'ina Hada He'asisi solana yahehe'ita. Coinega meYudiya mabwaiyadi 'igu he'ita sihesagohediya ta sisanapudiya. Weyahina 'igu he'ita geya yada dahweya. Tuta mabwaiyana tomota matadiya yahehe'ita.

Luke 6:45

Gide loheya mumugana, 'eguma loheya 'ina nuwatuhu 'ausalana mumugana mabwaiyana bwebwe'ana. Ma 'eguma loheyaina 'ina nuwatuhu galadi mumugana mabwaiyana galadi. Weyahina nuwatuhuwedi to'aha gide 'atemiya simiyamiya sauga baibaiwana 'ahwamiyega silatulatu.

Madiu 23:5

“Cidi paihowao mabwaiyana sipaipaihowadi ma 'abehega tomota si'itadi ma sihepwatuwedi, beno gwaeyao Buki He'asisi 'oinega leleleledi manidiya ma nimadiya si'abihe pa'inediya, ta 'adi 'ale'owao duduledi sisohasohadi,

Madiu 6:5

Cimi 'ahwanoi wete gide, 'eguma wa'ahwanoi Yehoba 'oina, sahena to'e'abo'abo gide wa'ahwa'ahwanoi, weyahina taudi nuwanuwadi ma tomota matadiya tapwalolo 'alona nuwana 'asai sitoholo ma si'ahwa'ahwanoi. Moisa 'adi hepwatu tuta bewa tuwa silobaloba, ma tuta 'inaonaoma geya.

Madiu 6:16

Wete 'eguma tutaina 'oina tapwalolo weyahina wahudi, beno geya sowana wa'ai, sahena manimi 'ilolonohunohu gide tuwa tonuwagala. Ma to'abo 'idi paihowa gide, weyahina taudi 'adi 'ita si'abihegaledi ma 'abehega 'idi hudi tomota sisanapu. Taudi 'adi hepwatu tuta bewamo silobaloba, ma 'abwa geya.

Madiu 4:6

ma 'ihegwaeya, 'igwae, “Ceguma 'owa Yehoba Natuna, bewa 'oinega 'ulataheya, ma geya'abwa 'uhesihesilae. Weyahina Buki He'asisi 'igwae pwaiya 'igwae, ‘Yehoba 'ina anelose 'iloinaedi ma si'itayahigo,’ ma wete 'igwae, ‘Nimadiyega si'ahaligo, ma 'oinega sahena 'uhesihesilae dimwa 'oidiya.’”

Yoni 7:3

Coinega Yesu tasinao sihegwaeya 'oina sigwae, “Casa bewa 'u'ebesine ma 'utauya Yudiya, ma 'a tomuliyao nobwa 'ino paihowa si'ita.”

Yoni 7:5

Tasinaowedi gwae bewa si'inaneya 'oina weyahina geya sihemisae.