Yoni 21:16 - Loina Nuahuana

¹⁶ Muliyetega Yesu Saimoni wete 'ihesilala hileya 'igwae, “Saimoni, Yoni natuna, moisa 'uhelauwegauwa?” Coinega Saimoni wete 'igwae, “Cinapwana, 'usanapu pwaigauwa 'abehega yahelauwegowa.” Ma Yesu Saimoni 'ihegwaeya 'igwae, “Cigu sipi 'u'ita yahidi.”

Yoni 21:16 Referans Kwoze

Paihowa 20:28

“Coinega tohanugetao 'omi waboi wa'itayahigomi, ta 'imi sipiyao wete wa'itayahidi, weyahina Yaluyaluwa Tabuna 'imi paihowaina 'i'ebwaegomiya ma tohekalesiyao walomata yahidi, weyahina 'ida Bada Yesu tomotaiyedi taudi bweyahinega 'igimwanediya.

1 Pita 5:2

Coinega wete yahenuwa lagugomi 'abehega 'imi bodaowedi wa'itayahidi, taudi beno Yehoba 'ina tomotaiyao. Ma wa'itayahidi 'imi 'atetagwalega tuwa gidemusa Yehoba 'ina nuwatuhu, ma geya'abwa ma'imi logwahata. Ma 'imi paihowa wapaihowadi, geya 'ami maisa madouna weyahina, ma hesi 'ate tagwalega wapaihowa.

1 Pita 2:25

Moisa, 'omi gide sipi hehebe'uina, eeta sipi 'adi to'itayahina 'itoe hilegomima 'oina, tauna yaluyaluwami 'ana to'itayahina.

Ibeliu 13:20

Yehoba miya daumwala 'ana to'ehele, ma tauna wete 'ida Bada Yesu 'amasega 'i'abihetoholo hileya, ta Yesuina 'ina tohekalesiyao tauda 'ada To'itayahina moisa, ta tauna bweyahinega 'ada loina 'ausalana ta miyamiya hatayana 'i'ebwaegita.

Yoni 18:25

Ma Pitaina 'abwa 'aiweina 'oina 'imwaimwailu bodaedi mahetediu ma sihesilaleya sigwae, “Cowa nuwana 'aigeda bewa loheyaina 'ana tomuliya, 'awa?” Ma Pitaina wete 'imwehihi hila 'igwae, “Ciya, taugu hene geya.”

Yoni 18:17

Nage 'oina wahineina Pita 'ihegwaeya 'igwae, “Cowa nuwana Yesu 'ana tomuliya 'aigeda, 'awa?” Ta Pitaina 'imwehihiya 'igwae, “Ciya, taugu hene geya!”

Luke 19:10

Taugu Loheyaiguina, ta yanaoma ma 'ane todeya ya'ebesedi ma ya'abihetedi, gide loheya bewa.”

Madiu 26:72

Ma weteyage Pitaina 'i'eta'ota'oluluwa 'imwehihiya, 'igwae, “Loheyaina geya yada sanapuya.”

Madiu 25:32

ma 'ebeloina bale'uwa mabwaiyadi tomotaedi mataguwa sihe'autedima, ma yawatahidi gide sipi 'adi to'itayahina 'iwatahidi goti 'oidiyega,

Madiu 2:6

‘Bedeliyema 'alona 'igu boda Isileli 'idi toloina 'abwa 'ilatuma, ma 'i'itayahidi. Bewa weyahina Bedeliyema 'asa wasawasa ma sanina madouna Yudiya 'asainao mabwaiyana 'oidiyega.’”

Heꞌitaꞌita 7:17

Weyahina Lamiina, tauna wagahata wasawasa 'alona 'imiyamiya, tauna 'adi to'itayahina, ma 'oinega 'ihanugetedi we'aha bwebwe'adi 'oidiya, yawasidi weyahina, ma Yehoba tauna mataneudi 'ilo'i'ilidi.”

Yoni 21:17

Coinega Yesu Saimoni Pita 'ihesilaleya hetoina 'igwae, “Saimoni, Yoni natuna, 'uhelauwegauwa?” Ta Saimoni Pita nuwana 'igala weyahina Yesu 'ina hesilala 'oina matoi, 'oinega Yesu 'enana 'ihemaiseya 'igwae, “Cinapwana, 'owa ginaula mabwaiyana 'usanasanapudi, ma 'usanapu pwaigauwa 'abehega yahelauwegowa.” Coinega Yesu wete Saimoni Pita 'ihegwaeya 'igwae, “Cigu sipi 'u'ita yahidi.