Yoni 6:5 - Loina Nuahuana

⁵ Yesu 'i'ita lohihila ma boda madouna 'i'itediya mulinega sitautauyama, 'oinega Yesu Pilipi 'ihegwaeya 'igwae, “Ta'ehega nata 'e'ahai tagimwanedi ma boda bewa tahe'aidi?”

Yoni 6:5 Referans Kwoze

Madiu 15:33

Ma 'ana tomuliyao sihegwaeya sigwae, “Tupwa bewa balabala 'awawa, ma togidega boda madouna bewa 'adi 'e'ahai taloba 'ese?”

Yoni 4:35

Coinega wete 'ihegwae hilediya 'igwae, “Tomadega 'imi nuwatuhu 'abehega wai'ena 'ehata sigumwala 'abwa mamasalai. Ma hesi yagwae moisa 'oimiya 'abehega mamasalai bewa tuwa 'ilatu pwaiya. Nata hina wa'ita lohihila ma tanoha 'adi 'ita wa'itadi.

Yoni 1:43

Gona 'i'adaleya, Yesu nuwanuwana 'itauya Galili. Citauya ma Galili 'oina Pilipi 'ilobeya, 'ibwauweya 'igwae, “Pilipi, 'unaoma 'umuliyegau.”

Maki 6:32

Eeta siboidimo wagai sigeluwa, ma sihabala 'aigeda tupwaina 'oina, beno yoho 'awawa.

Luke 9:10

Ma Yesu 'ina topaihowaowedi 'idi sakowasiyega sihilama, ta 'idi paihowa mabwaiyana sihe'ote'oteteliya Yesu 'oina. Ta muliyetega 'idi badaina 'itoediya, ta ba'idanao sitauya 'aigeda gogo sanina Bedeseida 'oina, ma 'abehega siboidimo nobwa simiyamiya.

Yoni 1:44

Pilipi 'ina 'asa sanina Bedeseida, beno Andulu ma Pita 'idi 'asa.

Yoni 1:45

Muliyetega Pilipi Nataniyela 'ilobeya, ma 'ihegwaeya 'igwae, “Nataniyela, loheyaina sigwaegwaeneya 'alobeya. Tauna mwalona Mosese 'ina buki 'oina weyahina 'ihehegwaegwae. Palopitao 'idi lele 'oidiya wete weyahina sihegwaegwaeneya. Tauna tuwa Yesu, tamana Yosepa, Nasaleta loheyaina.”

Yoni 1:46

Ma Nataniyela Pilipi 'ihegwaeya 'igwae, “Geya 'eta to'aha bwebwe'ana Nasaleta 'oinega 'ida latuwa.” Ma hesi Pilipi 'igwaeya, “Tuwa hana 'unaoma, tatauya ma loheyaina 'u'ita.” Coinega siteluwaedi sitauya Yesu 'oina.

Yoni 1:48

Nataniyela Yesu 'ihesilaleya 'igwae, “Togidega ta 'usanapugauwa?” Ma Yesu 'igwae, “Nige heneyage ya'ita nugetegowa 'abwa muliyetega Pilipi 'ibwauwegowa, tutaina 'owa damaya huhuna 'umiyamiya.”