Yoni 3:11 - Loina Nuahuana

¹¹ Ma yagwae moisa 'oiuwa 'abehega bewa tuwa 'ahehegwae bwaibwainigomi to'aha gidemusa 'asanapudiya ma 'a'itediya. Ma hesi 'ima gwaeyedi geya wada hesagohediya ma nuwana wada hemisaediya.

Yoni 3:11 Referans Kwoze

Yoni 8:38

Ma hesiyage taugu to'aha gide Tamagu 'ihe'itegauwa, wete gide 'oimiya yahehegwaegwaenedi. Comi hesi to'aha gidemusa tamamiu 'oinega wahesagoheya, wete gide wapaipaihowa 'esedi.”

Yoni 14:24

Ma taiyawedi 'omi 'eguma geya wahelauwegau 'omi geya 'igu gwae 'ana topaihowao. Ma hesi gwaeyedi wahesagohediya, taugu geya 'oiguwega, ma hesi Tamagu 'oinega, tauna 'ihesumanegauma.

Yoni 12:49

Weyahina gwaeyedi taugu geya 'igu nuwatuhu 'oidiyega, ma hesi to'aha gide tauna 'ihesumanegauma 'ina nuwatuhu 'oidiyega 'ilohatotogauwa, wete gide 'oimiya yahehepwailediwa.

Yoni 8:14

Yesu wete 'ihegwaediya 'igwae, “Yaboi moisa weyahigu yahehegwaegwae, ma hesi to'aha gide 'igu hepwaila, mabwaiyadi hepwaila moisa. Weyahina yasanapuya ta'ehega yatauyama ma wete yasanapuya ta'eha yatautauya. Ma hesi 'omi geya wasanapu ta'ehega yatauyama ma wete geya wasanapu ta'eha yahaha'esa.

Yoni 7:16

Coinega Yesu 'ihegwaediya 'igwae, “Taugu geya yaboi 'igu nuwatuhuwega yahehe'ita, ma hesi tauna 'ihesumanegauma 'ina nuwatuhu 'oinega yahehe'ita.

Yoni 1:18

Yehoba 'ana 'ita geya 'eta taiya 'ida 'iteya, ma hesi natuna moisa 'iboi 'isanasanapu Tamana 'ana 'ita. Weyahina tauna Tamana deina 'imiyamiya, 'oinega tauna Tamana 'ana 'ita 'ihe'itegita.”

2 Kolinita 4:4

Taudi geya sihemisa, weyahina bale'u bewa 'ina bada 'i'abihegibu pwaidiya, ma 'oinega 'asilala sahena si'ita'ita, beno Keliso 'ina wasawasa tetelina, tauna 'ana 'ita Yehoba gidemusa.

Yoni 1:11

Ma saugaina wete 'iboi 'inaoma 'ina bodao 'oidiya, ma wete taudi silogwahateya.

Luke 10:22

Nage tutaina 'oina wete 'igwaeya, “Ginaula mabwaiyadi Tamagu nimaguwa 'ilagudiya, ma Tamagu 'iboimo 'isanapugauwa, ma Taugu wete yaboimo Tamagu yasanapuya, ma wete taiyewedi taudi 'eguma nuwanuwagu ma Tamagu yahe'itae 'oidiya, taudi wete sida sanapu.”

Heꞌitaꞌita 1:5

Yesu Keliso tauna tohepwaila moisa, ma wete tauna 'amasega 'itoholo nugeta, ta bale'u 'ana toloinao 'idi kini. Yesu tauna 'i'atemuyamuyaegita, 'ida puiyao bweyahinega 'ideulidiya.

Paihowa 22:18

ta Badaina ya'iteya 'igwaegwae 'oiguwa, 'igwaeya, 'Culomwayamwayau ma Yelusalema 'u'ebesine, weyahina nata 'ino hepwaila weyahigu gesowana sihehesagohe.’

Yoni 5:43

Taugu Tamagu saninega yatauyama ma geya wahemisaegau. Ma hesi 'omi 'eguma hali loheya tauna saninega 'itauyawa 'oimiya, nata loheyainaina wahemisae.

Yoni 3:13

Coimiyega geya 'eta taiya wete galewa 'oina 'ihane tohona, yaboi Loheyaiguina sowasowagu, weyahina galewega yasulu nugetama.

Yoni 3:5

Coinega Yesu Nikodimo 'ihegwaeya 'igwae, “Yagwae moisa 'oiuwa, 'eguma geya'abwa we'aha ma Yehoba Yaluyaluwana 'oidiyega 'uli'uli'u hila, nata geya'abwa wete Yehoba 'ina 'ebe loina 'oina 'uluhuluhu.

Yoni 3:3

Coinega Yesu Nikodimo 'ihegwaeya 'igwae, “Yagwae moisa 'oiuwa, 'eguma geya'abwa 'uli'u hila, geya'abwa wete Yehoba 'ina 'ebeloina 'u'ita'ita.”

Madiu 23:37

“Yelusalema yo! Togidega ta palopitao 'ulohe'amasidiya ma wete Yehoba 'ina tohalewasao galewega 'uloda'ulediya. Tuta baibaiwana nuwanuwagu ma 'ino tomotaiyao yabwau he'autedima gide 'am'am natunao pepenega 'i'ahusamudiya, ma tuwa silogwahategauwa.

Madiu 11:27

Ma wete 'igwaeya, “Ginaula mabwaiyana Tamagu nimaguwa 'ilagu pwaidiya ma Tamaguina taboinamo 'isanapugauwa, ma taugu wete Tamagu taugumo yasanapuya, ma wete 'eguma taiyawedi taudi nuwanuwagu ma Tamagu yahe'itae 'oidiya, taudi wete sisanapu.

Heꞌitaꞌita 3:14

Aneloseina totapwalolowedi Leodisiya 'oina 'i'ita'itayahidi, 'ina leta 'ulele meLeodisiya weyahidi, ma 'ugwae: Tetela bewa 'itauyama Todumwalu 'oinega, tauna Tohepwaila moisa, ma wete tauna Yehoba 'ina paihowao lamuna 'ina hepwaila 'oimiya 'igwaeya,

Yoni 3:12

Ceguma bale'u weyahina 'ahehepwaila ma geya wada hemisaediya, togidega nata galewa 'ina 'ebe loina wasanapu 'ese tutaina 'eguma galewa weyahina 'ahegwaegwae 'oimiya?

Yoni 8:26

Ma wete 'ihegwae hilediya 'igwae, “Sowasowahigu ma ginaula baibaiwadi weyahidi yahegwaegwae ma wete weyahidi yaloina, ma hesiyage tauna 'ihesumanegauma mumugana mabwaiyana bwebwe'ana. To'aha gidemusa 'oinega yahesagohediya, beno tuwa taudi weyahidi yahehegwaegwae mebale'u 'oimiya.”