Yoni 4:10 - Loina Nuahuana

¹⁰ Coinega Yesu Sameliya wahineina 'ihegwaehileya, “Yehoba 'eguma 'ina helau 'oiuwa 'usanasanapu, ma wete 'eguma 'usanapugauwa taiya taugu 'oiuwa we'aha weyahina ya'ahwa'awanoi, 'owa hesi 'ilobwainegowa 'oiguwa 'uda 'ahwanoi ma we'aha yawasiu weyahina ya'ebwaego.”

Yoni 4:10 Referans Kwoze

Yoni 4:14

Ma hesi taiya 'eguma we'ahina 'oiguwega ya'ebwae ma 'inuma, nata geya'abwa wete tani'ona 'iyahayahala hila. Weyahina we'ahina 'oiguwega ya'ebwae, nata 'atena 'ihebidala yawasina miyamiya hatayana weyahina.”

Heꞌitaꞌita 7:17

Weyahina Lamiina, tauna wagahata wasawasa 'alona 'imiyamiya, tauna 'adi to'itayahina, ma 'oinega 'ihanugetedi we'aha bwebwe'adi 'oidiya, yawasidi weyahina, ma Yehoba tauna mataneudi 'ilo'i'ilidi.”

Heꞌitaꞌita 21:6

Ta wete 'ihegwaegauwa, 'igwaeya, “Cigumwala pwaiya. Taugu tuwa 'ebe hegaina ma 'ebe losaloha, ma 'eguma taiyewedi taudi tani'odi 'iyahala, nata we'aha bidalega ya'ebwae tuwa, yawasidi weyahina.

Yoni 3:16

Comi tomiya bale'u Yehoba 'ihelauwegomiya sinabwana, 'oinega taugu natunaina 'aigeda tuwa 'itagwalegauwa 'oimiya, ma 'oinega taiyawedi 'omi 'eguma wahemisaegau, geya'abwa wahehesilae, ma hesi yawasimi miyamiya hatayana waloba.

Heꞌitaꞌita 22:17

Yaluyaluwa Tabuna ma tohai mewahinena sigwaeya, “Wanaoma”. Ma taiyawedi 'omi gwae bewa wahesagoheya, 'omi wete wagwae, “Wanaoma.” Ma taudi tani'odi 'iyahala sinaoma, ma taiyawedi taudi nuwanuwadi, nata yawasi we'ahina si'ewa, ma sinuma. Geya 'ana maisamo.

Loma 8:32

Weyahina Yehoba natuna moisa geya 'ida nuwahiya, ma hesiyage 'itagwaleya weyahida, 'abwa ginaula mabwaiyadi wete 'i'ebwaegita.

Yoni 6:35

Ma Yesu wete 'ihegwaediya, “Taugu yawasimi 'ana 'e'ahai, 'oinega taiyawedi 'omi 'eguma watauyama 'oiguwa, geya'abwa wagomagomale. Taiyawedi wete 'eguma 'omi wahemisaegau, nata geya'abwa tani'omi siyahayahala.

Yoni 17:3

Yawasiina miyamiya hatayana bewa gidemusa 'ina 'eda: Ceguma tomota sisanapugo 'abehega 'owa moisa Yehoba, ma wete 'eguma sisanapugau 'abehega taugu To'abiheteguina 'owa 'uhesumanegauma.

Yoni 6:51

Weyahina taugu yawasimi 'ana 'e'ahai galewega yasuluma, ma taiyawedi 'omi 'eguma 'e'ahainaina 'oiguwega wa'ai, nata yawasimi miyamiya hatayana waloba. Ce'ahainaina beno taugu hesiyogu ya'ebwaegomi ma wa'ai, weyahina wahigu yatagwaleya mebale'u mabwaiyami yawasimi weyahina.”

2 Kolinita 9:15

Moisa, Yehoba 'oina taloyauwedo 'ina helau madou hedade weyahina.

Luke 11:13

Moisa, 'omi togala ma 'imi 'ebwaya natumiyao 'oidiya wasanasanapu 'abehega ginaula bwebwe'ana wa'ebwa'ebwaedi. Gide wete Tamamiu galewa 'ina 'ebwaya 'oimiya bwebwe'ana hedada, ma 'eguma wa'ahwanoi 'oina, nata Yaluyaluwa Tabuna 'i'ebwaegomi.”

Epeso 2:8

Moisa, 'ina 'eheleina 'oinega 'i'abihetegomiya 'imi hemisa weyahina ma geya waboi 'imi paihowa 'oidiyega, ma hesi Yehoba 'ina helau 'oinega.

1 Kolinita 1:30

Weyahina Yehoba tauna 'ina paihowega Yesu Keliso mahetedai tahe'aigeda, 'oinega Yehoba 'ina sanapu Yesuina 'ilagu balaheya 'oida, weyahina Yesu tauna wahina 'ipwaoliyeya weyahida, ta 'oinega 'i'abihe 'ehaugita ma 'i'abihe dumwalugita.

1 Yoni 5:20

Ma wete tasanapuya 'abehega Yehoba Natuna 'itauya pwaima, ta 'igihenuwa sabwalenigita ma Yehoba tasanapu 'abehega tauna Todumwalu, ta 'oina tamiyamiya, weyahina tauda Yehoba Natuna Yesu Keliso mahetenao. Yesuina Yehoba moisa, ma yawasida miyamiya hatayana huhuna tauna.

Yoni 16:3

Cidi paihowaedi galadi nata 'oimiya sipaihowadi weyahina Tamagu ma taugu geya sisanapumai.

Paihowa 9:11

Coinega Yehoba 'igwaeya, “Cutoholo, ma 'asa gamwagamwanega 'utauya 'eda sanina Dumwaluna 'oinega, ma Yudasa 'ina hada loheya 'aigeda 'uhesilala, tauna gwama Tasisi sanina Saulo, ma sauga bewa 'i'ahwa'ahwanoi,

Ibeliu 6:4

Weyahina taiyawedi mwalo Yehoba weyahina nuwadi 'isabwalena, ta helauina galewega silotohoya, ta Yaluyaluwa Tabuna 'ina 'abihetena 'oidiya silotohoya,