Yoni 6:9 - Loina Nuahuana

⁹ “Gwama 'aigeda yalobeya 'ana beledi nima 'ai'aigeda, ma wete 'ana silahana 'eluwa. Ma boda mabwaiyadi geya sowasowahidi.” Tomuliyaina sanina Andulu, Saimoni Pita tasina.

Yoni 6:9 Referans Kwoze

Luke 9:13

Coinega Yesu 'oidiya 'igwaeya, “Togidega, 'omi nata geya wahehe'aidi, 'awa?” Ma taudi sigwaeya, “Togidega nata 'ahe'ai 'esedi? Weyahina 'ama geya baibaiwanamo. Beledi nima ma silahana luwa situpwa. Togidega, nuwanuwau 'abehega 'atau ma bodaedi 'adi 'agimwane?”

Maki 6:38

Ta Yesu 'ihesilalediya, 'igwae, “Hisa beledi 'oimiya. Watauya wa'ebesa.” Sitauya ma silobeya, ma Yesu sihegwaeya, sigwae, “Beledi nima ma silahana 'eluwa 'alobediya.”

Madiu 14:17

Ma taudi sigwae, “Ya! Cama geya baibaiwana, beno namo beledi nima 'ai'aigeda ma silahana 'eluwa.”

Madiu 16:9

“Geya hede wanuwa sabwalena tutaina beledi nima 'ai'aigeda 'oidiyega tomota paibi tausani yahe'aidiya, ma 'e'ahai 'ana tupwa mabwaiyana wadomwa he'auteya, ma 'oinega kodo baibaiwadi walohemahediya?

Maki 8:19

Tutaina beledi nima 'oinega tomota paibi tausani yahe'aidiya hisa kodo 'ulaheya 'oidiyega wahegogonediya?” Ma sigwae “Tuwelo.”

2 Kolinita 8:9

Comi 'ida Bada Yesu Keliso 'ina helau wasanapuya, tauna 'ina wasawasa madouna 'i'ebesineya ma 'iheweweloheya sabi 'abihetegomi, ta 'abehega 'ina hewewelohe 'oinega 'omi wahewasawasa.

Heꞌitaꞌita 6:6

Ma 'aigeda gide tuwa 'enana hebaiyedi 'ehata gamwagamwanidiyega yahesagoheya, 'igwae, “Witi 'ana lihe 'aigeda 'ana maisa 'aigeda kina, ma wete ba'ali* 'ana lihe 'etoi 'ana maisa 'aigeda kina, ma hesi olibe holowina ta waini geya'abwa wa'abi'abitohodi.”

Yoni 11:32

Coinega tutaina Meli Yesu 'oina 'ilatuwa 'ahena 'ituluha ma 'ihe'asisiyaneya, ma 'igwaeya, 'igwae, “Cinapwana, 'owa 'eguma 'ebwalai 'ebwa 'uda miyamiya geya'abwa wete nuhuguina yawasina 'ida gumwagumwala.”

Yoni 11:21

Malidaina Yesu 'ilobeya ma 'ihegwaeya 'igwae, “Cinapwana, 'owa 'eguma 'ebwa 'uda miyamiyana, nuhugu geya'abwa yawasina 'ida gumwagumwala.

Yoni 6:7

Ma Pilipi Yesu 'ihegwaeya 'igwae, “Boda bewa madou hedadena, ma 'eguma tu handeledi kina 'oinega beledi tagimwanedi weyahidi, bwagana nata 'i'iuna 'i'iuna si'ai, ma hesi nata geya'abwa mabwaiyadi sowasowahidi.”

Yoni 6:11

Muliyetega Yesu beledi 'i'ewediya ma weyahidi 'igwae helauwa Yehoba 'oina, 'abwa muliyetega tomotaedi simiyatoiya 'iheguyaiyediya ma silahanedi wete gide 'oidiya 'ipaihowa 'esediya. Coinega mabwaiyadi si'aiya ta sowasowahidi, simwausuwa.

Yoni 21:9

Silaga 'oya'oya, si'iteya 'aiwe 'i'ala ganiyala 'i'ala'alata ma wete ganiyalainaina 'oina si'iteya beledi ma silahana 'ibwasabwasadi.

Yoni 21:10

Ma Yesu 'ihegwaediya 'igwae, “Ceta wete silahana wa'ewedima ma talagu baledi.”

Yoni 21:13

Coinega Yesu beledi ma silahana 'i'ewediya ma 'ana tomuliyaedi 'i'ebwaediya.