Yoni 3:13 - Loina Nuahuana

¹³ Coimiyega geya 'eta taiya wete galewa 'oina 'ihane tohona, yaboi Loheyaiguina sowasowagu, weyahina galewega yasulu nugetama.

Yoni 3:13 Referans Kwoze

Yoni 6:38

Weyahina taugu galewega yasuluma geya 'igu nuwatuhu sabi paihowaina, ma hesi tauna 'ihesumanegauma 'ina nuwatuhu sabi paihowaina.

Paihowa 2:34

Weyahina Debida geya tauna 'ina hane galewa weyahina 'igwae, ma Yesu hesi weyahina 'igwaeya, 'igwae, 'Yehoba 'igwae pwaiya 'igu Bada 'oina, “Cigu 'ebeulega 'umiyatoi,

Yoni 1:18

Yehoba 'ana 'ita geya 'eta taiya 'ida 'iteya, ma hesi natuna moisa 'iboi 'isanasanapu Tamana 'ana 'ita. Weyahina tauna Tamana deina 'imiyamiya, 'oinega tauna Tamana 'ana 'ita 'ihe'itegita.”

1 Kolinita 15:47

Weyahina loheya nugenugetana Yehoba 'ipaihoweya bale'u 'oinega, ta loheya heluwena galewega 'isuluma.

Yoni 13:3

Ma hesi Yesu 'isanapu pwaiya 'abehega ginaula mabwaiyana Tamana 'i'ebwaya pwaiya ma 'iboimo 'iloina. Ma wete Yesu 'isanapuya 'abehega Yehoba 'oinega 'itauyama ma 'isanapuya 'abehega Yehoba 'oina nata wete 'ilohihila.

Loma 10:6

Ma bewa tutaina tauda 'ida hemisa 'abehega Yehoba tauna 'i'abi 'ehaugita, ma tauna weyahina Yehoba 'ina Buki 'oina 'ihepwaila, 'igwaeya, “Geya sowana 'eta taiya 'oimiyega 'inuwatuhu ma 'igwae, ‘Taiya nata 'ihane Galewa?’” Bewa gwaeina 'ana sanapu 'abehega, “Taiya nata Keliso 'itoeyama.”

Yoni 6:62

Taugu loheyaiguina moisa ma togidega 'eguma wa'itegau yahane 'asainaina mwalona 'oinega yasuluma?

Yoni 3:31

“Loheyainaina tauna galewega 'isuluma, tomota mabwaiyadi 'imadou sinediya. Weyahina taiya 'eguma bale'uwega 'itauyama, tauna tuwa bale'u loheyaina, ma bale'u ginaulinao 'oidiyega 'ihehegwaegwae. Ma hesi loheyainaina tauna galewega 'isuluma, tauna moisa tomota mabwaiyadi 'imadou sinediya.

Yoni 6:46

Ma geya 'eta taiya Tamadai 'i'ita toho, beno tuwa yaboi, weyahina taugu 'oinega yasuluma.

Yoni 6:42

Ma siboidimo 'oidiya sigwae, “Loheya bewa Yosepa natuna, sanina Yesu, 'awa? Tamana ma sinana wete tasanapu pwaidiya, ma togidega ta 'igwaeya 'abehega tauna galewega 'isuluma?”

Yoni 17:5

Coinega Tamagu, bewa tuwa matauwa sanigu 'u'abi hanehe, gidemusa mwalona tuwa 'owa ma taugu 'ida wasawasaina, muliyetega 'abwa gogo gabulena 'ilatuma.

Yoni 8:42

Yesu wete 'ihegwaediya 'igwae, “Comi 'eguma moisa Yehoba tamamiu, wada helauwegauwa. Weyahina taugu Yehoba 'ihesumanegauma, ma 'asa bewa 'oina yatauyama. Ma geya 'abehega yaboi 'igu nuwatuhuwega yatauyama 'asa bewa 'oina, ma hesi tauna 'ihesumanegauma 'ina nuwatuhu 'oinega yatauyama.

Yoni 6:51

Weyahina taugu yawasimi 'ana 'e'ahai galewega yasuluma, ma taiyawedi 'omi 'eguma 'e'ahainaina 'oiguwega wa'ai, nata yawasimi miyamiya hatayana waloba. Ce'ahainaina beno taugu hesiyogu ya'ebwaegomi ma wa'ai, weyahina wahigu yatagwaleya mebale'u mabwaiyami yawasimi weyahina.”

Yoni 6:33

Ma 'e'ahainaina Yehoba 'oinega tauna 'ilatu pwaima bale'uwa ma tomota yawasidi 'i'ebwa'ebwaedi.”

Paihowa 20:28

“Coinega tohanugetao 'omi waboi wa'itayahigomi, ta 'imi sipiyao wete wa'itayahidi, weyahina Yaluyaluwa Tabuna 'imi paihowaina 'i'ebwaegomiya ma tohekalesiyao walomata yahidi, weyahina 'ida Bada Yesu tomotaiyedi taudi bweyahinega 'igimwanediya.

Madiu 28:20

Loina mabwaiyana ya'ebwaegomiya ma wahe'itaedi, ma taudi wete sida muliyedi. Ma moisa, taugu ba'idamiu tamiyamiya sauga mabwaiyana 'oidiya, sauga bewa ma 'ana siga bale'u 'ana 'ebelosaloha 'oina.”

Epeso 1:23

weyahina tohekalesiyao tauda gide Keliso wahina yahunao, weyahina Kelisoina ginaula mabwaiyana sawasawahina tupwa mabwaiyadi 'oidiya.

Madiu 8:20

Ma Yesu loheyaina 'ihegwaeya, 'igwae, “Cedewa totopwatula ma'idi gaula, ma wete bwasumo ma'idi nehwa, ma taugu Loheyaiguina geya 'igu 'ebe 'enomo.”

Yoni 3:12

Ceguma bale'u weyahina 'ahehepwaila ma geya wada hemisaediya, togidega nata galewa 'ina 'ebe loina wasanapu 'ese tutaina 'eguma galewa weyahina 'ahegwaegwae 'oimiya?